حجزت التيجو

**gabr_sayed** · 27-10-2012 09:37 AM

المشاركة الأصلية كتبت بواسطة tiggosaid

واحد صاحبى حاجز ال2000 اتوماتيك من المصرية، من شهر تقريباً وقالولة لو عاوز تستلم دلوقتى هتستلم 2012، لان 2013 لسة من اول نوفمبر، علماً بان المصرية كانت عاملة عليها عرض وارخص من التوكيل بحوالى 5000جم ، ولما حب يتأكد اتصل بتوكيل ابو الفتوح، وقال لة ال2013 اول نوفمبر فعلاً.
بالنسبة للعالمية اخويا اشترى مرة من سنتين من عندهم (على الدائرى بعد كارفور المعادى) ال1600 ومكنش عندة مشاكل معاهم فى الاستلام.
وفى الاخر ربنا يوفقك فى اختيارك والعربية جميلة واللون الاسود فيها تحفة، والف مبروك مقدماً
ولو محتاج اى مشورة انا تحت امرك.

شكرا يا كبير بس هو ايه الفرق بين 2012 و 2013 هيغيروا حاجه ولا هتكون هي هي

**said.d.y** · 28-10-2012 07:11 AM

المشاركة الأصلية كتبت بواسطة gabr_sayed

شكرا يا كبير بس هو ايه الفرق بين 2012 و 2013 هيغيروا حاجه ولا هتكون هي هي

التوكيل بيقول مفيش فرق

**said.d.y** · 30-10-2012 07:02 AM

المشاركة الأصلية كتبت بواسطة gabr_sayed

طيب كده مفيش فرق غير سنة الصنع بس
يعني اتوكل علي الله ومشغلش تفكيري
بس اخويا خلاني اترددت تاني وبيقولي بلاش الصيني
فمش عارف اعمل ايه مع اني حجزت خلاص

أنت كدة رجعت لنقطة الصفر تانى،ولسة متردد، من حيث العربية فهى جميلة ومعقولة وهتحس بفرق اكيد بينها وبين اللانوس وكمان سعرها 90 الف جم يعنى اقرب سعر عربية ليها هيكون لانوس، فيرنا(ودى اتوقف انتاجها بعد الجيلى)،افيو، او برضة صينى byd، بريليانسfrv، جيلى الجديدة بتاعة غبور، وانا شخصياً(رأى الشخصى البحت) شايف هى احسن واحدة فيهم كعربية وكسعر، وكتوكيل وكقطع غيار وكصيانة، وكاعادة بيع...........
والمفروض اخوك لما يقولك بلاش الصينى يقول لية واة البديل فى نفس رنج السعر، وطبعاً يكون عن تجربة موش عن سمع.
وفى النهاية متشتريش الا ال انت مقتنع بية، علشان متعكننش على نفسك فرحة العربية الجديدة، واستخر وربنا يوفقك للافضل ان شاء الله.