السلام عليكم ورحمة الله وبركاته

حكايتى مع الفيليشا لازم تتعمل مذكرات

اشتريت الفيليشا وجيت بيها لحد البيت زى الفل ومن اول يوم العربيه بتسخن واستنى عليها تبرد وبعدين امشى بيها تانى وبعد كام مشوار وقفت من غير اى مقدمات كلمت الميكانيكى وقطرناها ودناها للورشه بتاعته وكلمنى تانى يوم قالى المكنه قفشت وقالى هنغير نص الموتور اللى تحت بس وده حسب رغبتى عشان الحاله الماديه فى الوقت ده كانت زى الفل

والحمد لله ركبنا الموتور وكله تمام ظهرتلى مشكله البطاريه اشتريت بطاريه جديده

ولما ركبتها الراجل قالى شحن الدينمو ضعيف جدا روحت للكهربائى قالى هات دينمو جديد والحمد لله اشتريتو وعملت كل حاجة والشحن بتاعه بقى عشره على عشره

ومشيت بالعربيه كويس وكله تمام وفجأه لمبه الزيت كانت بترعش كده روحت لميكانيكى فى مدينه نصر ميكانيكى بتاع واحد صحبى وقالى العربيه فيها جوان وش سلندر

فضلت ادعى على الميكانيكى اللى ركبلى الموتور وروحت لاكتر من واحد قالى انها فيها جوان عشان انا لسه جديد فى اللعبه

وديت العربيه للميكانيكى ده وسيبتله العربيه وظبتلى الدنيا وكله تمام والعربيه ماشيه فل

الغريب دلوقتى ان العربيه بتسخن مع الجرى لكن فى الشوارع الزحمه بتبرد وتبقى تمام :)

الحل يا رجاله ؟؟؟؟؟


معلش طولت عليكوا