الموضوع: حد بيربى حيوانات أليفه او غير أليفه

السلام عليكم

فكرت فى الموضوع ده عشان نستفيد من خبرات بعض فى مجال تربية الحيوانات
وعلى كلمة أليفه وغير أليفه لانى لئيت اعلانات بيع اسود ونمور وشيتا وصقور وتماسيح وحاجات كده غريبه وربنا يستر.

انا هبدأ بنفسى انا ما شاء الله مربى :
1- كلب جيرمن شيبرد عمر 3 شهور و 23 يوم بالظبط مواليد 1-8-2012 اسمه Roy طبعاً واخد كل تطعيماته لغاية دلوقتى وترخيصه فى شهر 2 ان شاء الله
الصراحه بعتبره من افضل انواع الكلاب كلب وفى وزكى وشكله جميل وقوى وفيه شراسه
وحارس قوى للبيت وده طبعاً للظروف الحاليه اننا بره القاهره وعايشين فى فى المنوفيه فى بيت كبير محتاج اى حاجه للحراسه
ده يعتبر تانى كلب اربيه الاول كان بلاك جاااك لسه ممشيه قريب عشان اجيب الكلب التانى
2- قطتين شيرازى موون فيس ذكر ونتايه
الذكر لونه ابيض عمره سنه سنه و 7 شهور غير مطعم حتى الان للاسف اسمه Scooby
النتايه لونها بنى سنها سنه و 5 شهور وغير مطعمه برده للأسف اسمها Toty
3-كان ليا تجربه مع السلاحف
4-تجربه مع السمك
5-تجربه مع العصافير

......وبس

وان شاء الله هرفع صوره لكل ما املك الان ان شاء الله
واى حد عايز يسأل يتفضل سداد ان شاء الله
تحياتى