اقتباس المشاركة الأصلية كتبت بواسطة mtak مشاهدة المشاركة
نقطة اخرى و سمعتها من اكثر من مهندس طافوا و جالوا بالخليج
اتفرج على انترفيو شغل و المفاضله بين مصرى و لبنانى
اتفرج على هيئة كل واحد و اتفرج على طريقه كل واحد لعرض و تسويق نفسه
و اتفرج فى الاخر على الفصال الاخير فى المرتب
اظن اللبنانى لا هو كويتى و لا اماراتى يعنى حالته مش البريمو و كمان مش مستقر فى مكان بس عرف يسوق نفسه و يحفظ لنفسه حد ادنى من الكرامه
و هذا لا اعتبره عيب فينا لاننا ظروفنا صعبه بس مشكلتنا اننا مش عاوزين نتعلم ازاى نسوق نفسنا
و مشكلتنا الاكبر مش عاوزين نتعلم ازاى و لا مؤاخذه مانـ..زوكش بعضنا
لدرجه انى سمعتها من ناس يمنين انهم بيسخنوا مصرى على مصرى و قال ادينى باتفرج
لان الاتنين اساسا مش طايقين بعض لله فى لله كده و كله نفسه يقلش التنى علشان يبقى هو التوت فروت
مشكلتنا الاكبر اننا علشان نبقى كويسين و نبين ان احنا كويسين
هناك طريقان
يا اما نبقى كويسين فعلا و ننافس
يا اما نخلى الناس كلها وحشين و ده اعتقد انه الاسهل اللى معظمنا بيتبعه

أعتقد برضه يا باشا أن أحنا من الناس اللي بترضى بقليلها لما بتسافر برة نتيجة للظروف المنيلة جوه .
اللبناني معندوش نفس الألتزامات اللي المصري بيوقع نفسه فيها ...
بيتجوز بدري قوي و معاه عيال كتير ...... فتلاقيه يرضى بأي حاجة و السلام . بعكس اللبناني
تلاقي لبسه ما شاء الله جميل و مهندم .

طبع النقطة التانية بتاعة كرهنا لبعض ............ دي حقيقة 100 % و أعتقد برضه نتيجة لغياب القانون في داخل البلد فأصبح كل واحد لازم إلى حد ما يأخد حقه بأيده أو بمساعده عيلته أو أصحابه
بعكس الدول المحترمة اللي فيها قانون بيجبلك حقك .
و طبعا أحنا بتوع جر شكل أساسا ........ و بالتالي مشاكلنا كتيرة و معندناش أحترام لقوانين أو حريات بعض .