حد بيربى حيوانات أليفه او غير أليفه

**AHMED_DINAMO** · 26-10-2012 02:10 PM

المشاركة الأصلية كتبت بواسطة d . A .\ ayman

أنا عندي حوض سمك فيك مولر وفانتيل وآنجيل ومولي وجوبي بس المولر افترس الأنجيل والجوبي وكان عندي أنواع تانية كتير مش فاكرها قوي كل شوية أجيب وأوزع أو يموت

وكان عندي سلاحف مائية برضه كنت حاططها في نفس الحوض وعاملها صخرة كبيرة عشان لما تحب تقف فوقيها برة المياه

وبعشق القطط ليهم عندي شعور خاص من بين جميع الحيوانات الأليفة همة والحمام
بس للاسف ما عنديش فرصة أربي حمام في الوقت الراهن

وكان عندي قطة ماو كانت قمة في الذكاء وبتتعلم بسرعة خارقة للعادة ... لحد ما اتوزعت وراحت لصاحب نصيبها غصب عني بسبب المدام ... ومن ساعتها والبنات عندي قارفني عايزين قطة تانية غيرها ومش عارف أجيبلهم منين ... عشان القطط بالذات ما بحبش أشتريهم من المحلات ... دايما بحب آخدهم تربية بيت حد أعرفه

اولاً ربنا يعوضك وخير عن القطه ويباركلك فى سمكك والمولر أكيد كان جعان بزياده شويه ههههه
والسلاحف المائيه دى جميله جداً انا بفكر اربى اتنين فى حوض من غير سمك لان انا بحب شكلهم جداً
وبالنسبه للقطه هو ليه بدل ما توزعها ما توديها تبنى مؤقت عند اى حد هو لازم تتخلى عنها تماماً
وانت بس دور زى ما قولتلك يا دكتور وادعى كده وعن قريب هتلائى ال انت عايزه ان شاء الله

**AHMED_DINAMO** · 26-10-2012 02:23 PM

شوية صور تستاهل تتحط خلفيات يا اخواااانه

**AHMED_DINAMO** · 27-10-2012 04:00 PM

كده مفيش حد بيربى حاجه تانى ولا حد عايز يسأل فى اى حاجه لأى حد

**AHMED_DINAMO** · 27-10-2012 07:27 PM

المشاركة الأصلية كتبت بواسطة ahmad--ezzat

والله انا نفسي اجيب قطه بس خايف تبهدلني وتحتاج مجهود كبير عشان اربيها وخايف تسرق الاكل وخايف تقطع السجاجيد والاطقم وموضوع البيبي ده مش عارف هيبقي ازاي :)

اعمل ايه

بص يا احمد باشا القطط تحب ال يأكلها ويشربها ويهتم بيها سواء صاحبها غريب حرامى مش فارقه وتتعامل بضراوه مع اى حد بدل جه عليها وضايقها هنا با تقلب عليه
لو جبت قطه صغيره هتقعد تدربها على مكان الرمل ال تعمل فيه الحمام وتجبلها عامود اسمه عامود خدش ده ال هتخربش فيه وتعودها متهجمش على الأكل طبعاً الناس بتفضل الصغيره عشان بتقعد تدربها انت بئا مش هتدربها ومش هتفضلها اوى شوف قطه 6 شهور ولا 7 مدربه على الحاجات دى وانت تشترى دماغك هى كل ال هتحتاجه اكل وشرب ورمل ده يومياً ما عدا الرمل كل 3 ايام او هات قطه بتعمل جمام فى البلاعه او التواليت وانت تشترى دماغك خالص

وتحميها كل شعر ولو جبت حاجه شيرازى لونج هير يبئا تسرحها يوميا او كل كام يوم ممكن برده تجيب حاجه مش لونج هير اهم حاجه متتوقعش ان هى هتاخد منك اكتر من ربع ساعه يومياً ده اخرها وبس وربنا يوفقك وتلائى القطه ال تعجبك

**AHMED_DINAMO** · 27-10-2012 08:19 PM

المشاركة الأصلية كتبت بواسطة windofchange

السيامي قط جميل برضه وميزته ان شعره قصير فمش بيبهدل الفرش اووي

مش اى لون فيها حلو بس هى قطه جميله وانا رأيى وده ال عملته انا بدأت مع نفسى فى تربية القطط انى ربيت دكر ونتايه بلدى بعدها ابتديت فى الشيرازى وكان بالنسبالى سهل ساعتها لانى مربى بلدى قبل كده

**khaled_legend** · 27-10-2012 10:24 PM

افضل حيوان ممكن تربيه هو السلحفاه للاسباب التاليه:

لا يوجد لها صوت
سهوله عمليه التنظيف
لا تشرب مياه
صغر الحجم
ممكن "تاخدها معاك في اي حته"
نوع واحد من الاكل

لدي واحد في البيت و ولادي بيحبوها جدا و "بيعدوا يلعبوا معاها طول اليوم من غير صوت" و السلحفاه غير ممله علي الاطلاق بالمناسبه

**AHMED_DINAMO** · 27-10-2012 11:37 PM

المشاركة الأصلية كتبت بواسطة ALMAGICO

جيرمن شيبرد اسمة تشاكى بموووووووووووت فية وان شاء الله نفسى فى الهاسكى وبجد تربية الكلاب متعة ما بعدها متعة ويكفى الوفاء والاخلاص اللى عندهم
وربيت قبلك كدة سمك بجد تربية السمك عالم تانى خالص عالم هادى جدا
وربيت عصافير بس للاسف ماتوا منى

الصراحه انا نفسى جداً فى اكيتا او قوقازى لان دوووول اجمل كلاب فى نظرى وممكن سانت برنارد كمان مع انى مربى جيرمن وان شاء الله هجيب قريب حاجه كماااااااان

السمك جماله انك تتأمل فيه لانه بجد مخلوقات هاديه جداً وتساعد على ان الاعصاب ترتاح
وبمناسبة العصافير بيموت بدون ابداء اى اسباب