الموضوع: لا حول ولا قوة الا بالله-كل ده فى كام يوم.

المشاركة الأصلية كتبت بواسطة m_adeleid

كل التعليقات طبعا بتشجب و تدين
واللي يقولك مفيش اخلاق واللي يقولك مفيش ضمير
وكلنا حنقول زي ما انت عاوز
و حيقف الموضوع عند القواله بس
لأن مع اول موقف مشابه حتلاقي اكتر من نصنا بيتصرف نفس التصرفات اللي لسا كان بيدينها دي
في رأيي اكبر مشاكلنا
الأنانيه
انعدام الاخلاق حتي في الطبقه الراقيه و المتعلمه
انعدام الضمير
الفصام (عارف الصح و مستحيل اعمله)
ايجاد الاف الحجج لعمل الخطأ والمجادله بالباطل

صعب اللى اتربى على شئ يعمل عكسه وحتى لو المجتمع حواليه كدة.فانا مش معاك ان ممكن واحد يتعرض لموقف مشابه ويعمل حاجة بعيدة عن دينه واخلاقه وتربيته وبالطبع فى زلات فى المجتمع وطرق التربية ولكن تظهر بكترة ومرة واحدة او انا اللى يمكن كنت بعيد ومش شايفها.

المشاركة الأصلية كتبت بواسطة grand hand

الناس اخلاقها انعدمت الا من رحم ربى

ربنا يرحمنا جميعا.

المشاركة الأصلية كتبت بواسطة tarekmomo

لا حول ولا قوة الا بالله كل دة ورار بعض

والحمد لله على كل شئ.

المشاركة الأصلية كتبت بواسطة ahmed_dinamo

أحب أحييك على شومة حضرتك هههههههه
انت يا باشا تجبلك مسدس ده انا من كام ماشى بالعربيه عربيه اجره زنقت عليا لما كنت هلبس فى الرصيف بجرى وراه لقيت واحد صاحبى بيقولى بلاش دول مبرشمين كلهم وبيبئو شايلين خرطوش وبيضوب ومبيهموش حاجه هااااااااار اسود امال الواحد ياخد حقه ازاى يعنى انت مفيش غير انك لو تعرف ترجع ارجع ويا ريت تاخدنى فى ايدك وانت ماشى وبلاها تعليم وبلاها قاعده فى البلد دى اساساً

ربنا يوفقنا لما يحبه ويرضاه.والشومة معايا من ايام اللجان الشعبية ومقدرتش اموت روح بمسدس وان حتى كنت تحت التهديد( وده حصلى فعلا برا مصر).

المشاركة الأصلية كتبت بواسطة sas5

الناس منعدمة الضمير و الاخلاق

ربنا يرحمنا برحمته.

المشاركة الأصلية كتبت بواسطة eng_doaa

والله مش عارفة أرد أقول ايه غير حسبى الله و نعم الوكيل .

بس حضرتك و أى حد بيسوق لازم بجد يبقى اعصابه باردة و مايحاولش يحتك بأى حد خااااالص لأن ردود أفعال الناس أصبحت غير متوقعة فعلا .

و كمان بلاش نحط حاجات ملفتة فى العربية أو على التابلوه زى الموبايل اللابتوب أى حاجة ثمينة ممكن تخلىيك مطمع و ربنا هو الحافظ

حسبى الله ونعم الوكيل.ومش حاطط فعلا حاجة ممكن تخلى حد يطمع ولكن احتمالية انه/انها يلاقوا حاجة بتخلى الواحد فعلا لما حد بيكلمه بيتلفت حوالين نفسه.

المشاركة الأصلية كتبت بواسطة zrzr1

ايه يا عم كمية المصايب دي, ربنا يسترها

ربنا يسترها على الجميع بامره وفعلا الشارع بقى ساحة معركة.

المشاركة الأصلية كتبت بواسطة المنسي

انا هقول حاجة بس ربنا يستر ومتوقفش من المنتدى كلمة واحد صاحبي قالهالى اللى احنا فيه ده زى برطمان سردين مقفول عليه بقاله 30 سنة ولما اتفتح مش هتشم منه غير ايه قلتله ريحة وحشة قاللى هو ده اللى موجود دلوقتى

الريحة وللاسف بتوجع البطون وتملا بطون تانية وللاسف نفسى الناس تعرف انها مش فهلوة ولا شطارة لا بالعكس ديه خيابة وعذاب وربنا يرحمنا برحمته.