الموضوع: انا اسعد انسان لامتلاكي سيارة نيسان

كل سنة وانتم طيبين جميعا ويا رب تبقوا دايما في احسن حال..طبعا انا معايا نيو صني بقالها معايا شهر ونصف والعربية مش عايز اقولكم كل مدي بيزيد حبي ليها بشدة عاملة كدة زي الذهب كل ما يقدم تزيد قيمته ..العربية مريحة بشكل غير طبيعي وادائها متميز وسحبها جيد جدا وثبات وفرامل هايلين..المهم انا روحت صيانة الالف في مودرن موتورز ابو رواش وبصراحة الناس قاموا بالواجب ومعاملة جيدة وبالمناسبة انا عايز اسال اهل الخبرة في المنتدي سؤال مين احسن اوتو ايجيبت ابو رواش ولا مودرن موتورز ابو رواش وخصوصا ان المسافة بينهم اقل من 2 كيلو وهل انت ممكن تعمل الصيانة مثلا في مودرن موتورز والصيانة اللي بعدها في اوتو ايجيبت او العكس..المهم انا بعد ما عملت صيانة الالف حسيت باداء اشد من الاداء وحاسس ان انا ماشي علي بورسيلين مش اسفلت..المفاجاة بقي للناس اللي جابت الexدلوقتي نزل اكسسوارات وحاجات للسيارة وممكن تركبها في التوكيل وده تمنها جوا التوكيل مثل..زينون وتمنه 880 ومرايات اضاءة ب 880 وباركينج سينسور مزود ببلوتوث ب 1210 ووحدة رفع ب 440 وكمان جنوط بس نسيت اسال علي تمنها وسبويلر خلفي كمان يعني ممكن تبقي عربيتك سوبر صالون ..خدوا بقي المفاجاة ده ان دعم البنزين هيبقي للسيارات اللي اقل من 1600 سي سي فقط يعني البنزين المدعم فقط هيبقي لهذه الفئة فقط من السيارات وهذا الكلام ينطبق علي النيو صني لانها 1500 سي سي وده هيخليها تكتسح اكتر السيارات الاخري المنافسة لها من فئة 1600 سي سي زي السيراتو وال RB لان السيارات اللي من فئة ال1600 سي سي هتاخد البنزين بدون دعم بالسعر الحر .. هنيئا لملاك الصني

ربنا يبارك لك فيها

بسم الله ما شاء الله
ربنا يبارك في عربيتك ويكفيك شرها
وان شاء الله تظبطها زي ما انت عايز

ربنا يديك خيرها على طول و يكفيك شرها ، امتلك النيو صنى الحمد لله و عملت بيها ٣٥٠٠ كيلو حتى الان و اعجابى و رضائى عنها بيزيد كل يوم

مبروك عليك السياره ومبروك عليك صيانه الالف

فى نقطه عايز اوضحها بالنسبه للدعم اقل من ١٦٠٠

كل العربيات ال ١٦٠٠ مكتوب فى رخصتها اقل من ١٦٠٠

يعنى مكتوب ١٥٩٨ او ١٥٩٩

يعنى كل السيارات ال ١٦٠٠ هاتستفاد بالدعم

سواء ار بى ااو سيراتو او كروز

على فكره كل العربيات ال 1600 فعليها أقل من 1600 يعني بتبقى 1598 وما شابه يعني داخله في شريحه الدعم. مبروك عليك النيسان الجديده عربيه ممتازه شكلا وموضوعا.

الي استاذ احمد ادهم ..الخبر اللي عندي ان دعم البنزين نازل للسيارات اللي موتورها لحد 1500 سي سي مش اللي اقل من 1600 سي سي زي 1598

انا عايز اسال اهل الخبرة في المنتدي سؤال مين احسن اوتو ايجيبت ابو رواش ولا مودرن موتورز ابو رواش وخصوصا ان المسافة بينهم اقل من 2 كيلو وهل انت ممكن تعمل الصيانة مثلا في مودرن موتورز والصيانة اللي بعدها في اوتو ايجيبت او العكس