مشكله في ميجان 2 يا ريت اي مساعده او افاده

**airfox** · 27-10-2012 02:00 AM

انا واحد صاحبي اشتري ميجان 2005 و كان معاه كارت واحد المهم علشان مطولش عليكم صاحبي شال البطاريه كان محتاج يركبها في عربيه تانيه و قفل عربيته و لما جه يرجعها طبعا العربيه مش بتفتح و الكارت اللي معاه المفتاح اللي فيه مش راضي يفتح العربيه تقربيا صاحب العربيه كان جايب كارت و معرفه علي العربيه مش الاصلي بتاعها و دلوقتي طبعا هو مش عارف يفتح الكبوت علشان يرجع البطاريه و يفتح العربيه و كان بيفكر يكسر الزجاج بس انا قلتله استني يمكن نلاقي حل و برده علشان كل المحلات قافله و مش هيعرف يركب واحد تاني علطول . لو في حل يا ريت حد يفيدنا

**gefoo** · 27-10-2012 03:26 AM

حصل معايا نفس الحوار من شهر تقريبا الحل ايه انك هتفك الهوايه اللى قدام ناحية السواق هى بتبقى راكبه كبس شدها براحه هتطلع معاك وتمد ايدك جوه فوق الريداتير كده لحد ماتمسك الوير بتاع الكبوت وتشده ناحية اليمين (وبراحه عشان ميبوظش منك او يتخلع من مكانه) هيفتح معاك على طول هى الصعوبه كلها انك تلاقى الوير وبعدين تفتح الكبوت عادى وتركب البطاريه
لو معرفتش هات اى صبى سمكرى هيفتحهولك فى 10 ثوانى

**abo_kanze** · 27-10-2012 04:35 AM

السلام عليكم ورحمة الله وبركاته

قريبي ضيع مفتاح عربيته.كيا ريو 2002 ومعوش مفتاح احتياطي.

جبت طريقه من اليوتيوب وجربناها ونفعت من تاني محاوله.

تعرف الكاوتشه البلاستيك اللي بيسلكوا بيها الحوض في المنزل؟

هات واحده وحطها ع المكان اللي بندخل فيه المفتاح في باب السواق,,

واضغط بقوه .كأنك بتسلك حوض .وان شاءالله المسوجر هايفتح.العربيه اللي جربنا عليها راكب عليها سنتر

وكل حاجه ,وفتحت والله,

وان شاءالله ربنا يكرمكم وتفتحوها باقل الخسائرـر...ودور عاليوتيوب هاتلاقي حاجات كتيرـر

تحياتي

**abo_kanze** · 27-10-2012 04:37 AM

المشاركة الأصلية كتبت بواسطة gefoo

لو معرفتش هات اى صبى سمكرى هيفتحهولك فى 10 ثوانى

+1

**airfox** · 27-10-2012 07:54 PM

صاحبي الله يكرمه استعجل و كسر الزجاج و دلوقتي عايز يعرف سعر الزجاج كام وسعر الماكنه كمان كام و شكرا علي الاهتمام

**MohammedAladel** · 29-10-2012 01:51 PM

المشاركة الأصلية كتبت بواسطة gefoo

حصل معايا نفس الحوار من شهر تقريبا الحل ايه انك هتفك الهوايه اللى قدام ناحية السواق هى بتبقى راكبه كبس شدها براحه هتطلع معاك وتمد ايدك جوه فوق الريداتير كده لحد ماتمسك الوير بتاع الكبوت وتشده ناحية اليمين (وبراحه عشان ميبوظش منك او يتخلع من مكانه) هيفتح معاك على طول هى الصعوبه كلها انك تلاقى الوير وبعدين تفتح الكبوت عادى وتركب البطاريه
لو معرفتش هات اى صبى سمكرى هيفتحهولك فى 10 ثوانى

أسلم حل