رايح اشتري عربيه لادا 2107 و محتاج خبرتكم

**Ladawy** · 22-10-2012 05:24 PM

الســـلام عليكم

انا رايح ابص علي عربيه لادا 2107

لكن للاسف ماعرفش في العربيات اوووي

و هي العربيه لادا 2107 روووسي / مفيش فيها اي كماليات / موديل 2008 / فبريكة بره و جوه

مطلوب فيها 30 ألف , و عاوووز اعرف اذا كان السعر مناسب ولا غاليه ؟؟

و طبعا انا عارف ان سعر العربيه بيتحدد حسب حالة العربيه , بس برضو عاوز اعرف السعر ده يعتبر معقوول ولا غالي ؟؟

و طبعا اهم شئ ازاي ابص علي العربيه و الحاجات المهمه الواجب اختبارها قبل الشراء ؟؟

**SHNORY** · 22-10-2012 07:16 PM

حضرتك رايح تدفع 30 الف في لادا؟؟
كمان هي موديل 80 ولا 2013 حتي مش حتختلف في اي حاجه عن اي لادا تانيه

لو امكانياتك تسمح كملهم 40 واشتري لانوس1 موديل 99 او 2000 وقطع غيارها ارخص من اللادا دلوقتي
او 35 واركب فيات سيينا
او 30 واركب تمبرا بس دي تراجع فيها قسم فيات هي والسيينا علشان تعرف اسعار قطع غيارهم
وممكن فورد اسكورت عربيه حلوه وركوبه وتقيله علي الطريق وبرضه تراجع قسم فورد علشان قطع الغيار
وكل العربيات دي فيها اوبشن عن اللادا
عفشه ناعمه
تكييف
باور

**hassanin_lada** · 22-10-2012 10:05 PM

نصيحه بلاش لادا حتي لو هتقعد 10 سنين ماتصرفش عليها .. شفلك اي عربيه تاني حتي شاهين هتبقي افضل الف مره ونفس السعر تقريبا

عربيه ناعمه وهاديه وبتاعة شقي بردو واعتماديه عن الادا

الهم بلغت الهم فاشهد .. والناس اللي بتكلمك ناس مجربها وعارفا اللي فيها وربنا يكرمك في عربيه محترمه عن دي

**mirra** · 22-10-2012 10:16 PM

حرام عليكم يا جدعان عقدتم الراجل.....طب اية رأيك ان الادا عربية عملية و محترمة جدا جدا.

**hassanin_lada** · 22-10-2012 10:22 PM

لولا اختلاف الازواق لبارة السلع

**SHNORY** · 22-10-2012 10:28 PM

المشاركة الأصلية كتبت بواسطة mirra

حرام عليكم يا جدعان عقدتم الراجل.....طب اية رأيك ان الادا عربية عملية و محترمة جدا جدا.

ماهو كلنا راكبين لادا يا باشا
احنا مش بنعقده
احنا بنقوله بدايل تانيه بخصوص المبلغ اللي معاه
ولو مصمم علي لادا
فمش فارق فيها موديل قديم من جديد وهو اولي بتوفير جزء من الفلوس سواء لنفسه او يظبط بيه العربيه
ومحدش قال كلمه عدله في موديلات اللادا الجديده اصلا

**hugan** · 22-10-2012 10:37 PM

الادا من ضمن 4 اسواء عربيات في العالم
الشاهين برقبتها

**SHNORY** · 22-10-2012 11:03 PM

المشاركة الأصلية كتبت بواسطة ladawy

و الله يا جماعة انا بعد كلامكم ده حاسس اني رايح اشتري عربية بحمار :10d5c8w1107:

بس انا قولت لادا علشان كاان معايا لادا 2105 روسي 1200 سي سي موديل 1994

و اجيب عربيه اعرف اصرف عليها بعدين ، مش لو بااظ فيها حاجه اقعد جنبها اتفرج عليها

ف قوووولت نعمل كلاكيت تاني مرة بس اجيب لادا موديل حديث شوية

و بالنسبه للسعر الراجل بيقول 30 ألف سعر مبدئي يعني قااابل للتفاوض و احتمال انزل معاه الفين او اكتر كمان .

-----------------------------------------------------------------------------------------
بس و الله الواحد بيفكر في اعادة النظر في الموضوع علشان كلامكم ده انا كله مقتنع به

و شايف ان فيه عربيات احسن من اللادا و بسعر اعلي شوية .

بس انا كنت معدي علي معرض و انا مااشي و بصيت لاقيت لادا قولت لما انزل اسأل

معرض ابو الغيط في المنصورة ف نزلت اشوف النظام ايه !!!

بس برضو لازم الواحد يستفيد من خبرتكم و من خبرته السابقه مع اللادا

يبقي انسب حاجه لحضرتك طالما عاوز عربيه مصروفها حنين واي حد بيشتغل فيها
لادا او لانوس
فانوس اللانوس ب90 جنيه الصيني والاصلي ب150 تقريبا لو ظروفك تسمح بانك تزود المبلغ
ولو حتجيب لادا هاتها موديل تسعينات يكون سعرها حنين وبرضه اي حد يشتغل فيها

الموضوع: رايح اشتري عربيه لادا 2107 و محتاج خبرتكم

LinkBack

أدوات الموضوع

عرض

-

-

-

-

-

-

المواضيع المتشابهه

ماتور لادا نيفا وماتور لادا 2107 هل ينفع؟

محتاج اشتري عربيه

اشتري لادا 2107 و لا شاهين ؟

انا رايح اشتري عربيه 128 انهارده دلوني

محتاج ارائكم .. ايه اخبار لادا 2107 الاوكرانى انجيكشن ؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة