بطارية النيسان

**khodiry** · 23-10-2012 03:48 PM

السلام عليكم يااخوانى النهاردة البطارية بتموت شويه شويه بعد سنه واربع شهور بالضبط قدر الله وماشاء فعل لكن السؤال انا لما سالت عليها قالولى انها44 امبير انا اعرف البطاريات 55 او 70 امبير ازاى كدة ؟؟؟ ولما اغير (جافة ان شاء الله ) برضه اجيبها 44 ولا اجيب ال 70 امبير احسن وفيه نوع معين تنصحونى بيه ولكم الف شكر

**bassem_sams** · 23-10-2012 03:53 PM

هى كام امبير مكتوبه فى كتالوج عربيه لكن نوغ جيد يفضل جافه ac deloc مجربها فى لانسر ممتازة

**Youssef.Awad** · 23-10-2012 04:11 PM

الافضل هاتها جافة وتكون 44 او 55 امبير وما تسمعش كلام حد يقولك هات 62 ولا 70 امبير لأن هو ده مقاس الصنى

**bassem_sams** · 23-10-2012 04:28 PM

اى عربيه بيبقى ليها امبير معين و على اساسه يضع دينامو بقوة معيه خاص لهذه بطاريه لكى يفوم بشحنها فلنفرض صنى 55 امبير و جبت 70 امبير هتخلى دينامو يشتغل زياده لكى يشحن 70 و مع وقت لو دينامو قدم هيبوز بسرعه لأنه بيشحن فوق طاقته لكن لو دينامو جديد ركب 70 لكن افضل زى ما كتالوج بيقول و فى ناس بيتركب بطاريه اعلى لو هما مركبين اجهزة كهربائيه كتيره فالبطاريه اكبر بتفرق معاهم ارجو ان اكون وضحت وجهه نظر و انا بغير بطاريه قالى 70 قلتلوا لأ 55 زى اصليه

**khodiry** · 23-10-2012 04:34 PM

الف شكر ياباشا كده فهمت ونجيب 55 ان شاء الله

**Bishoy.Girgis** · 23-10-2012 04:46 PM

سنة و اربع شهور يعني كده عربية حضرتك في الضمان و ممكن تستفيد بالضمان مع التوكيل لأن التوكيل بيشيل جزء من ثمن البطارية في السنة الثانية و كمان بنسبة كبيرة هتلاقي هناك البطارية جافة
و ابقي طمنا عملت ايه ..

**khodiry** · 23-10-2012 08:47 PM

يعنى معنى كدة لازم اغيرها فى التوكيل علشان استفيد من التخفيض؟ وكمان التوكيل فى الأقصر يعنى 120 كيلو ... وعلى ايه ياسيدى خلينا كدة وخلاص يعنى هايخفضوا كام؟؟؟؟

**Bishoy.Girgis** · 23-10-2012 10:44 PM

المشاركة الأصلية كتبت بواسطة khodiry

يعنى معنى كدة لازم اغيرها فى التوكيل علشان استفيد من التخفيض؟ وكمان التوكيل فى الأقصر يعنى 120 كيلو ... وعلى ايه ياسيدى خلينا كدة وخلاص يعنى هايخفضوا كام؟؟؟؟

السنة الثانية من الضمان .. حضرتك هتدفع 50% فقط من ثمن البطارية .. بس اتاكد الاول من التوكيل انه يوجد بطارية جافة
و الموضوع ده فيه المعلومات كاملة ..

http://www.nilemotors.net/Nile/177196-a.html

@@@@@@@@@@@@@@@@