الموضوع: لازم دوسة زيادة عشان العربية تمشي

المشاركة الأصلية كتبت بواسطة maam

السلام عليكم
من فترة قليلة العربية لما اكون على d وماشي في وسط زحمة مثلا واهدي فرامل على الاخر واسيبه الاقي العربية واقفة ومش بتمشي
طيب دا ممكن يكون طبيعي في بعض الحالات لما تكون على ارض عالية او نفترض فيها زلطة قدام العجلة
لكن لما يبقى الموضوع مش مجرد سنة بنزين عشان تمشي ، لا لازم ادوس سنتين بنزين عشان تمشي ولما تتحرك تنط من مكانها وده لأني بدوس سنة زيادة عن الطبيعي
الموضوع بقى بيحصل كتيير اوي وطبعا بلاحظه عالطول في الزحمة لأني باقف كتير
فهل دا من الايدل ؟!
الار بي إم عندي بيتحرك مع البنزين عادي وبيرفع عادي
هو بيرقص وانا على الدي بس في حيز صغير يعني تركز عليه عشان تلاحظه
طبعا انا بتمنى انه يكون من الايدل عشان عايز انضفه زي ما وضح الأخ فادي
بس خايف مايكونش منه ولما انضفه والعب فيه تتطلعلي مشكلة تانية (وهنا بقى ماتلمسش الحاجة الشغالة يعم اسلام :) )

عربيتك استرا برازيلي 1600 مفيهاش ايدل .... البوابه عندك موتوريزد . انت ممكن تنضفها بالاسبراي مش هتخسر حاجه و مش هتفك حاجه غير الخرطوم اللي جاي من الفلتر ... بس مش عارف الموضوع شكله حاجه تانيه :( مفيش لمض اعطال منوره عندك ؟؟ وأخر ملره غيرت زيت فتيس امتى؟؟؟؟ و ممكن تبص على سويتش الفرامل ؟

ممكن تعمل اختبار عالسريع كدا لتكون في عجله بتقفش فرامل ولا حاجه ... نزل فرامل اليد والفتيس خليه n انزل زق العربيه شفها خفيفه ولا مش راضيه تتزق

لسا كنت بقرا الكلمة ديه حالا في منتدى اجنبي وواحد كان بيرد على سؤال زي بتاعي وقاله فعلا انها مالهاش ايدل

- الحمد لله مافيش لمبات اعطال منورة
- زيت الفتيس لسا مغيروتش من بعد ما اشترتها
- ابص ازاي على سويتش الفرامل
- الاختبار حالا واقولك

المشاركة الأصلية كتبت بواسطة tananybasha

شوف لمبات الفرامل
هتلاقى لمبة محروقه

+1

بس موضوع اللمبه دا مش في الفكترا ولا فالاسترا كمان .. مش فاكر لكن تمام نتأكد من لمبات الاستوب

معلش نسيت اقولك ربنا يبارلك يا أ\عاشور
وطبعا ربنا يبارلك انت كمان يا طناني باشا ويجازي رجالة الاوبل كل خير على تعاونهم

-زقتها عادي بسهولة وهي على الـ n بعد اما نزلت فرامل اليد
- وسويتش الفرامل : حطيت ايدي تحت الدواسة وطلعت شوية لفوق مالاقتش زرار ولا حاجة مجرد دراع دواسة الفرامل لوحده
- لمبات الفرامل: لمبة الاستوب اللي في النص (اللي فوق الزجاج الخلفي) بتنور خفيف جدا عكس اللمبتين اللي على اليمين والشمال، بس دا كان موجود أول ما جبت العربية (كانت هيا بس اللي شغالة والاتنين التانيين لأ ، فروحت للكهربائي نضف واحدة وغير التانية ، مشيت من عنده لاقيت اللي في النص بنور خفيف جدا رجعلته تاني قالي دي بتتكود وعملها مشيت من عنده دقيقتين بالظبط ورجعت تاني ، رجعتله وكلمت الاسطى بتاعه قالي طنش ياما تشتريلك فانوس جديد بمبلغ وقدره ، وطنشت من ساعتها بس مكانتش المشكلة ديه اللي عليها الكلام موجودة خالص ، هي ظهرت من كام يوم)

انت عملت حاجه في الفرامل قريب ؟؟؟؟ رجلشت فرامل اليد مثلا ؟؟؟ فرامل اليد بتعمل كام تكه ؟؟ من كلامك الموضوع دا بيحصل بعد الفرمله المتكرره يعني بعد سخونه وتمدد !!