بالله عليكم اجابة بسرعة نازل بكرة اشتري بطارية

**Khaled Lanos** · 24-10-2012 05:05 AM

المشاركة الأصلية كتبت بواسطة eljokr2010

يعني رائيك ال٥٥ امبير هاتكون كويسة يعني لو جيت ركبت عدة صوت محترمة مع اتنين جي ام مش بيأثر علي البطارية وال٥٥ دي هاتقوم العدة كويسسسسسس؟؟؟؟؟؟؟

ياباشا مع احترامي ليك البطارية ملهاش علاقة خالص بالكلام ده..البطارية كل مهمتها انها تقوم العربية وبعد كده الحمل كله بيتنقل على الدينمو..

بس بجد هي بطارية ممتازة وعن تجربة..توكل على الله واشتريتها.

**alaamousa** · 24-10-2012 05:11 AM

ان شاء الله رايي كلورايد 70 جافة كويسة ومحترمة وشغالة الحمد لله زي الفل معايا

**alaamousa** · 24-10-2012 05:12 AM

اه على فكرة الكلورايد 70 امبير بالقديمة ادفع 250 جنيه

**eljokr2010** · 24-10-2012 10:57 AM

طيب ممكن حد يفيدني في موضوع كتالوج العربية ده معرفش اجيبه ازاي هيا اكسنت ١٣٠٠cc. موديل ٢٠٠٠

**Khaled Lanos** · 25-10-2012 01:39 AM

المشاركة الأصلية كتبت بواسطة ahmed_ramadan

طيب حضرتك تفتكر لو الدينامو مش قادر يشحن البطارية علشان هى أعلى منه .....العربية هتعوض الكهربا منين ؟؟

لصاحب الموضوع شوف كتالوج عربيتك مكتوب فيه البطارية كام و أنا أظن إنها 44 و هتجيب 55 أمبير ...الموضوع مرتبط بالدينامو اللى عندك علشان لو البطارية 70 مثلا و الدينامو بتاع العربية مصمم إنه يشحن 55 أمبير مع الوقت الدينامو هيبوظ من التحميل الزيادة عليه و بالنسبة للنوع عند acdelco و varta

ماشي يا باشا مهو ده قصدي من الأول انو يجيب الأمبير المظبوط بتاع العربية عشان كله يبقى تمام..يعني مثلا اللانوس عندي الأمبير المظبوط هو 55 أمبير.

**aw2100** · 25-10-2012 02:00 AM

البطاريات الجافة دة اسم غلط لان البطاريات دى تحتوى على حامض زى البطاريات العادية الفرق انها بتعمل بتكنولوجيا الكالسيوم او الفضة على اسطح الالواح الداخلية مما تقلل من استهلاك الحامض وتصبح بطارية مقفولة ليس لها فتحات لتزويد المياة المقطرة ولذلك البطاريات لاتحتمل الشحن العالى او الشحن العادى لفترات طويلة علشان الحامض بداخلها بيسخن ويتبخر مما يسبب فى تلفها فى مدة زمنيه قصيرة اقل من 6 اشهر وخصوصا فى الصيف وعلشان كدة لاتصلح لسيارات التاكسى او الليموزين الشغالة وهناك ملحوظة فى حالة اذا البطارية فضيت و العين بيها لونها اسود لايمكن لدينامو السيارة ان يعيد شحنها بمعنى ادى العربية توصيلة وتدور مش حتشحن لان البطاريات دى بتحتاج شحن بامبير ضعيف لمدة كذا ساعة (شحن بطئ) ولو ودتها لكهربائى حطها على التونجر العادى السريع دة بيأثر على عمر البطارية والبطارية 70 امبير افضل وخصوصا اذا كنت بتمشى كتير بالعربية انصحك تشترى البطارية العادية مش الجافة لقوة تحملها للشحن العالى او الشحن لفترات طويلة ويمكن تزويد الحامض الداخلى بالماء المقطر

**eljokr2010** · 25-10-2012 12:23 PM

كله تمام يا اخواني الحمد لله جبت ac delco الجافة 70 امبير ودفعت ٣٦٠ جنيه هيا تمنها ٤٣٠ وحسبلي البطارية القديمة ب٧٠ جنيه بصراحة احسن سعر وصلتلوا ( اولاد علي سليمان ) في شارع وادي النيل والف شكر علي اهتمامكم وتعبكم معايا لكل المشاركين بالموضوع.بس خلاص