الموضوع: ايه الفرق بين الموتور المايفك و العادي في التصميم؟؟؟

في التصميم

كله زي بعض ٤ Pistons في صف واحد متوصلين بعامود إلكرانك

تحت وش السلندر في إختلاف وجود نظام ال-MIVEC ودة جزئين

جزء كهربائي وجزء مكانيكي بالإضافة لصمامات للضغط
و أنا فكيته حتة حتة وصمام صمام علشان أنضفه من بعض الأوساخ

فكرة العمل النظام الكهربائي بيدي إشارة لما الضغط يوصل لقيمة معينة للجزء المكانيكي علشان يشغل الكامة التانية '' هاي سبيد كام '' ودة بيكون تقريباً عند ربم ٥٢٠٠

بعد تشغيل الكامة السريعة ممكن يوصل ال-RPM ال-٨٢٠٠ ودة الRed Zone لن لكن مع التعديل ممكن يوصل ال-٩٠٠٠ وأكتر

في الخامات إختلاف رهيب بين العادي وال-MIVEC

الكومبرشين راشيو ١-١١ ود لو على موتور عادي بخامات عادية ممكن يتكسر بسهولة
فكرة الهورس باور العالي جاية من الضغط العالي جداً والربم العالي


ميزاته

إستهلاك بنزين تحت ربم ٥٢٠٠ لا يذكر
صيانة سهلة وقطع غيار متوفرة في مصر جداً
السعة قليلة وده مفيد في الترخيص دلوقتي
خفيف الوزن
مع التعديل بيوصل لمراحل متشفهاش إلا في المواتير كبيرة السعة بس
يعني ممكن يوصل ال-٣٠٠ حصان بسهولة جداً


عيوبه

أقصى قوة لازم بعض ٥٢٠٠ RPM وكذلك أعلى عزم
بعد ٥٢٠٠ RPM احسنلك متبصش على مؤشر البنزين
بعد ٥٢٠٠ صوت مرعب قد يكون مزعج ولكن رياضي مثير
لو حتضيف تربو لازم تكون حذر جداً جداً ويكون إلي بيركبه فاهم في الموضوع ومحترف جداً في تركيب التربو ومراعاه إن الضغط ميزدش عن ٥-٧ PSI
يا إما تركب جاس كيت وتخفض إلكومرشين راشيو ل-١-٨ مثلاً وساعتها ممكن ترفع ال-PSI


Thanks
Eng.Sherif Shaker

طيب سؤال ..
ليه الفرق الرهيب دة كله في القوة بين المحرك ال 1600 القديم و ال 1500 الحالي يعني ال 1600 كان بيطلع 175 و ال 1500 بتاع دلوقتي بيطلع 105 ليه .. ؟1 دة أقل واجب يطلع مثلاَ 150 حصان ..

..

المشاركة الأصلية كتبت بواسطة CAMARO

طيب سؤال ..
ليه الفرق الرهيب دة كله في القوة بين المحرك ال 1600 القديم و ال 1500 الحالي يعني ال 1600 كان بيطلع 175 و ال 1500 بتاع دلوقتي بيطلع 105 ليه .. ؟1 دة أقل واجب يطلع مثلاَ 150 حصان ..

..

إلكومبرشين راشيو أقل والريد زون RPM ٦٠٠٠

وكل ال-Internals عادية وهو كمان موتور عادي لكن فيه نظام ال-MIVEC لتقليل إستهلاك البنزين على السرعات المنخفضة وإلكروزنج جوة المدينة مش علشان القوة زي ال-4g92 ١٦٠٠ القديم

على فكرة نفس الموتور بينزل في الكولتcc١٥٠٠ ١٥٠ حصان بس مع توربو

الموضوع مش بالسعة
موتير الفورميولا ١ سعتها بتكون أحياناً ٢٠٠٠ أو ٣٠٠٠ cc وبتطلع قوة رهيبة بس ريد زون عند ١٩٠٠٠ أو ٢٠٠٠٠ RPM

Thanks
Eng.Sherif Shaker