ربنا يرحمنا من الكوسه

**mido15** · 08-07-2008 12:36 AM

انهرده كنت قاعد في شارع الجلاء وسط البلد في الزقازيق وشفت وحده سايقه عربيتها ودخلت في سواق تاكسي وكسرتله التاكسي بتاعه وشتمته وبهدلته وشتمت امين الشرطه علشان قلها هاتي الرخص واتصلت بجوزها مستشار وبعتلها مقدم ورائد و2 امناء شرطه وطبعا بعد مخدت ارقام التاكسي وادتهله في الموبايل وعربيتها سليمه والتاكسي مدرمغ والضابط نزل فوق السواق ضرب وخدوه القسم جرجره وربنا وحده يعلم ايه الي جرى للسواق في القسم وده كله علشان جوزها مستشار <ربنا يحفظنا>:embarrassed2::arghh:

**wawoo** · 08-07-2008 12:40 AM

لما نشوف يوم القيامة حتقدر تعمل اية لما تشوف زبانية النار و هما سحبين البية جوزها المستشار على وشة فى النار .و هى وراة طبعا .

**talent** · 08-07-2008 01:17 AM

حسبى الله و نم الوكيل
اللهم اهلك الظالمين بالظالمين و اخرجنا من بينهم سالمين

**cobraa2008** · 08-07-2008 02:05 AM

طب ده جوزها مستشار لو واحدة جوزها لواء ولا اي حاجة من ده ايه اللي هايحصل
عموما مافيش بلد من دون كوسة ولاكن الكوسة في مصر صلصتها زياااااادة حبتين

**WalidAdel** · 08-07-2008 02:13 AM

قعلاً الكوسه في البلد كتير اوي و الناس مستخدمه نفوذها بطريقه غريبه لدرجه اني مره كنت معدي من الزقازيق لاقيت واحد مفيم العربيه وايه عظمه يعني و في الاخر حاطط بادج صيدلي علي النمر مفهمتش بقي هوه عايز ايه قال يعني علشان صيدلي حيعدوا ولا ايه
كوسه كوسه كوسه فعلا ً

**محمد المشد** · 08-07-2008 11:10 AM

سواء كان الباشا مستشار او لواء او حتى وزير 000 فلا قول لنا إلا حسبنا الله ونعم الوكيل فى كل من يستغل منصبة لايذاء الناس ، واعلموا ان الفقر والتخلف والظلم الذى نعيشة سببة ان ميزان العدالة خارج الخدمة وبأذن الله ينعدل الميزان وتتساوى كفتية

**hamedo0** · 08-07-2008 11:14 AM

ربنا يرحمنا طب دى الكوسه ما بالك من البلطجه
انا واحد صاحبي اول امبارح ماشي بالعربيه في محافظه حلوان بنت حكتله جنب العربيه ملحقش يقولها حاجه جه ابوها وناس من المنطقه ضربوه و كمله تكسير في العربيه علي الاقل في القسم ممكن يسيبوه لاكن صاحبي اعقد في البيت مكسر لحد دلوقتي