الموضوع: افيو 2009 اوتوماتيك

المشاركة الأصلية كتبت بواسطة m_medo

السلام عليكم يا اخوانى
انا قدامى عربية افيو اوتوماتيك موديل 2009 ... 43000 كيلومتر وفابريقا برة وجوة وسعرها 58000 جنيه
انا كنت هشتريها لحد ما شفت تعليقات كتير من ناس بتقول انها عربية وحشة
انا ارجو الافادة هل اشتريها ام لا.... خاصة اننى من محبى السيارات المعمرة ولا اشترى وابيع باستمرار... وهل مشاكل العربية دى موجودة فى المانيوال والاوتوماتيك؟؟؟؟؟؟؟؟؟

العربية دي منتشرة جدا في المنصورة و لو مش كويسة ما كنش الاقبال عليها يبقى بالشكل دا
انا نفسي قررت اغير ريي و اشتريها بدل النيسان لان كدة كدة الاتنين تقفيل مصري و لو عاوز تعرف ادخل على قسم نيسان صني الجديدة و شوف راي الناس
لدرجة اني شفت واحد مغير فيها مساعدين بعد 1000 كم !!!
بس هي الفكرة ان احنا في مصر بنحب الفتي قد عنينا

العربية معاية بقالها زمن كويسة جدا كان فيها بعض العيوب واتحلت الحمد لله وكلها تتحل زى اية عربية تانية انما مشكلة ارتفاع rpm دى ملهاش حل ودى موجودة فى المانيوال بس اما الاتوماتيك مع اصدقاء لية ما شاء الله مفيهاش اية حاجة بس عيبها سحبها مع التكييف تقيل شوية لانها 1500 سى سى و83 حصان يعنى السحب مع التكييف مش قد كدة انما كعربية معمرة جدا جدا وقطع غيارها ببلاش وكفاية انها عالية عن الارض لان المطبات عندنا فى مصر ما شاء الله بيتوصو وهما بيعملوها العربية معايةى بقالها كام سنة مقلتيش اية حاجة خالص غير الصيانة بس الحمد لله وطبعا كان فى مشكلة انها بتزيق من الامام وبحثت وعرفت ان جلب المقصات جلب بارات الدركسيون كانت عايزة تتضغط والجلب المقصات تتغير ومن ساعتها بقالها سنتين زى الفل اما بقى ارتفاع rpm دة بقى بقالى كام سنة بعانى منة وملقتلوش حل خالص ولا التوكيل ولا برة التوكيل وصرفت وغيرت حاجات كتير وبردة زى ماهو لحد متأقلمت مع الوضع انما فى المجمل عربية كويسة فى الفئة بتاعتها وفى عربية تانية كويسة لوجان هايلة جدا بسمع عنها كتير بس معلوماتى قليلة شوية فيها وربنا معاك

أفيو 2009 أوتوماتك و43000 ك وفبريكا جوه وبره ب 58000

طيب إزاي دي؟ دي لو مانيوال مثلا كان ممكن أو لو عاملة كيلومتر كتير
زي ما قالك الأخ drmagieed بص عليها كويس ويااااارب تطلع كويسة أحنا نتمني ليك الخير طبعا وكل عام وحضراتكم بخير

المشاركة الأصلية كتبت بواسطة engine2013

العربية دي منتشرة جدا في المنصورة و لو مش كويسة ما كنش الاقبال عليها يبقى بالشكل دا
انا نفسي قررت اغير ريي و اشتريها بدل النيسان لان كدة كدة الاتنين تقفيل مصري و لو عاوز تعرف ادخل على قسم نيسان صني الجديدة و شوف راي الناس
لدرجة اني شفت واحد مغير فيها مساعدين بعد 1000 كم !!!
بس هي الفكرة ان احنا في مصر بنحب الفتي قد عنينا

كل سنة و انت طيب

على فكرة اشتريها ( الافيو ) و حتعرف الناس بتفتى و لا لا

انا بس كان ليا تعليق على موضوع ارتفاع ال rpm بتاع الاخ الكريم اللى مش لاقيله حل ... و الحل الوحيد ليه باذن الله هوة انك تشترى حساس tps استيراد لانوس (انا جيبته ب 80 جنيه )و خود بالك من الكلمة اللى تحتها خط دى و اما تجيبه تجيب معاه الفيشة بتاعته برده استيراد و ان شاء الله الموضوع يتحل نهائى لأنه دوخنى السبع دوخات. و شكرا