مساعدة فى ال brilliance V5

**yehiaabdelrhim** · 21-10-2012 01:02 PM

انا بفكر اشترى ال v5 بس بصراحة قلقان و عايز اراء الناس هنا من حيث:
1- هل العربية تستاهل ال 136000 ؟
2- الثبات بتاع العربية عشان عالية عن الارض
3-السحب بتاع العربية
4-العفشة ناعمة ولا ناشفة
5-قطع الغيار فى البريليانس عموما معمرة ولا لا
6-التوكيل
7- هل فعلا البريليانس احسن من الكورى ( هيونداى - كيا - شيفورلية ) ولا لا

**akmm** · 21-10-2012 03:18 PM

متابع .

**ahmedchina** · 21-10-2012 05:48 PM

العربية على مستوى الخامات و التقفيل تستاهل السعر دة . خصوصا إن العربيات اللى فى الفئة دة فى المساحة السعرية دى مفيش منافس إلا الرينو ديستر و تعتبر اقل فى الخامات اعلى فى القيمة السوقية .
الثبات دى إحدى مميزات العربيات البريليانس عموماً مفيش مشكلة فى النقطة دى .
السحب بتاع العربية ان شوفت تست درايف فى الصين التعليق العام إنها بطيئة فى التجميع يعنى بتوصل لسرعة 100 فى 15,6 ثانية خصوصا إن وزن العربية تقيل حوالى طن و نص او أكثر قليلاً . إقتصادية فى البنزين و دى ميزة المواتير المتسوبيشى
قطع الغيار معمرة و دة واضح من تعليق المستخدمين لعربيات بريليانس الموديلات الاخرى . قطع الغيار هتكون مشكلة فى المرحلة الاولى بس العربية لو اصبح لها سوق كويس هتلاقى قطع الغيار فى خارج التوكيل . التوكيل معروف مغلوانى علشان بيبع بى أم دبليو .
العفشة تعتبر بين الناشف و الناعم بناء التست درايف اللى شوفتة
الكورى لايزال متفوق فى سعر إعادة البيع و الانتشار و التكنولوجيا المستخدمة فى العربيات بس بخيلة فى الكماليات اللى متوفرة فى العربيات الصينى عموماً .

**Land_Cruiser** · 21-10-2012 06:11 PM

العربيه لسه نازله جديد فصعب حضرتك تلاقى إجابات أكيده لأسئلتك و القرار بيحتاج فى النهايه أما المخاطره و تجربتها و بالتالى حضرتك تكون من الاخوه اللى جربوها و تحكم عليها و تفيد الآخرين بتجربتك او الانتظار شويه لحد ما الناس تشتريها و تقول خبرتها الفعليه فيها و بناء عليه تقدر تقرر