الموضوع: للإفادة موقع سيتي ساوند للكاسيت

تقريرك يا هندسة...وقول لنا نظام تقليب الفولدرات ايه؟

موقع حلو .. شكرا ليك .. بس مش حاطين اسعار .. وفية تشكيلة كويسة ... طبعا للى مش عايز اكتر من راديو وفلاشة وكارت ... وانا واحد منهم ... وفية تشكيلة حلوة بشاشة كبيرة وسى دى ... بس المهم انت تقولنا رأيك بعد التشغيل

الموقع سيء جدا و مش مبين امكانيات الكاسيت

المشاركة الأصلية كتبت بواسطة abdo1234456

ياريت تبقى تعملنا تقرير ومتنساش الصور

- الصورة ممكن تحصل عليها من الموقع لأنها مش معي الآن، بالنسبة لخرج الصوت، بالنسبالي ممتاز، وعالي ولغاية 40 مافيش خروشه وفيه تضخيم وفيه 4 مود للإيكيولايزر و والنقاء أنا شايف إنه عالي وبالذات لو الصوت اللي أنت مشغلة جوده عاليه، فيه عرض الساعة على الشاشة، زر Int بيشغل 10 ثواني من كل ملف وتختار اللي انت عاوزه، فيه إعادة الملف الحالي، فيه نظام التقليب (يعني يشغل الملفات بدون ترتيب)، فيه تقديم أو تأخير 10 ملفات معا، في كاتم صوت وهو نفسه بيعمل تضخيم Loud، الأداء مرضي جدا بالنسبالي....
- العيوب :: مش مستريح مكان الأصلي يعني داخل جوه الطابلوه شويه، الراديو رغم إنه فيه AM - FM إلا إنه مش جايب خالص وأظن إنه عايز إريال كويس لأن الأصلي صغير ومش بيتفرد. هذا وبالله التوفيق .

المشاركة الأصلية كتبت بواسطة ecybrarian

تقريرك يا هندسة...وقول لنا نظام تقليب الفولدرات ايه؟

التقرير كما سبق في الأعلى،لكن بالنسبة للفولدرات مش بيقلب فولدرات لكن يقرأ محتوياتها بدون مشاكل، وأنا شايف حل موضوع الراديو والفولدرات أجيب MP3 كار كويس ويتعاملو مع بعض لأن أهم شيء إن خرج صوته ممتاز بالنسبالي، وعلى فكره كله في التوفيقيه رغم إنه موجود بدائل كتير تبدأ من 110 جنيه إلا إنه كله نصحني بسيتي ساوند، وقالولي إنه أثبت جوده واللي بياخده مش بيرجع بيه ...

المشاركة الأصلية كتبت بواسطة ehabpopo

موقع حلو .. شكرا ليك .. بس مش حاطين اسعار .. وفية تشكيلة كويسة ... طبعا للى مش عايز اكتر من راديو وفلاشة وكارت ... وانا واحد منهم ... وفية تشكيلة حلوة بشاشة كبيرة وسى دى ... بس المهم انت تقولنا رأيك بعد التشغيل

لا شكر على واجب، وأنا قصدت الإفادة للفئة دي من الناس لأن بلاحظ إن الكل دائما بيتكلم عن الحاجات العالية اللي هي معروف إنها تمام أصلا، فقلت أوضح إنه فيه حاجات عادية مرضيه برده ...