باذن الله بعد العيد حنبحث عن مكان متميز يستضيف المقابلة الرسمية لقسم لنيسان بعد طول انتظار

ياريت تقترحوا مكان تكون مميزاته كالاتى

- فى القاهرة وياريت على اطراف الدائرى مش جوة البلد عشان اللى جى من سفر يقدر يوصلنا بسهولة
- فى باركنج واسع يسعنا كلنا
- الغذاء فيه يكون ممتاز
- اسعاره فى متناول الجميع
- مكان يسع لعدد لا يقل عن 40 عضو وبدون وجود حد غريب معانا من رواد الكافيه او المكان اللى حنكون فيه .. يعنى زى كافيه باين يوم المقابلة الثامنة .. بس طبعا مش باين

طبعا لسه مفيش تحديد للمكان وبنقترحه مع بعض
اما المعياد حنلعنه بمجرد ما نستقر على مكان نعمل فيها المقابلة القادمة
وطبعا كالعادة مقابلة القسم بتكون يوم جمعة .. عشان اغلب الاعضاء بيكونوا اجازة فىا ليوم ده
وطبعا حنعلن عن المعاد والتاريخ واليوم قبلها باسبوعين على الاقل ..
والمقابلة الجاية .. الحاضر يعلن للغايب .. والكل يبعت لبعضه رسائل خاصة .. وندخل اى رابطة عملناها فى القسم وندور على اسماء بعض ونبعت رسائل ناكد على بعض الحضور ونعرف بعض بلينك المقابلة وتفاصيلها

المفاجاءة باذن الله
ان شاء الله حنوجه دعوة لمسئولين من مصنع نيسان ومن مراكز خدمة نيسان المعتمدة
عشان نتناقش معاهم فى كل شى
واكيد فى مفاجاءات اليوم ده باذن الله بس مش كل حاجة حنقولها

ملحوظة
اى استفسار او اسئلة حتتوجه يوم المقابلة لاى مختص فى نيسان باذن الله تتبعت على ايمالى
وححط ايمالى فى الموضوع الجديد اللى حنعلن فيه عن معاد المقابلة باذن الله
عشان الاسئلة حرسلها الى متخصص قبل المقابلة عشان يكون الرد يوم المقابلة على جميع الاستفسارات بتخصص

وان شاء الله يكون يوم جميل ونستفاد منه باذن الله

فياريت تقترحه مكان عشان نروح نعينه ونشوفه يصلح للمقابلة ولالا.. ويكون مكان نقدر نعمل فيه مناقشة مغلقة مع مسئولين نيسان ..

تحياتى