انفراد خبر جديد زيادة اسعار الالتو

**نور العمر** · 12-07-2008 05:43 PM

ال i10 مغليتش هما استهبلوا بس وعملوها اثنين واحدة بالتكييف بس واحدة بكل الكماليات ده غير الاوتوماتيك منها ودي كانت خدعة من غبور من البداية

**نور العمر** · 12-07-2008 05:46 PM

بلا بيكانتو بلا ألتو أنا كدة ممكن افكر في مستعمل كاش ولا وجع قلب القسط والفوايد والبنوك في بلد البني آدم مبيعرفش يمشي عشان العربيات تمشي في أمان
ده مفيش واحد جاب عربية جديدة إلا واتخبطت ،،، والعجيب بتتخبط وهي واقفة . حسبي الله ونعم الوكيل . مستكترين على الواحد حتة عربية فاكرين يا ما هنا يا ما هناك ، خليهم يشبعوا فلوس بس على الله يشبعوا أصلاً.

**zalpany2000** · 13-07-2008 01:55 AM

لا ال i 10 غليت انا بنت خالتي لسه جايباها من اسبوع وتاني يوم غليت
و بعدين يا ستي لو معاكي كاش طبعا احسن المستعمل من القسط بس بشرط يكون مستعمل حديث و عربية مش هلكانه، ودي مش هاتيجي بأقل من 35 ألف... مثلا بولو او اوبل كورسا هاتش باك

بس برجاء البعد عم 128 علشان دي عربية "علي رأي واحد صاحبي" اتعملت علشان الكهربائي و الميكانيكي والعفشجي يشتغلوا

بس لو تاخدي برأيي .. مازلت الألتو اختيار جيد حتي بعد ارتفاع السعر.. هي ارخص من ال I10 و أرخص من البيكانتو

و نصيحة.. ابعد عن الصيني وغنيله.

تحياتي و اتمني نوبة الاحباط دي ما تستمرش كتيير ... تشتري عربيتي بالسعر القديم

**y_omran** · 14-07-2008 02:31 PM

برضه تم تأجيل الاستلام لاخر الاسبوع فعلا حاجة تزعل

**نور العمر** · 14-07-2008 05:13 PM

كل تأخيرة وفيها خيراً . ... إن شاء الله

**y_omran** · 14-07-2008 07:18 PM

الاستاذة ريهام 2000 حاجزة من امتى ؟؟؟

**amlolo** · 15-07-2008 09:33 PM

معظم الحاجزين حجزو من اكثر من شهر انا مثلا حجزت من7/6/2008 وكل مانسأل يقولو الأسبوع الجاي وهكذا بس المره دي هما قالو الأحد القادم يوم مبارة الزمالك والأهلي؟؟؟

**mo7amed_omara** · 15-07-2008 09:47 PM

[quote=amlolo;348295]معظم الحاجزين حجزو من اكثر من شهر انا مثلا حجزت من7/6/2008 وكل مانسأل يقولو الأسبوع الجاي وهكذا بس المره دي هما قالو الأحد القادم يوم مبارة الزمالك والأهلي؟؟؟[/
هو انت حتستلم بالسعر القديم و لا الجديد؟؟؟

**zalpany2000** · 16-07-2008 12:32 AM

الاستلام للحاجزين بالسعر القديم "ده لحد دلوقتي"
و لو ده ماحصلش الدم هايبقي للركب

**y_omran** · 16-07-2008 10:31 AM

استمرار التأجيل للاستلام انا اتصلت امبارح بمودرن موتورز عباس العقاد و قالوا لية ان العربيات جت بس اجراءاتها لسة ما خلصتشى و الاستلام يوم الاربعاء القادم و ليس الاحد و ان شاء الله يكون اخر كلام