هو كده عيب حساس tbs

**tefa22m** · 27-10-2012 04:34 PM

كل سنه و انت طيبين يا وحوش
من اسبوعين كده ال rbm بتاع العربيه وصل ال2.5 و لمبه التشيك نورت فروحت جيبت اسبراى كارب كلينر و نظفت البوابه و الايدل تنظيفه محترمه و فصلت البطاريه و عملت ايدل ليرن بعدها و العربيه مشيت حلو اسبوعين بس لما بشيل رجلى من على البنزين الاrbm بينزل لحد واحد و نصف بسرعه طبيعيه و من بعدها بينزل ببطىء شديد المهم الدنيا ماشيه
امبارح ال rbm طلع تانى لحد 2.5 و المبه نورت تانى فقولت انزل ابص على البكره و الواير لقيتهم فى الوضع الطبيعى قولت يمكن حساس الtbs و فكيت الفيشه بتاعته و العربيه دايره نزل المتور لحد 2 و ركبت الفيشه تانى نزل للوضع الطبيعى و اللمبه فصلت .
فهل ده كده عيب حساس tbs و لا مش اكيد
مع العلم انى حطيت العربيه على الكمبيوتر اكتر من مره و اجمعوا انها مش مسجله اعطال و عشان كده لا اعترف بكمبيوتر الاعطل او بمعنى اصح القائمين على العمل عليه
و الف شكر

**haimaN** · 27-10-2012 04:46 PM

طبيعي لو لمبة التشيك نورت انه سجل عطل اتاكد انك بتحطها عند واحد فاهم شوية
ولو ما سجلتش العطل فعلا يبقي هاتتعب شوية انك تحطها علي الكمبيوتر والعيب ده ظاهر فيها علشان تبان علي الكمبيوتر

لكن اعتقد ان اقرب حاجة للعيب ده الحساس فعلا بس اتاكد انك تحطها علي كمبيوتر او تشوف واحد استيراد تجرب بيه

**tefa22m** · 27-10-2012 10:36 PM

الساده الافاضل أ / ممدوح و أ / طارق برجاء الافاده

**Eng.Geo** · 27-10-2012 11:20 PM

حضرتك فصلت البطارية بعد ما العطل أتسجل وطبيعي ان اعطل هيتمسح لأنك فصلت البطارية
لما اللمبة تنور تروح علي طول تكشف كمبيوتر وعند حد بيفهم
مشكلتك تقريبا tps
ممكن تجرب واحد تاني
ممكن علي يوم الأربع الجاي أقابل حضرتك أديك واحد عندي تجرب بيه ... لو ظبطت يبقي هو ال tps
لو مش هو يبقي عايزة تنضيفة محترمة للبوابة وال idle

**tefa22m** · 28-10-2012 12:03 AM

المشاركة الأصلية كتبت بواسطة Eng.Geo

حضرتك فصلت البطارية بعد ما العطل أتسجل وطبيعي ان اعطل هيتمسح لأنك فصلت البطارية
لما اللمبة تنور تروح علي طول تكشف كمبيوتر وعند حد بيفهم
مشكلتك تقريبا tps
ممكن تجرب واحد تاني
ممكن علي يوم الأربع الجاي أقابل حضرتك أديك واحد عندي تجرب بيه ... لو ظبطت يبقي هو ال tps
لو مش هو يبقي عايزة تنضيفة محترمة للبوابة وال idle

انا متشكر اوى لحضرتك بس انا قبل ما افصل البطاريه كنت بكشف و يقولو ما فيش اعطال
و هو ال tps بيقى لوحده و لا الجزء كله بتاع البكره و هل حضرتك فى اسكندريه ؟

**Eng.Geo** · 28-10-2012 12:10 AM

المشاركة الأصلية كتبت بواسطة tefa22m

انا متشكر اوى لحضرتك بس انا قبل ما افصل البطاريه كنت بكشف و يقولو ما فيش اعطال
و هو ال tps بيقى لوحده و لا الجزء كله بتاع البكره و هل حضرتك فى اسكندريه ؟

اوبس

انا مخدتش بالي من أسكندرية ده
انا من القاهرة للأسف
لو اللمبة بتنور وبتروح تكشف قبل ما تفصل العربية يبقي وش كدة اللي بيكشف ده مش فاهم أو جهازه مش تمام
انا بتعامل مع محمد السيد ... بس ده في القاهرة

**tefa22m** · 28-10-2012 12:21 AM

المشاركة الأصلية كتبت بواسطة eng.geo

اوبس

لو اللمبة بتنور وبتروح تكشف قبل ما تفصل العربية يبقي وش كدة اللي بيكشف ده مش فاهم أو جهازه مش تمام

غالبا محدش فيهم فاهم حاجه

**tefa22m** · 28-10-2012 03:57 PM

العربيه عملت نفس الحركه تانى انهارده ال rpm على 2 و فكيت فيشه ال tps و ركبتها تانى العربيه اتظبت
هل ده علامه اكيده على تلف tps ؟
و هو ممكن انظفه يمكن يشتغل لو فى صور لطريقه تنظيفه عشان ما جربتش افكه قبل كده