لو مستنى تسمع حاجة فيها امل يبقى للاسف حتستنى كتير اوىىىىىىىىىىىىىىىىىىىىىىى ىىىىىىىىىىىىىىىىىىىىىىىىى ىىىىىىىىىىىىىىىىىىىىىىىىى
MMamdouh
طبعا اقبل انه يدفع تكلفه اصلاح ما افسده مادام هوه اللي غلطان
معلش سؤال:
هو يعني ايه عوض؟
- مش موضوع عوض يا باشا, بس موضوع اللى بوظ حاجة المفروض علية يصلحها عشان انت ملكش ذنب.
- المفروض فى اى دولة تانية تلاقى رجل المرور بيحل المشكلة بامانة دة لو انتم محليتوهاش اصلا مع بعض {على اساس ان كلة مأمن فا محدش حيدفع حاجة, شركة التأمين هى هتعملك كل حاجة}.
- هنا فى مصر, ملهاش لازمة تروح القسم عشان اخرك محضر و كل واحد بيروح لحالة فا انت مش هتاخد حاجة. انا شفت ميكروباص خبط تويوتا كورولا باكياسها و السواق نز جرى و ساب العربية. صاحب الكورولا راح مطلع مفتاح العجل و راح مكسر فوانيس و زجاج الميكروباص. انا عجبنى الراجل دا جدا.
والله حصلي موقف مشابه ، مع سائق ميكروباص دمرلي الباب الخلفي الصاج كله اتطبق ودخل لجوه . بس الصراحة ماعرفتش اعمل اي حاجة نزلت من العربية لقيت اني بتكلم مع نوع مختلف من انواع البشر ، وطبعا افترض اني طالما سايقة عربية فايه يعني اما تتخبط واصلحها باي تمن وهو من وجهة نظره علي قد حاله يعني حسبها بمفهوم طبقي مش بمفهوم مين المخطئ ، وانا والله ما اخطأتش بنسبة 1% باعترافه ولكن اتي في النهاية بجمله ( هاتقبلي العوض يعني ) .
من وجهة نظري وقناعتي الشخصية لا يوجد شئ اسمه عوض في الاسلام ، ولكن كما قال الرسول (ص) " من افسد شيئا فعليه اصلاحه " .
طيب انا ذنبي ايه في اني ماشية في امانة الله والاقي العربية بتاعتي بقت مشوهه ، كمـــــــــان ممكن اتصرف ازاي في الحلات المشابهة دي ، طبعا مش هاقدر اعمل الحاجات اللي انتوا بتقولوا عليها دي ، طيب ايه التصرف السليم
بمناسبة موضوع العوض ده... أنا مرة حصل معايا موقف أيام ما كنت بال127
كنت داخل على شارعي و واحد طلع فجأة من تقاطع و خبطلي الباب الوراني ... رحت رفعت فرامل اليد و حلفت انه مش هيعدي الا لما يدفعلي تمن الخبطة أو أمشي وراه لحد سمكري و يصلحلي الخبطة
قاللي عايز كام؟ قلتله 150 جنيه... قعد يفاصل و يطلع و ينزل و نزعق مع بعض و يوقف تكاسي يشهدهم الخبطة تسوا كام و انا متمسك بموقفي... فضلنا كدا ساعة الا ربع.... في الاخر اتفقنا انه يديني 50 جنيه...
أول ما أخدت ال50 جنيه ف ايدي... حسيت ان حقي رجعلي... رحت مديهاله تاني :d
و طبعا الجمهور العريض اللي ملموم حوالينا مذهول من الموقف...
قلتله أنا كدا أخدت حقي... خد ال50 جنيه بتاعتك.... تخيلوا رد فعله !!! قاللي لا والله لانتا واخدها... و من أفسد شيء منا فعليه اصلاحة و دي طلعت مني ليك...
أصريت اني مخدهاش... و قلتله انا حقي وصلني و خد فلوسك... الموضوع انتهى...
الراجل راح مسلم عليا و بالأحضان و انتهى الموقف... تاني يوم رحت أردها عالبارد كلفتني 10 جنيه !!! :d
انا هاحكيلكم موقف حصل معايا بس انا اللي خبط مش اتخبطت. بس محدش يتريق لإني كنت بسوق جديد:oops:
انا كنت لسة متعلمة السواقة جديد والمارشدير عندي سخيف جدا وتقيل المهم كنت ماشية في شارع وركنت صف تاني وقفت كده شوية وبعدين حبيت اطلع كان في عربية قدامي فحبيت ارجع شوية عشان اعرف اطلع منها المهم حودت الدركسيون غلط وكنت قريبة اوي من العربية اللي جنبي فخبطلها الباب خبطة بسيطة دخلت الباب سنة لجوة وشوية دهان من عندي نزلوا علي عربيتها وارتبكت ومعرفتش اعمل ايه المهم نزلت من العربية وفي واحد ورايا جه يساعدني وطلعت العربية وركنتها في حتة تانية ورجعت لصاحبة العربية لاقيتها عمالة تزعق ومتنرفزة جدا المهم روحت واتأسفتلها وهي كل اللي عليها خديها صلحيها مش انتي اللي خبطتي خديها صلحيها قلتلها يامدام حضرتك شوفي هاتتكلف كام وانا هاتحمل الخبطة دي انا بعترف اني اخطأت وخبطها غصب عني والله بس هي فضلت تزعق وتلومني وقلتلها شوفي حضرتك عايزة ايه وانا اعمله المهم الرجل اللي ساعدني قالها ياستي دي بسيطة مش هاتتكلف 50 جنيه علي بعص وهاتترد علي البارد والدهان ده هايتشال مفيهاش حاجة قالته انا مش فاضية اروح اصلح واعمل (كانت دكتورة)وقالت خليها تاخدها تصلحها (غريبة جدا اخدلها عربيتها اصلحها واجيبهالها تاني ازاي؟ مخافتش عليها لاتروح ومترجعش تاني) المهم قالتلي انا عايزة 200 جنيه تحت النقص والزيادة قتلها كتير اوي والموضوع كله زي مالناس قالت 50 جنيه ويمكن اقل من هنا لهنا قلتلها نشوف السمكري هايقول ايه قالتلي انا مش فاضية هاتصل بالسواق ييجي ياخدها وتروحي معاه قلت طيب قعدت تتناقش معايا وان السواق مش هاينفع ييجي دلوقتي ده غير ان السواق بتاعها لما اتصلت بيه قالها 500 جنيه مش فاهمة امال لو كنت طبقتلها كانت تتكلف كام؟ قلتلها من الاخر انا كل اللي جيبي 100 جنيه هاديكي منهم 50 ولو اتكلفت اكتر كلميني قالتلي هاتي ال 100 جنيه ولو طلعلك انتي باقي هاردهولك ولو طلع اكتر يبقي ليا عندك حق اعمل ايه رحت اديتلها ال 100 جنيه فعلا واخدت تليفونها وكلمتها بعد يومين قالتلي معلش اصل السواق مفضيش يوديها، بعدها بكام يوم كلمتها تاني قالتلي السواق وداها بس هاتتكلف اكتر من 100 جنيه عشان الخبطة جت في عضم الباب من تحت مع اني معتقدش اني خبطتي وصلت لكده ابدا بس قلتلها شوفي كام وانا هاديكي الباقي (انا عاملت ربنا ساعتها وقلت عشان ميبقالهاش حاجة عندي قدام ربنا يعني وعشان كده كنت بتابعها بالتليفون) وقلتلها عموما رقمي معاكي وانا مش عايزة ابقي مديونة لحد لو طلع اكتر ياتسامحيلي فيهم يإما تتصلي بيا وانا اوصلك المبلغ الباقي لحد عندك ده غير اني قعدت اعتذرلها في كل مكالمة كلمتهالها وتعاطفت معاها جدا وكنت حاسة بذنب كبير اوي ناحيتها.
انا اتصرفت صح ودفعت تمن غلطتي وهي وضميرها لو اتكلفت اقل من 100 جنيه يبقي ليا عندها حق وعند ربنا ميضيعش ولو اتكلفت اكتر هيا مسعتش ورا حقها ولا اتصلت بيا عشان تطلبه بالعكش انا اللي كلمتها كذا مرة عشان اخلص ضميري يبقي عداني العيب ولا لأ.
معلش طولت عليكوا بس حبيت اوضح ان الانسان بيعامل ربنا يعني لو خطبت عربية حد وطنشت ومشيت زي مالناس بتعمل القضية ممكن تكون انتهت في الدنيا بس لكن عند ربنا الراجل ده له عندك حق سواء فلوس أو اعتذار وهايدفع يوم القيامة اضعاف فعشان كده الواحد يدفع اللي عليه في الدنيا احسن مايرده في الاخرة ولا إيه؟