انفراد خبر جديد زيادة اسعار الالتو

**y_omran** · 28-07-2008 02:14 PM

انا كلمت استاذ تامر شمس من توكيل عباس العقاد يوم امس الاحد 26/7/2008 و قالى ربنا يسهل يمكن يوم الخميس 31/7/2008 و دة كلام مش اكيد و طبعا انا مش عارف كدة ممكن نستلم امتى اللى مضايقنى فى الموضوع انى حاجز يوم 12/5 و كلمنى تامر يوم 29/5 و قال لى ان موجود عربية زرقاء التو تكييف 800 سى سى و رد عليا دلوقتى و انا قلت له معلهشى انا عاوزها حمراء و باندم دلوقتى انى مش وافقت زرقاء زرقاء علشان كدة باندم لو اعرف كنت استلمت اى حاجة

**D . a .\ AYMAN** · 28-07-2008 03:59 PM

أنا معرفش هما بيعملوا كده ليه مع الناس مع أنهم مابيتأخروش كده على الموزعين
وده ناتج على حسب كلامهم ان الموزعين هما اللى بيشغلوهم فى السوق
للأسف لسه معندناش الأحترام والجديه فى التعامل
يا رب فى الأخر نستلم قبل المدارس

**zalpany2000** · 28-07-2008 07:16 PM

إليكم اخر الاخبار
يوم السبت اللي فات انا نزلت فرع التوكيل بتاع الدقي
قعدت اتكلم مع واحد من الموظفين وصلني لحارة سد ... بيقولي في دفعة كمان 10 ايام و ممكن ما تستلمش فيها.. و كان بيكلمني علي اساس اني انا اللي غلطان اساسا و اني يعني جاي بدري عن معادي..
اسلوبه عصبني
امبارح جيبت نمرة إدارة التوكيل رد عليا واحد اسمه كريم سعدة، ده يا إما هو مدير ادارة ما بعد البيع أو حد من مكتبه
الراجل كان قمة في الاحترام و الذوق اشتكيت له من فرع التوكيل وسألني عن اسم الراجل اللي كلمني اساسا و قالي انه هايتابعني بنفسه .. و هايكلمني و يقولي لو فيه امكانية اني استلم الاسبوع ده..
طبعا انا اشتريت منه يعني
الراجل اتصل بيا النهارده .. و قالي استني تليفونه علي يوم الخميس علشان يقولي هاستلم امتي وعلي حسب كلامة اني هاستلم علي الاسبوع الجاي
انا قلت ابلغكم باخر حاجه.
ربنا ييسر الحال ليكم ولي
تحياتي

**OlaOsman** · 28-07-2008 07:52 PM

المشاركة الأصلية كتبت بواسطة zalpany2000

إليكم اخر الاخبار
يوم السبت اللي فات انا نزلت فرع التوكيل بتاع الدقي
قعدت اتكلم مع واحد من الموظفين وصلني لحارة سد ... بيقولي في دفعة كمان 10 ايام و ممكن ما تستلمش فيها.. و كان بيكلمني علي اساس اني انا اللي غلطان اساسا و اني يعني جاي بدري عن معادي..
اسلوبه عصبني
امبارح جيبت نمرة إدارة التوكيل رد عليا واحد اسمه كريم سعدة، ده يا إما هو مدير ادارة ما بعد البيع أو حد من مكتبه
الراجل كان قمة في الاحترام و الذوق اشتكيت له من فرع التوكيل وسألني عن اسم الراجل اللي كلمني اساسا و قالي انه هايتابعني بنفسه .. و هايكلمني و يقولي لو فيه امكانية اني استلم الاسبوع ده..
طبعا انا اشتريت منه يعني
الراجل اتصل بيا النهارده .. و قالي استني تليفونه علي يوم الخميس علشان يقولي هاستلم امتي وعلي حسب كلامة اني هاستلم علي الاسبوع الجاي
انا قلت ابلغكم باخر حاجه.
ربنا ييسر الحال ليكم ولي
تحياتي

ربنا ييسر الأحوال يارب و تستلم على خير بإذن الله

**zalpany2000** · 28-07-2008 07:55 PM

شكرا يا استاذة علا
دعواتك

**D . a .\ AYMAN** · 28-07-2008 09:12 PM

أستاذ زلبانى رقم التليفون لو تكرمت
وقولنا لو فعلاً جاب نتيجة ومتابعين التطورات معاك

ودائماً المصريين فى جهاد متواصل للحصول على أبسط حقوقهم

وربنا يقوينا

**zalpany2000** · 28-07-2008 10:08 PM

رقم تليفون الادارة انا جيبته من الدليل و هو - 35390055-35390085
موضوع جاب نتيجة ولا لأ دي هانعرفها الاسبوع الجاي.

أهي محاولات
هو الراجل بالأمانه كان قمة في الاحترام والاهتمام
عموما لو حضرتك اتصلت قلهم حضرتك حاجز من امتي وانهم اكتر من مرة يدولك مواعيد مزيفة للاستلام و قولنا عملت معاهم ايه.

ربنا ييسر الحال ان شاء الله

تحياتي يا استاذnysma

**y_omran** · 29-07-2008 07:41 PM

شكرا يا استاذ حسام لمجهودك و ربنا ييسر لنا جميعا بس السؤال هوة لية فى مصر مافيش حاجة سلسة ؟؟ و لو كانوا قالوا لينا ان الاستلام بعد 3 شهور او اربعة كنا قدرنا ناخد قرار و ممكن كنا اشترينا من اى معرض و رتبنا حياتنا على كدة .... اما الاستهانة بينا بالدرجة دى دة اللى يزعل ... و كمان الامبراطورات اللى قاعدين فى فرع الدقى مش عارف بيعملوا لية كدة فى العملاء ثقافة البيع عندهم غريبة

**zalpany2000** · 29-07-2008 07:52 PM

فعلا ... لما روحت هناك أخر مرة ... حسيت اني بامثل مشهد في الوسية ..." اللي هو نظام لم الفلاحين وهات الكرباج" ... تحس انهم هايتفضلوا عليك بأنك تاخد عربية ... والحمد لله انهم قبلو اصلا انهم يحجزوهالك... انا مش قاصد أسوء سمعة وكيل.. بس بجد التعامل غريب
يالا ربنا ييسر الحال ونستلم

يا ريت يا جماعة لو فيه حد عنده اي جديد أو كلم التوكيل او الادارة يقولنا عمل ايه؟؟؟
تحياتي و اطيب امنياتي

**y_omran** · 30-07-2008 11:47 PM

انا كلمت الادارة انهاردة يا استاذ حسام و كلمت الاستاذ كريم و قال لى نفس الكلام انه هيتصل بيا الاسبوع القادم ليبلغنى ميعاد الاستلام بس بصراحة الراجل ذوق جدا جدا و طمنى ان التأخير كان لكل العربيات فى الجمارك و نتمنى خير ان شاء الله

الموضوع: انفراد خبر جديد زيادة اسعار الالتو

LinkBack

أدوات الموضوع

عرض

-

-

-

-

-

-

المواضيع المتشابهه

زيادة اسعار السيارات

زيادة اسعار الرينو

زيادة اسعار سريون زيرو

اسعار قطع غيار الالتو

لا زيادة في اسعار البنزين!!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة