الموضوع: حد يساعدنى لو سمحتوا

لو عايز تجيب الشاريد الآتوماتيك توكل على الله هيا موجوده عند الوكيل عبداللطيف جميل فى المعادى الجديده فى شارع النصر عربيه تحفه و بعدين لما تنوى على حاجه توكل على الله و غمض عينيك و دوس و مش تقلق القلق بيضيع فرحة الحاجه الجديده و مبروك مقدما على اوعى يغرك ان الشاريد 3 سلندر و البيكانتو 4 كفاية انها يابانى 100% تحفه وواسعه من جوه بجد و فى حدود الفلوس اللى معاك
أن شاء الله نقول مبروك قريب

[b]اولا انا بجد مش مصدق نفسى و مش مصدق كمية الردود ديه و المساعدة ديه بجد ده احن منتدى شفته واحسن ناس ....
ثانيا انا اعتذر اسف جدا جدا جدا على تاخيرى فى الرد عليكم بس والله الشغل بيتاعى عذاب و يادوب بالحء انام و بالمناسبة انا شغال فى فودافون لو فى اى حد عايز اى خدمة بس انتوا تاموروا
انا بشكر كل الناس الللى ردوا او حتى دخلوا الموضوع فقط لان العنوان عن انى طالب مساعدة فيكفى ان فى حد اهتم انوا يقرا الموضوع و بالذات انا عضو جديد لانج :D
المهم ياريت تكملوا الجميل يا جماعة و تدونى معلومات اكتر عن البيكانتو و مواصفتها و مميزاتها و عيوبها و اسعارها و مكانها وفين التوكيل بالظبط و هل متوفرة و لا لا و الشكل الجديد امتى هينزل....يعنى كل حاجة عنها و ياريت لو مقارنة بسيطة بينها و بين الشاريد
و بجد انا بشكر تانى كل الناس و احب اقول ان بجد المنتدى ده ملوش حـــــــــــــــــــــل و احسن منتدى شفته و فيه احلى ناس....
يــــــــــــــــــــــوه دا انا رغاى اوى اسف علشان طولت عليكوا و بجد شكـــــــــــــــــــــــ ــــــــــــــــرا جدا جدا جدا.......[/size] :D

توكيل دايهتسو فى مصر الجديدة شارع النزهة بعد دار الدفاع الجوى وهو توكيل دايهاتسو الجديد
واليبانى لا اختلاف عليه
والله الموفق

بشرط الحالة الممتازة
الجديد يحرق الدم مع أول خبطة
و مش لازم تكون بتسوق وحش أو بتتعلم عشان تتخبط
أنا من يوم ما سوقت عربيتى اتخبطت 6 مرات فى 5 سنين
5 منهم و العربيه راكنه
المهم ان اللى تاخد منه العربية تكون تعرفه كويس و عارف استخدامه
ربنا يسترها معاك و يبارك لك

مقارنة رائعة ياخ فهد وربنا يكرمك فى الامتحانات
عنوان وارقام التوكيل الشركة المصرية العالمية للتجارة
القاهرة ابو رواش 5391495 ويوجد المعارض المعتمدة ياسين مدينة العبور 6101835
اما الرقم الرئيسى 5222222

السلام عليكم

رأى الشخصـى توكـل على الله و هـات كيــا بيـكانتـو