http://...........com/vb/showthread.php?t=6812&page=2
اقروا الكلام اللى فى اللينك ده ياجماعه عاجبنى جدا
عرض للطباعة
http://...........com/vb/showthread.php?t=6812&page=2
اقروا الكلام اللى فى اللينك ده ياجماعه عاجبنى جدا
اول تعليق في اللينك التاني جايب نفس السعر اهو
بس الكلام ده فى اول 2010 ... المهم الكلام الاكيد من اللى اشترى فعلا.لو وصلت لشئ ياريت تعرفنا
للاسف ياجماعه مش عارفين نوصل للدكتور اللي اشتراها من المغرب مباشره ده
لو حد عنده خطه بديله بقي علشان نشوف الموضوع ده
لو حد كمان يعرف حد في جمرك بورسعيد ممكن يكون عنده فكره عن الموضوع ده وتفاصيل الفلوس اللي ممكن تنطلب وكده
السلام عليكم
اليكم بقي أخر الأخبار , وللأسف أخبار مش لطيفه
الكلام اللي هقوله ده من علي لسان واحد مغربي شغال في شركه رينو في المغرب
أولا , سعر رينو ( داسيا ) لوجان مانيوال مش ( خلي بالك من مش دي ) فول اوبشن في المغرب دلوقتي 73400 درهم مغربي يعني خمسين ألف جنيه مصري
ده طبعا غير 5000 شحن . وخمسه غيرهم لو هتسافر تجيبها و18 في الميه هتدفعهم سعادتك في الجمرك في بورسعيد ( 15 في الميه ضرايب و3 في الميه رسم تنميه )
يعني هتجيب ال 70000 وممكن تعدي كمان
خلي بالك دي اللي من غير اوبشن اساسا
:dumb:
نيجي بقي للهاف اوبشن . سعرها في المغرب بقي 91000 درهم يعني بالمصري 60 الف جنيه . برده غير اللي هتدفعه زي اللي فوق كده
ثانيا بقي اللون عندهم بيفرق في سعر العربيه
يعني الفضي والاسود والازرق بيزود سعر العربيه شويه عكس الاحمر والابيض ببلاش
ثالثا بقي وده الأهم . الراجل ده بيؤكد لي انه لا يوجد أبدا أبدا أبدا أبدا أبدا رينو (داسيا ) لوجان 1600 سي سي في المغرب او بتطلع من المصنع اساسا
وقالي جايز لو عربيات طالعه تصدير يغيروا فيها بس هو مشافش كده
هنا السؤال بقي
العربيات اللي بتيجي دي
بتيجي منيييييييين ؟!!!:tire:
والسعر اللي بتتباع دي
يعني الفول اوبشن هنا ب 72500
ازاي والمكسب بتاعها فين ؟؟ ونقلها من هناك لهنا فين ؟؟
وضرايبها ومصاريف نقلها من الجمرك للمعارض فين ؟؟
مع العلم كل كلمه قلتها الراجل بعتلي الموقع اللي يؤكد كلامه واللي عاوزه هنزله
عاوزين بقي نعرف ايه التكه في الموضوع ده
في حاجه غريبه , هي ايه
الللللللللله أعلللللللللللم
???????????
ياباشا ببساطة شديده، تكلفة شحن سيارة واحدة لا يمكن تكون زي تكلفة شحن سيارة في لوط كامل، ساعتها لما تقسم التكلفة الإجمالية للشحن علي عدد السيارات في اللوط بيكون في فرق كبير أكيد، ده غير إني شاكك في موضوع ٥٠٠٠ جم شحن ده، حاسس إن الرقم قليل والله أعلم.
ثانيا السعر إللي حضرتك بتاخد بيه لايمكن يكون زي السعر إللي الوكيل بياخد بيه، ده وكيل الشركة الأم، بائع جملة بالبلدي ودافع دم قلبة عشان ياخد التوكيل.
ده غير إن البلد وقوانينها كمان بتفرق، يعني تقريبا أي عربية مش وكيل في مصر بتكون خليجي، عمرك سمعت عن تاجر عارض عربية سيراتو مواصفات أمريكية مثلا، أو أكسنت آر بي روسي؟ يعمي التاجر بيجيب العربية الكيا مثلا تقفيل كوري بس من السعودية مثلا مش من كوريا، لأنها بتفرق في القوانين والرسوم وكمان في مسافة الشحن... إلخ.
كل ده بيعمل فروق كتير، والموضوع مش مستاهل تلخبط دماغك بيه، ياراجل ده الواحد لو حب يجيب موبايل ولا لابتوب من بره بيحسبها يلاقيها خسرانة ولو جابه من هنا أوفرله.