شراء اللوجان من المغرب مباشره

**midon1** · 26-10-2012 01:47 AM

وصلتنى معلومات انه يمكن شراء السياره اللوجان مباشره من المغرب وذلك بسعر ارخص بكثييييييييير جدا عن سعرها فى مصر ويتم الشحن من هناك مباشره الى مصر وندفع فقط رسوم الشحن التى لا تتكلف سوى 5000 ج او اكثر بقليل ...

المعلومات دى صحيحه ولا لا ؟؟؟؟
ولو صحيحه ازاى اوصل للشركه فى المغرب ؟؟؟؟
حد عملها قبل كده ؟؟؟؟
ايه الخطوات اللى المفروض تتعمل فى حاله زى دى ؟؟؟؟
ولو بتتعمل هل يفضل ان نشحن مثلا سيارتين او اكثر مع بعض علشان نخفض فى سعر الشحن ولا العدد مبيفرقش فى الرسوم ؟؟؟

**magedfarid** · 26-10-2012 01:53 AM

متابع

**georgedada82** · 26-10-2012 02:06 AM

ما اعتقدش ان الشركة الام تسمح ان حضرتك تشتري سيارة الا من خلال الوكيل ... واعتقد لو حضرتك اشتريتها من المصنع هناك وشحنتها علي هنا ... اعتقد ان الوكيل مش هيدخل العربية الضمان ... دليل علي كده الاسكالا الخليجي الوكيل رفض انه يتابع ضمانها رغم رضاء العملاء علي دفع مبالغ كتكلفة للضمان ... ده تصوري

**Land_Cruiser** · 26-10-2012 02:19 AM

لا انصح بالموضوع ده بصراحه لان هناك عده حاجات تانيه كمان زى الجمارك مثلا و إجراءات كتير علشان تعرف تدخلها البلد و بعدين فى الاخر هتبقى بدون ضمان و حضرتك هتتحمل مسؤوليتها كامله لو حصل فيها اى حاجه نتيجه عيب الصناعه و الوكيل هيقولك ببساطه انا معرفش حاجه عن العربيه دى و مش هاقدر اساعدك فحضرتك يا أما تصلحها و تعملها صيانه خارج التوكيل او تروح تعملها صيانه فى المغرب.

**midon1** · 26-10-2012 04:03 AM

ياجماعه انا اعرف دكتور راح اشتراها من المغرب مباشره ب 45 الف جنيه ورجع بيها

متهيألي فرق كبير زي ده يليني أقدر اتنازل عن خدمه التوكيل والضمان اللي كمان مس بنستفيد بيه كتتير يعني غير انه اغلي من التصليح بره الضمان

يعني اعرف مستشار معاه لوجان وكان هيغير البطاريه سأل في التوكيل ب 900 جنيه
وركبها بره التوكيل ب 400 جنيه

ده غير طبعا انك هتجيبها في وقت أقل علشان التوكيل بيجيب شحنات كل فتره كده علي بعضها

أنا خلاص تقريبا نويت اعمل الموضوع ده خصوصا ان فرق السعر يستاهل اوي اوي ولو هزود عليه كمان 5 او 7 الاف جنيه شحن مش مهم

بس انا كنت عاوز اعرف اي حد عنده فكره عن الاجراءات وكده

**mohdfouda** · 26-10-2012 04:40 AM

من خلال تجربتى مع جماركنا المصريه الجميله عمرك ما تفكر انك هتوصل العربيه من منشأها لبيتك فى مصر الا لما يبقوا مطمننين ان سعرها وصل لسعرها جوا مصر غير كده لا تتخيل ابدا انك هتوفر طالما هتعدى على الجمارك

**Egyzizo** · 26-10-2012 04:41 AM

طيب مبدأياً حكمت ازاى ان سعرها فى المغرب ارخص (بكثيييييير) عن سعرها فى مصر؟

**MOSHAKS** · 26-10-2012 08:25 AM

متابع . بس ممكن تتاكد من سعرها فى المغرب عن طريق مواقع بيع السيارات على الويب. وللمعلومة كمان فى لوجان ديزل بس مش بتنزل مصر

**MOSHAKS** · 26-10-2012 09:18 AM

ده موقع مغربى لبيع السيارت ولما جبت اسعار اللوجان المستعملة موديل 2012 عاملة تقريبا فى رنج 80 الف درهم زى مموجود فى السايت ولما تحولها للجنيه مصرى تقريبا 60 الف جنيه يبئا انت موفرتش حاجة وكمان ديه اسعار المستعمل مش الجديد. ده بالعكس لما دورت على اسعار السيارات المستعملة عندهم لقيت فى حاجات اغلى من عندنا بكتر
ثمن و سعر السيارة المستعملة داسيا لوجان essence في السوق المغربية

وده السايت بتاع تحويل العملات
XE: (MAD/EGP) Moroccan Dirham to Egyptian Pound Rate

الموضوع عايز حساب صح واسأل اذا كان فى حد جاب بالسعر اللى حضرتك بتقول عليه فعلا ولا كله كلام بدل متدبس وتصرف مصاريف على الفاضى

**midon1** · 26-10-2012 02:05 PM

انا اعرف واحد يعرف واحد جابها فعلا من المغرب مباشره

وهو قالي هنكلمه نقابله بعد العيد نعرف التفاصيل
بس هو بيقول انه سافر المغرب طيران وجابها ب 45 الف وجه يغيظه بيها

انا اصدق الكلام ده لان التوكيل لازم يكون هابر هبره تمام يعني

وفي ناس في علم التسويق يقولك تمن السلع الحقيقي بيبيقي تقريبا تلت تمن السعر في النهايه

عموما انا حاولت توصل لموقع المصنع في شوماكه بالمغرب ومعرفتش
لو حد عرف يوصل للموقع ده ياريت يعرفني

وانا مش هعمل خطوه زي دي طبعا الا لما اكون حاسبها صح وهسأل في الجمارك كمان قبل ما أفكر اجيبها حتي

هحسبها من كل الجوانب يعني ان شاء الله

الموضوع: شراء اللوجان من المغرب مباشره

LinkBack

أدوات الموضوع

عرض

-

-

-

-

المواضيع المتشابهه

حدث بعد صلاة المغرب - استفسار عن صلاة بعد المغرب

إستفسار : شراء عربية لوجان من المغرب.

مرايا اللوجان سبب رئيسى لعدم شراء اللوجان

موعد وصول شحنة اللوجان القادمه من المغرب

أسعار ومواصفات اللوجان في المغرب.

الكلمات الدلالية لهذا الموضوع

المفضلات

المفضلات

ضوابط المشاركة