حد يساعدنى لو سمحتوا

**kimo_kiko** · 23-06-2007 06:25 AM

السلام عليكم
انا يا جماعة عندى كذا سؤال و طالب المساعدة وطالب رايكم و راى الناس الى عندهم خبرة...
انا عايز اشترى عربية و دى اول مرة ليا ولسا بتعلم السواقة وعايز عربية اتوماتيك علشان انا معنديش استعداد اسوق مانيوال ولا عايز اعرف بيتسا ازاى اصلا انا عارف انكم هتؤلولى لازم اتعلم على مانيوال و بعد كدا اركب اتوماتيك بس بجد انا معنديش استعاد اتعذب فى شوارع مصر الواقفة و خصوصا انى ساكن فى فيصل (و ما ادراكم ما فيصل للى عارفينو) المهم انا معاى فى حدود 60-65 الف ومش عارف اشترى ايه و مش عارف اجيب مستعمل ولا جديد بس الحاجة الى وصلتلها انى لو هجيب جديد مافيش غيش عربية واحدة هيا الشاريد انا بصراحة نفسى فى بيكانتو بس معرفش راحت فين.....و المشكلة انى كل م اقارن المستعمل اللى فى السعر ده الاءى انواع جمدة جدا مع العلم انا مش عايز حاجة سيدان انا عايز هاتش باك بس....ياريت تسعدونى اولولى اعمل ايه و اجيب ايه جديد و لا مستعمل و ايه.....بس بلاش حد يؤلى اجيب عربية تعبانة اتعلم عليها و بعد كدا اجيب حاجة احسن علشان ده مش هينفع و ده لظروف عندى فى البيت لانى لو عملت كدا مش هشوف عربية تانى فى حياتى......لو سمحتوا ساعدونى....و اسف على الاطالة

**memo_hefnawy** · 23-06-2007 09:22 AM

هو الصح ذى ما إنت قولت تجيب مانيوال و تتعلم مانيوال الأول و كمان تتعلم على عربية قديمة ذى ال 128 عشان مش تبهدل نفسك فى واحدة جديدة

لكن إن تعذر ذلك و إنت أدرى بظروفك :
----

أول حاجة خد حقك بزيادة فى التعليم سواء فى مدرسة أو مكان ما بتتعلم المهم تتعلم أطول وقت لحد ما تتمكن

تانى حاجة البيكانتو متوفره عند الوكيل و لو إتصلت بيهم هافيدوك أكثر منى (الوكيل الجديد)

الشاريد متوفره و عمليه و أنا سامع إن الشكل الجديد بتاعها نازل فى أغسطس تقريبا و الله أعلم

فى رينج 60-65 أوتوماتك صعب تلاقى حاجة مستعمله حالتها حلوة

و إسمع آراء الأعضاء إيه برده لعل هناك من يفيدك أكثر إن شاء الله :)

**goodwave** · 23-06-2007 10:23 AM

والله رايك مش وحش وانا معاك انه مش عيب الواحد يركب ويتعلم على جديد ما دامت الامكانيات تسمح
وكمان الجديد حيخليك تحافظ على العربية وتحب السواقة بسرعة وخصوصا لو كان اوتوماتيك يعني تركيزك كله حيكون على الطريق وفرامل او بنزين زي عربية الملاهي.

السعر اللي معاك مش وحش اطلاقا واعتقد يجيب لانسر مستعمل اوتوماتيك بس موديل 2000 ممكن

انا كمان اعرف ان الهيونداي فرنا اوتوماتيك بحوالي 70000 لو ممكن تقسط 5000 او تدور في الوسيط على حاجة موديل السنة دي بس ماشية 5000-10000 كم
واعتقد ممكن بردة تلاقي ماتريكس

بالتوفيق

goodwave

**محمدايهاب** · 23-06-2007 01:31 PM

بص لو أنت ساكن في فيصل ( وما أدراك ما فيصل ) أحسن تأخذ و لو 5 حصص مع أي تاكسي
أنا مع حفناووي البيكانتو عربية حلوة

**bassam nagy** · 23-06-2007 02:02 PM

كيا بيكانتو فول اوبشن اتوماتيك تقريبا نفس الرنج دة وممكن تفكر فى مستعمل هيونداى فرنا 1500 اتوماتيك ماشية حاجة بسيطة شبة زيرو

**osama** · 23-06-2007 02:04 PM

لانسر مستعمل اوتوماتيك

**محمد ابراهيم 1** · 23-06-2007 04:38 PM

هات عربيه مستعمله الاول 128 ولا حاجه وبعد ماتتعلم كويس هات لك عربيه جديده وربنا يسترها معاك وعلى فكره المانيوال مش وحش أوى كده فيه ناس كتير مش بتحب الاوتوماتيك الا لو رجلك الشمال بتوجعك مثلا لا قدر الله يبقى فى الحاله دى الاوتوماتيك احسن لك وربنا يوفقك

**AlmAhAtmA** · 23-06-2007 05:02 PM

تجربتي الشخصيه

هات العربيه اللي نفسك فيها في حدود امكانياتك اوتوماتيك و انطلق
انا عمري ما حركت عربيه مانيوال من مكانها ولا اعرف
و عمري ما ركبت مستعمل
كل اللي اقدر اقوله لك
لو جبت مستعمل و انت ما تعرفشي في الميكانيكا حتتبهدل
استعين بالله و توكل علي الله و هات البيكانتو
بلاش الفيرنا لان اكيد مش صدفه اني الاقي علي الصحراوي يوم الخميس 4 عربيات فرنا راكنين علي جنب و فاتحين الكبوت
اكيد فيه حاجه غلط في الفيرنا او مش حتناسب عدم فهمنا للميكانيكا
ربنا يوفقك للاختيار الصح و يبارك لك في العربيه ان شاء الله

**وائل عطية** · 23-06-2007 05:09 PM

فعلا الأوتوماتيك أولاً وأخيراً
لا تتنازل عن الأوتوماتيك طالما هاتجيب جديد

**mbluethunder** · 23-06-2007 08:27 PM

البيكانتو فول أوبشن أتوماتيك أفضل إختيار

إسأل في التوكيل EIT وإسأل عند موزع إسمه عربيات

الموضوع: حد يساعدنى لو سمحتوا

LinkBack

أدوات الموضوع

عرض

-

-

-

-

-

-

المواضيع المتشابهه

لو سمحتوا

عندى مشكلة فى الزجاج الكهربائى لو سمحتوا حد يساعدنى

لو سمحتوا

لو سمحتوا

لو سمحتوا

الكلمات الدلالية لهذا الموضوع

المفضلات

المفضلات

ضوابط المشاركة