الموضوع: استفسار مهم بخصوص خبطة في الجنط

بص انا رايي مدام العربية جديدة وغالية عليك بلاش تخلي حد يلعبلك فيها .. روح علي التوكيل بس اتصل بيهم قبلها وقولهم علي المشكله وشوف هيقولولك ايه ولو لقيت التوكيل السعر مبالغ فيه وحبيت تعملها بره ساعتها يبقي خليت حد بيفهم في العربية هو اللي يشكشفلك عليها مش صنايعي بيفتي في اي حاجة .. اسوء الظروف لو قالك الجنط عايز يتغير نزل الاستبن مكانه لحد ما تبقي تشتري جنط جديد .. بالنسبة لسعر الجنط في التوكيل 450 ج وسعر الطاسة 120 ج .. وطبعا لو هتجيبهم من بره التوكيل هيبقوا ارخص من كده .. ربنا معاك

متشكر جدا يا جماعة لاهتمامكم وردودكم القيمة ، انا ان شاء الله هاصور الجنط واوريهلكم زي ما قال الاستاذ engonear واشوف رايكم ايه ، متشكر جدا مرة تانية

فى كذا واحد كويس عند الملك الصالح قريب من محطه المترو و الناس دى متخصصين بيستعدلوا الجنوط كويس قوى و انا جربتهم اكتر من مره فى مواقف مشابهه للى حضرتك حكيت عليه و هما عندهم عدد الاستعدال مش زى بتوع الكاوتش اللى بيقعد يخبط على الجنط و خلاص و هو قبل ما يشتغل فيه بيقولك ينفع و لا لأ فممكن حضرتك تروحلهم و تشوف رأيهم و بناء عليه تقرر إذا كنت تشترى و لا تصلح و نصيحه لو قررت تشترى ما تشتريش الجنط من التوكيل و اشتريه هو هو بس من بره هيبقى أرخص كتير و مش هيفرق فى اى حاجه

طب في حل بسيط اقل تكلفة ممكنة ... الا تمن الطاسات استعمال ... نزل الاستبن مكان العجلة دي وروح استعدل الجنط خليه هو الاستبن وروح اشتري طاسات استعمال هتلاقيها كتير وشكرا الحل مش هيكلفك اكتر من خمسين جنيه علي اقصي تقدير يعني

المشاركة الأصلية كتبت بواسطة gebreel

في اماكن بيبقى عندها مكن لاستعدال الجنوط صح تقريبا بيبقى اسمها مكابس او حاجة زي كدة اطلع عليهم (اعتقد اشرفكو اللي في المطرية عندو الجهاز ده) و حاول تستعدلو الاول لو منفعش اشترش الجنط الاصلي من التوكيل بيعملو حوالي 450 جنيه و ركب الفردة و رصص و اظبط زوايا عند حد بيفهم (ارشحلك عمرو بدوي اللي في الحي السابع) و ممكن بتاع الزوايا اللي بيفهم بردو يكشفلك على العربية

معندكش فكرة يا استاذ جبريل التوكيل ممكن يكشف علي الجنط ولا هيقول اكشف عليه بره ؟؟ وهل التوكيل عنده ترصيص وضيط زوايا ولا لا ؟؟