لمبة الاعطال منورة ومش راضية تطفى

**shedid20** · 21-10-2012 03:56 PM

السلام عليكم ورحمة الله وبركاته يا ناس يا محترمة يا ركيبة الهوندا :)
انا يا اجدع ناس معايا هوندا si عليها موتور zc - 1600 كامة واحدة المهم وانا مسافر على الطريق الزراعى مرة واحدة لمبة الاعطال نورت ومفيش اى تغير فى العربية حصل وانا ماشى الكلام ده داخل فى حوالى شهر. اول موقفت العربية بدأت تبقا مبرجلة ومش مظبوطة بس ولما تيجى تدورها الصبح تتطول فى الدوارة وفى المشى تقلت شوية والسحب يعنى بس بتجرى عادى جدا مفيش مشكلة وملاحظ ان بقا فيه اكل بنرزين حبيبتين بس مش جامد يعنى. المهم روحت للميكانيكى وراجعنا على الفيش وعاملنا ريستارت للكونترول وكله تمام بس بردوا اللمبة ماطفتيش واللغبطة زى ماهى وكمان لما اشغل التكيف تبرجل وتبقا عايزة تبطل. الميكانيكى راح قالى ان الضفيرة كدا عايز يتراجع عليها بس انا مش مقتنع وعايز رأيكوا فى الموضوع ده واسف جدا على الاطالة يا رجالة الهوندا وسلام مخصوص لعمنا سامح :)
اخوكم تامر شديد

**wildwest100** · 21-10-2012 05:17 PM

اولا مين الميكانيكى بتاعك
ثانيا حضرتك كدا لازم تتدخل العربية على الاسكانر وياريت باسرع مايمكن

**khalid_adel** · 21-10-2012 05:29 PM

لازم تكشف عليها
بس هو شكلها يا ايدل ياايرماس

**momo44** · 21-10-2012 05:45 PM

غالبا حساس الايدل او ال تى بى اس فيه مشكلة

**SAMEH_FOUAD** · 21-10-2012 07:40 PM

ياباشا ربنا يخليك وكل سنة وانت طيب

شوف ياباشا طالما اللمبة نورت معاك وانت ماشى مرة واحدة بدون سابق انذار يبقى كدة انت هتلاقى العربية دية

قارية tps sensor , idle valve

وعايزك ياباشا تجيب carb cleaner وترشة داخل البوابة وان شاء الله المشكلة تتحل وشوف كدة

وحاول كل 6 شهور تعمل نظافة للبوابة لازم عشان تحافظ على ال sensors

**shedid20** · 22-10-2012 01:31 PM

المشاركة الأصلية كتبت بواسطة semsem kane

ياباشا ربنا يخليك وكل سنة وانت طيب

شوف ياباشا طالما اللمبة نورت معاك وانت ماشى مرة واحدة بدون سابق انذار يبقى كدة انت هتلاقى العربية دية

قارية tps sensor , idle valve

وعايزك ياباشا تجيب carb cleaner وترشة داخل البوابة وان شاء الله المشكلة تتحل وشوف كدة

وحاول كل 6 شهور تعمل نظافة للبوابة لازم عشان تحافظ على ال sensors

انا يا باشا فعلا نضفت الحساس زى مانت كنت شارح قبل كدا وبعمل كدا علطول كل فترة وبردوا اللمبة ماطفتش والميكانيكى عمل قفلة للكنترول وراجع على الحساسات وكلها قرت صح ولسا زى ماهى والسحب بقا تقيل قوى وفى الدوارة الصبح بقت بطول وتفضل ملغبطة لمدة دقيقة كدا ولازم اسندها بسنة بنزين لحد ماتظبط ومش عارف اعمل ايه انصحنى بقا اروح فين ؟؟ ومتشكرين ليكوا كلكوا يا رجالة هوندا على التعب معايا :)

**SAMEH_FOUAD** · 22-10-2012 01:42 PM

المشاركة الأصلية كتبت بواسطة shedid20

انا يا باشا فعلا نضفت الحساس زى مانت كنت شارح قبل كدا وبعمل كدا علطول كل فترة وبردوا اللمبة ماطفتش والميكانيكى عمل قفلة للكنترول وراجع على الحساسات وكلها قرت صح ولسا زى ماهى والسحب بقا تقيل قوى وفى الدوارة الصبح بقت بطول وتفضل ملغبطة لمدة دقيقة كدا ولازم اسندها بسنة بنزين لحد ماتظبط ومش عارف اعمل ايه انصحنى بقا اروح فين ؟؟ ومتشكرين ليكوا كلكوا يا رجالة هوندا على التعب معايا :)

بقول اية انت ساكن فين ؟؟؟؟؟؟؟؟؟

عشان لو كدة ممكن تبقى تعدى عليا اشوفلك الموضوع دة او نتقابل فى مكان قريب , عشان بس ماتعوضش تغير فى حساسات وتتكلف على الفاضى