خرم ابره في رادياتير الميجان

**Shiref_mohamed** · 23-10-2012 09:55 AM

السلام عليكم ياوحوش وكل سنة وانتم طيبين جميعاً بمناسبة عيد الأضحي
وإن شاء الله كلنا السنة الجاية نتقابل على عرفات

الموضوع اني كنت مسافر انا وصديق ليا بعربيته الميجان وبعدين فجأة لاقينا رزاز ميه على الزجاج الأمامي الأول افتكرنا الدنيا بتمطر وبعد شويه ظهر رزاز مية تاني نزلنا من العربية لاقيت صاروخ ميه رفيع طالع من الشبكه الأمامية من فوق وضارب قدام العربية حوالى نص متر..
شديت الشبكة خلعتها وبصيت على الرادياتير لاقيت ماسورة الومنيوم فيها خرم اكن حد خرمها بأبرة المهم زودنا ميه ومشينا والحمد لله رجعنا تمام والميه كانت بتنقص حاجات بسيطه .

السؤال بقى ايه الحل هل هيتلحم وخلاص ولا هيحتاج يغيره
ولو اتلحم اللحام هيعيش ولا حل قصير المدي واخليه يروح لمين عشان يظبطله القصه ديه

**dedo_ryo** · 23-10-2012 11:34 AM

هل حاله الماسوره العامه كويسه يعني لما تبصلها مفيهاش اي تسويس
لو حالتها تمام مفيش غير الخرم ده يبقى عادي الحمه و هيمشي معاك تمام
لو لقيت الماسوره مسوسه يبقى التغيير لان كده هتلحم ده هيتفتح غيره
و برضه اسمع من الوحووووووش هنا

**Shiref_mohamed** · 23-10-2012 11:46 AM

المشاركة الأصلية كتبت بواسطة dedo_ryo

هل حاله الماسوره العامه كويسه يعني لما تبصلها مفيهاش اي تسويس
لو حالتها تمام مفيش غير الخرم ده يبقى عادي الحمه و هيمشي معاك تمام
لو لقيت الماسوره مسوسه يبقى التغيير لان كده هتلحم ده هيتفتح غيره
و برضه اسمع من الوحووووووش هنا

الماسورة شكلها بتلمع والعربيه بتصين في التوكيل بإنتظام وبتحط ميه حمرا ومش بتنقص خالص

**figoo2001010** · 23-10-2012 12:57 PM

بص بقى انا كان ليا موضوع قبل كدة فى حكاية كانت اصعب من دى سفرت 1200 ك بالعربية وكان فيها الخرم دة ...... ولظروف انى فى مطروح كان الحل الوحيد انى اللحم والا هنزل اسكندرية وكانت خزوق يومها وكان الردياتير كلو بينور عدا الحتة اللى كانت فيها الخرووم كانت مهرية مش زى باقى الردياتير...... المهم لحمت والراجل كبسهالى معجون بتاع الريداتير (اللحام) وادانى بودرة للمياة عشان لو فى فسفيس يسدها وقولت اروح القاهرة اغيرة ......... ولما سالت علية ب 2000 ج فى التوكيل وبرة اذكر كان ب 900 المهم قولت استنى شوية وبقالى حوالى 3 شهور ببص على المياة مبتقصش ..... معرفش بيبى وبينك دة اسموا استعباط والا عادى لانى فى الاوبل عملت كدة ومشيت 3 سنين وبعتها......

الراجل بتاع اللحام قاللى حرام تغيرة انا عارف انوا شغال فى ريدتيرات مهرية بالكامل بس انا كنت من راية والريداتير يمكن اصلحة بدل استبدالة

عايز احافظ على العربية اكيد بس لو حاجة ممكن تتصلح ب 20ج لية ادفع 2000ج

**Amr_Moh** · 23-10-2012 06:41 PM

ياما لحام خارجي ياما تفك العلبيتين فالجمب و تلغي التيوب البايظة
حكلفك ١٠٠-١٥٠ ج أو تجيب تيواني في حدود ٧٠٠-٨٠٠ كلم مومو

او

في مادة بتتحط فالمية سلف والدنج من كارفور لو الخرم صغير

**Shiref_mohamed** · 24-10-2012 02:37 PM

شكراً ليكم جميعاً
بس هما بيلحمو المواسير ديه من الخارج بإيه هل الأيبوكسي ولا ليه ماده مخصوصه

**Amr_Moh** · 25-10-2012 12:18 PM

الأيبوكسي

الموضوع: خرم ابره في رادياتير الميجان

LinkBack

أدوات الموضوع

عرض

خرم ابره في رادياتير الميجان - انشر الموضوع فى :

-

-

-

-

-

المواضيع المتشابهه

مية رادياتير

البحث عن ابره في كوم قش(زوجة)

مياه رادياتير ل 131

اختراع مصرى خالص لكيفية ركن السيابة فى خرم ابره

رادياتير

الكلمات الدلالية لهذا الموضوع

المفضلات

المفضلات

ضوابط المشاركة