الموضوع: فيكترا ايه ركوبه احسن من الفيكترا بى

السلام عليكم ورحمة الله وبركاته
انا جبت فيكترا بى من شهر موديل 99 مانوال ماتور اسود بتاع منصور وكان معاية قبلها فيكترا ايه 1600 مانوال تقريبا نفس الماتور والعفشة بس بمنتهى الامانة انا غيرت علشان الشكل بتاع الايه مش شبابى قوى زى البى .
بس بصراحة لما بتكون العربية نضيفةبيبقى ليها برستيج بس بمنتهى الامانة من السواقة تحس بالتالى.
....الايه الروئية كويسة جدا بسبب وضوح الروئية 360 درجة خاصة انى كنت مركب مرايات الابيزا الاصلى وكانت بتجيب النقط العامية كويس لان المراية فيها خط فى التلت الاخير بيجيب النقطة العامية وانخفاض الشنطة عكس البى الشنطة عالية والزجاج الخلفى رياضى اكتر مبيخليش الروئية واضحة 360 درجة بالاضافة الى مرايات الجنب منخفضة وصغيرة مبتجبش النقط العمية فى الاجناب(بتفكرنى بمرايات الكورسا بى مؤرفة بردو مبتقفلش ومش بتجيب الاجناب كويس)مش عارف ليه الاوبل بتقرفنا بالمرايات اللى مبتضمش ومش واضحة زى بقيت العربيات.
....قوة الماتور بالرغم ان كان فى الايه ماتور نضيف قوى بس قوة الماتور والعزم والسحب لصالح البى بفرق كويس.مش عارف ازاى نفس العزم بس اعتقد الفتيس متطور عن الايه(مثال الاول فى الايه اخره 20 كم فى البى بيعدى ال40 كم-----التالت اخره فى الايه 70 البى بيوصل ل90 الى 100 بدون حرق---سرعة ال140 على الخامس بيكون الار بى ام على 3.5 ودة طبعا ممتاز على ماتور 75 حصان السرعة القصوىللايه 180 مجربتش على عربيتى اخرها كام بس جبت بعربية تانيه 195 كم.
....القاعدة فى الايه مريحة اكتر لان الدريكسيون عالى عن الكرسى بعكس البى منخفض والكرسى منخفض بيدايق جدا اصحاب الاجسام الثمينة عكس الايه مريح فى الدخول ووضعية القيادة بالنسبه للاجسام الكبيرة.
الباور فى البى انعم واخف والطارة صغيرة نسبيا عن الايه ومش محتاج اليد اليمين كفاية اليد الشمال حتى فى الغرز الضيقة.
*يعنى باختصار كراحة فى الجلوس خاصة صاحب الجسم الضخم وخاصة فى السفر والفترات الطويلة فى نص البلد الفيكترا اي ممتازة.
*كسحب ونعومة وثبات على السرعات العالية والغرز واداء رياضى وشكل شبابى الفيكترا بى افضل.
العفشة واحد بس بتعيش اكتر فى الايه لان وزنها اخف من البى.
انا طبعا بكتب من وجهة نظرى لتجربتى سنتين للايه وشهر للبى (فى كمان سنتين للكورسا بى 1000 سى سى تكييف و6 شهور للاسترا 1200 سى سى موديل 2000)لو حد عايز اكتبله عن مميزات وعيوبهم من ركوبتى ليهم معنديش مانع