الموضوع: ممكن تركزوا معايا شوية فى الشيفروليه الفرونتيرا

المشاركة الأصلية كتبت بواسطة أسد

أهم حاجة قطع غيارها موجودة ولافيها نواقص

كل قطع غيارها موجودة و في السوق محلات بتبيع حاجتها و هما غالبا بتوع الاوبل (حسن عبد اللطيف في شامبليون) و بتوع الجيب زي اسوان اللي في شامبليون و ايسوزو زي ايسوزو سنتر اللي في الوايلي

و الوكيل عنده حاجتها سواء منصور او ياسين او غيرهم من الموزعين

وصيانتها سهلة ولا معقدة


لا مش اي حد يشتغل فيها في الحاجات الكبيرة, يعني تغيير سير الكاتينة فيها محتاج لمتخصص فاهم العربيات دي, كذلك تغيير زيت الفتيس (الاوتوماتيك او الغرز) و
انما تغيير زيت موتور و فلترة و زيت كرونة و تشحيم عادي اي محطة

وتيل و فلترهواء او بنزين و طلمبة بنزين وبوجيهات عادي اي حد يعملة

و تنضيف حساس اير ماس او ايدل طبعا دة زية زي اي عربية حديثة

و فية حاجات حاتحتاج تزور فيها منصور او ياسين محدش بيعرف يظبطها غيرهم و مش مكلفين زي مانت متخيل يعني عربيتي من فترة كانت بترتل و تهرتل سيلانسية و تهبب من الشكمان و تاكل بنزين محدش عرف يظبطها لغاية ما وديتها ياسين و اتكلفت 540 جنية و كلها تنضيف و ضبط حساسات و شاملين تغيير سير بتمنة و تركيبة


وافضل موديل لها



مافيش أفضل موديل هي اصلا موديل واحد

هي انتجت في مصر من 1998 ل 2003 و كلهم زي بعض مافيش اي فرق جوهري بينهم

بس 2002 و 2003 السي دي بتاعها ام بي ثري نش اوديو و الجنوط مختلفة اختلاف بسيط في شكل الدراع بتاع النجمه و التنك بيفتح من جوة مش بالمفتاح و شكل مراية السواق الشمال مختلف (اقصر شوية) و الكنبة الورانية من ناحية الباب فية قطش بسيط

انما غير كدة من حيث البودي و الشاسية و الموتور و العفشة و التابلوة و الصالون كلهم واحد و مافيش اي فرق


ومتوسط سعرها




العربية دي اللي بيحكمها الحالة انا شفت منها ب 55 الف متعدلة غاز و هلكانة و متبهدلة و شفت منها حالات نضيفة و نادرة
و شفت اللي اتباعت ب 130 الف

فية عربيات متكهنة شركات بترول و عربيات كانت شغالة مع بتوع محاجر الرخام و دي بتبقى متهانة و ماتسواش, اللي يحكم ان العربية ماشية كيلومتر قليل و متصانة كويس

المشاركة الأصلية كتبت بواسطة أسد

أهم حاجة قطع غيارها موجودة ولافيها نواقص وصيانتها سهلة ولا معقدة وافضل موديل لها ومتوسط سعرها معلهش ياجماعة ركزوا بس معايا شوية فيها علشان عايز استقر على عربية 4*4 فى اقرب وقت ولو حد عنده واحدة عايز يبيعها يدخل ويشترك معانا وان شاء الله مش هيندم

فى واحد صاحبى عندهم فرونتيرا و بحالة ممتازة جدا و كان عايز يبيعها لو لسة موجودة تيجى تشوفها و هعرفلك منه هى موديل كام و كدة , و هبقى ابعتلك موبايله فى رسالة خاصة

تمام , انا هقابله بكره و هقول له , و حالتها ممتازة جدا لأنى شفتها , و اعتقد انها عاملة كيلوهات قليلة كمان