الموضوع: نصيحة لشراء ماروتى

المشاركة الأصلية كتبت بواسطة amr axel

بخصوص السبرانزا هي عربية كويسة في فئتها يعني 1300 سي سي و السعر و الامكانيات بغض النظر عن انها صيني
من جوة السبرانزا قاعدتها مريحة و تتوافر فيها كماليات مش موجودة في حاجات اعلي منها سعرا
استهلاك البنزين كويس و التكييف ما شاء الله كويس
قطع الغيار اعتقد بقت ارخص لكن اسمع ان فيه قطع غير متوافرة برة اوي و الاسعار قريبة من الالتو
و العربية بالنسبة ليا لما سوقتها شايف انها عايزة شخص سواقته عادية يعني لو غرز يبقي ع خفيف اووي وسط البلد و سرعات طوالي ثبات متوسط لكن مش برفكت يعني محدش برده يفتكرها بي ام و يعمل مناورات بيها :)
العيوب اللي لاحظتها في العربية العفشة خاصة المساعدين و ده حلهم انهم يتغيروا ياما تستحمل الصوت و الدبدبة و النشوفية
التقفيل مش اد كده بس لو جبنا السعر مع الامكانيات و الكماليات يبقي كويس
الشنطة ضيقة شويتين
ده من تجربتي لها

الالتو طبعا اتكلمنا عنها و الفرق انك مش هتلاقي فيها اي مشكلة زي المساعدين او اي حاجة لكن هتاخد موتور اقل في السي سي و مفيش الكماليات اللي في السبرانزا غير تكييف بس

طبعا بالنسبة ليا شخصيا انا افضل الياباني عن الصيني حتي لو مفيش كماليات نهائي و عامة جرب الاتنين و شوف اللي هترتاح ليها اكتر و خد وقتك في التفكير و توكل ع الله و اشتري

شكرا يا باشا على الرد بس عندى كام سؤال بخصوص الالتو
هل تشغيل التكيف يوثر جامد على السحب؟
هل السيارة عليا عن الارض وحتى وهى محملة؟
هل معاملة توكيلة كويس ؟.
وانا شاكرا جدا لسعة صدرك