يا رجاله ما في اتفاقيه اغادير ودي بتقل جدا الجمارك او بتشيلها خالص علي السيارات المصدره من المغرب الي مصر
واللينك اهو اتفاقية أغادير - ويكيبيديا، الموسوعة الحرة
اصل اكيد التوكيل بيكسب , مش هيبعها يعني لله وللوطن
عرض للطباعة
يا رجاله ما في اتفاقيه اغادير ودي بتقل جدا الجمارك او بتشيلها خالص علي السيارات المصدره من المغرب الي مصر
واللينك اهو اتفاقية أغادير - ويكيبيديا، الموسوعة الحرة
اصل اكيد التوكيل بيكسب , مش هيبعها يعني لله وللوطن
ياجماعه والله العظيم الراجل اللي يعرف الدكتور ده لسه مكلمني امبارح وزعلان أوي انه مش قادر يوصل للدكتور اللي راح اشتراها من المغرب مباشره ده
وبيقولي الفرق كان عامل 15 او 20 الف جنيه صافي
وعلي فكره الراجل ده معاه رينو لوجان برده بس جايبها قسط بنك وبيقولي علشان كده مركزتش أوي في التفاصيل منه ساعتها لانه كان كلامه بيغيظني أوي
علي فكره انا لسه براسل ناس من المغرب وبعرف تفاصيل الموضوع
وتقريبا كده السعر اللي قلته ده هو سعر اللوجان اللي مش تقفيل مغربي
انتوا عارفين بقي اللهجه المغربي صعبه الفهم شويه
وان اللوجان التقفيل مغربي 50 في الميه تمنها بالمصري حوالي 50 الف جنيه
دي تقريبا الاوتوماتيك برده
وراسلت شركه شحن مصريه قالتلي تمن الشحن الف دولار
فاضل بس اتأكد من الفلوس اللي بتندفع في الجمارك هنا ععلشان التخليص وكده وأكون جمعت تمن العربيه هيبقي كام ولو لقيت في فرق أكتر من 7 الاف مثلا يبقي انا اولي بيهم ولا ايه
بس في حاجه التوكيل لما كلمتهم قالولي ان اتفاقيه اغادير لا يستفيد منها الا المستثمرون والتوكيلات
مش عارف بقي هو بيقولي كده علشان يخوفني ومجيبهاش ارخص ولا ايه
عموما هتأكد برده
ويارب أوصل للدكتور ده بقي هيوفر عليا كتير أوي
أعلن المغرب في نوفمبر 2007 اعتزامه تصدير سيارات لوجان رينو الفرنسية إلى مصر في أكتوبر 2008، بعد زيارة وفد من وزارة التجارة والصناعة المصري مصانع السيارة المغربية خلال يوليو 2007 وتأكد من أن عمليات التصنيع لهذه السيارة تتم داخل المصانع المغربية بنسبة مكون محلي بها تفوق 40% وهو ما يتوافق مع قواعد المنشأ لاتفاقية أغادير. يبلغ سعر السيارة الفرنسية/المغربية نحو 50 ألف جنيه. وتعمل رينو في المغرب من خلال فرعها سوماكا الذي يقع في الدار البيضاء، وصدرت سوماكا في يونيو الماضي مئات السيارات من ماركة "لوجان" إلى فرنسا وإسبانيا. وأصبحت "لوجان" السيارة الأكثر مبيعاً في المغرب منذ بدء تسويقها في المملكة في يوليو 2005 وسجلت مبيعاتها 12700 سيارة في عام 2006.
منقول من موقع ويكيبيديا عن اتفاقيه اغادير بتاريخ 4/6/2012
موضوع جدير بالاهتمام و المتابعة...و دراسة متأنية لاتفاقية أغادير...و هل ممكن الاستفادة منها في انواع اخرى غير اللوجان؟؟؟؟؟
أي عربيه أكتر من 40 في الميه تصنيع مغربي بتدخل بدون جمارك
في واحد مغربي قالي امبارح في عربيتين بيتصنعوا في طنجه بالمغرب اسمهم لودجي ودركر تصنيع 100 في الميه مغربي وبعتلي صورهم كمان
وبيقولي اللودجي دي حلوه عامله وعامله من 10 الاف دولار وانت طالع
حد هنا يعرف في موضوع التخليص الجمركي ده ؟؟؟
طب فكرت تسافر بالعبارة للمغرب تشتريها وترجع بيها؟ يكلف كتير؟
والعربية في المغرب بكام اصلا؟
طب تعرف حد في الجمارك يقولك حتدفع كام بالظبط وانت داخل بيها؟
السعر قلته في تعليق قبل كده
بس لسه عليه كلام برده
وهي معفيه من الجمارك بس ليها ضرايب ولسه معرفتهاش بالظبط