الموضوع: غباء x غباء .... البلد دى هتنضف امتى بقى انا زهقت و جبت اخرى خلالالالالالالالالاص

المشاركة الأصلية كتبت بواسطة mohamed.fawzy

* و انا رايح الشغل الصبح على الدائرى سواق ميكروباص كسر عليا و على اللى جمبى و كان هيلبسنا فى بعض

* و بعدين روحت احط بنزين من بنزينه جمب الشغل ..... مفيش بنزين

* و بعدين سواق تاكسى ابن تيييييييييييت و انا داخل الجراج الصبح قافل الطريق كله علشان بينزل زبون و بقوله حرام عليك بيقولى ليه هوا انا عملت ايه

انا خلاص زهقت و الله من الأمخاخ الوسخه دى ..... يارب يطلعنا منها على خير
منك لله يا مرسى انت و اللى ماسكين البلد .... حسبى الله و نعم الوكيل فى كل واحد مبيشوفش شغله صح فى البلد دى

مرسي مش مسئول عن سفالة الناس.

المشاركة الأصلية كتبت بواسطة elbeh

كلام حضرتك جميل و يحترم بس هقولك حاجه بجد للاسف للاسف احنا شعب أخدنا على العصايه و أدمنا كتير كتير قوى عقبال منتعدل و الامل فى ربنا و فى عيالنا الصغيرين ان احنا نعلمهم و نربيهم كويس و بالطريقة اللى نفسك و نفسى اشوفها فى تصرفات الناس.و تانى حاجة حضرت بتقول اه ذنب الدكتور/مرسى لا طبعا مرسى متحمل جزء كبير فى المشكلة ليه علشان هوه المسئول عنى و عنك فى الوقت الحالى و للاسف احنا شعب لازم لازم لازم يبقى فى ثواب و عقاب و لازم يبق العقاب رادع و للاسف برده لازم نشوف عبر علشان نخاف و ما نعملش الغلط .بس معلش انا رغيت كتير بس بجد انا محمل جوايا و ساكت كتييييييييير كل يوم بشوف غلط كتير و بحاول اتصدى ليه بس للاسف بلاقى ناس قليلة جدا جنبى و انا بتصدى للغلط.و على فكره البلد مليانة مليانة فساااااااد نفس السرقة و التكويش اللى موجود قبل كده لسة موجود مفيش حاجة اتغيرت.
بجد لازم لازم الدكتور/مرسى يبقى شديد شويه لازم يبق فى شده فى كل حاجه يأما كده يأما هنقول على البلد يا رحمن يا رحيم.على العموم أنا بفكر جديا الايام دى انى اسافر بره البلد و كان ممكن اسافر من بعد الثوره بس مرضيتش قولت احتمال البلد تتظبط بس مش بينلها ظبط خالص.ربنا يسترها علينا جميعا ان شاء الله.

و شكـــــــــــــــــــــــ ــــــــــــرااااا,,,,,,,,

حضرتك بتقول الأمل في عيالنا الصغيرين ان احنا نعلمهم ونربيهم كويس !!!!
طيب ماهو عيالنا الصغيرين دول لما يكبروا هيتعاملوا مع ناس كانوا برضه عيال صغيرين لآباء سفلة ماربوهمش وبالتالي طلعوا ناس قذرين. البلد دي حالها مش هيتصلح غير بكارثة حقيقية علشان الناس تفوق او الحكومة تختار مثلا 10000 واحد وتعملهم اختبارات نفسية وتمنحهم سلطة اصدار الأحكام الفورية بالأعدام في الشارع على الشخصيات الزبالة اللي بنشوفها كل يوم ويبقى ليهم الحق في اطلاق النار على دماغهم على طول. مش هنتصلح غير كده ، لازم الزبالة تموت

المشاركة الأصلية كتبت بواسطة tutankhamoun

كلامك كله صح .

بس مرسي ذنبه أيه بس تدعي عليه !!!

كل اللي أحنا فيه من بلاوينا السودة أحنا

مشكلة مصر الأصلية و الأساسية هي المصريين نفسهم يا باشا ... اللي هو أحنا

هو مين اللي بيرمي زبالة في الشارع من نوافذ السيارات ؟؟؟؟؟؟؟؟؟؟؟
مين اللي بيكسر الاشارات ؟؟؟؟؟؟؟
مين اللي بيركن غلط و يدخل عكسي و بيعمل كا حاجة غلط في المرور .........؟؟؟؟؟؟؟؟؟؟؟؟

المفروض طبعا يكون فيه رقابة شديدةو أحكام شديدة على المخالفين و لكن واحدة واحدة .
مفيش حاجة هاتيجي مرة واحدة .

و مفيش حد مخنوق في جمهورية مصر العربية زيي من السواقة .

أنا مش أخوان بالمناسبة .... مش عيب اني أكون أخوان .... بس أنا مش ده توجهي و بوضحه مش أكتر .

راجع حضرتك ردودى فى الموضوع و انتا هتعرف انا بدعى عليه ليه ... ده حق شخصى و مش مسامح فيه و هطلبه منه يوم الموقف العظيم ان شاء الله

المشاركة الأصلية كتبت بواسطة mido51eg

مرسي مش مسئول عن سفالة الناس.

ميش حاجه اسمها سفاله الناس .... فى حاجه اسمها مفيش قانون

هات اسفل واحد فى بلدك ووديه دوله محترمه فيها قانون مفعل و منفذ .... هيمشى زى لا مؤاخذه الكلب

المشاركة الأصلية كتبت بواسطة mido51eg

حضرتك بتقول الأمل في عيالنا الصغيرين ان احنا نعلمهم ونربيهم كويس !!!!
طيب ماهو عيالنا الصغيرين دول لما يكبروا هيتعاملوا مع ناس كانوا برضه عيال صغيرين لآباء سفلة ماربوهمش وبالتالي طلعوا ناس قذرين. البلد دي حالها مش هيتصلح غير بكارثة حقيقية علشان الناس تفوق او الحكومة تختار مثلا 10000 واحد وتعملهم اختبارات نفسية وتمنحهم سلطة اصدار الأحكام الفورية بالأعدام في الشارع على الشخصيات الزبالة اللي بنشوفها كل يوم ويبقى ليهم الحق في اطلاق النار على دماغهم على طول. مش هنتصلح غير كده ، لازم الزبالة تموت

مهى الزباله دى مش هتموت الا بالقانون الصارم و مع مرور الوقت هتبقى عاده و هيحصل رقى للناس

المشاركة الأصلية كتبت بواسطة shaddadfalcon1

وانا نفسي زيك كده
بس خليه يعمل كده وشوف كمية الهجوم اللي هتحصل والأعتصامات والأضراب
اذا كان دلوقتي بكل بلطجه بيوقفو الشوارع كلها ومفيش مواصلات عشان يشيلو كل المخالفات اللي عليهم بما فيهم اللي هما عملوها فعلا

مهو علشان مفيش قانون برضه بينظم الأعتصامات و الضرابات

تفتكر لو كان صدر قرار مثلا ان اى سواق ميكروباص هيعتصم او يضرب عن العمل هتتسحب عربيته و و رخصته كان فى حد فيهم اضرب .... كان كله طلع يجرى

المشاركة الأصلية كتبت بواسطة mohamed.fawzy

احنا محتاجين قانون ..... هوه اللى هيعلم الناس الأدب

القوانين موجودة ، المشكلة في تطبيق القوانين . والقوانين مش هتتطبق طول مابهوات الداخلية مش عاوزين يشتغلوا.