اقتباس:
المشاركة الأصلية كتبت بواسطة MMamdouh
طبعا فى مصر عيب تاخد عوض... اصل كل حاجة فى البلد ماشية بضهرها
هما بيتدخلوا بس لو خبطت حد و موتة... غير كدة عض فى الارض
دغدغلة عربيتة بكوريك او اى اله ثقيلة و اذا بلطج عليك مفيش مانع ينوبة من الحب جانب... انت فى غابة مليئة بالمسعورين و عليك ان تتعامل على هذا الاساس
MMamdouh
بصراحة انا نفسي اتعلم اعمل كده بس فعلا بستحرم اني أكسر حاجة مش بتاعتي عن عمد لأن ذنبي كده هيبقى أكبر من ذنبه لأنه أكيد لما خبطني ماكانش عن عمد ( كل ده بعيد طبعا عن وقاحته وقلة أدبه اللى تخليه مايعترفش بغلطته لو كان غلطان ) ودي طبعا ليها رد فعل من نوع تاني ماينفعش أقوله هنا
اقتباس:
المشاركة الأصلية كتبت بواسطة waleedraafat
انا في مرة كدة وانا سايق علي السريع بتاع بنها المنصورة واحد بتاع نص نقل قعد يديلي كلاكسات عايز يعدي، المهم عديته راح حادف عليا جايب لي الرفرف الشمال ولولا ان السيارة جامدة وتقيلة كنت هخبط في العربية الي جنبي وهننزل سوا في الزراعات .
قمت انا ايه بقي اتجننت من الحركة وحرقت علي العربيه وهو بيجري مني وبقينا نشرب المطبات سوا والعربيه تطير وانا مصمم احصله وبعد ما عدينا 140 كيلو قدرت احصله وزنقته عند كفر شكر ونزلت من العربية وانا مصمم اخلص عليه
المهم ولا الحلال تعاطفو جدا معاه لانه سواق نص نقل غلبان وكانو هيخلصو عليا انا مش هوا وقعدت اشرح لهم واوضح لهم انه كان هيخليني اعمل حادثة وعايز تمن اصلاح الرفرف ، ولما اتكلمت عن اصلاح السيارة واحد اصيل منهم شكله كده كان عايز يضربني جوز اقلام وقالي (تصليح ايه يا بيه ربنا يصلحهالك ) وقام الشعب المصري بمنتهي الشهامة المشهور بيها ومسكوني كويس لان انا المفتري صاحب الملاكي (فولكس موديل 65) وهربو السواق وسابوني لحد ما جري وحاولت طبعا اجيبه بس نزل في طريق جانبي وهرب .
ودا غير الاوتوبيسات الي خبطت فيا من ورا كذا مرة والناس طبعا تعاطفت مع السواق الغلبان ضد المفتري صاحب الملاكي(انا طبعا)
انا مش قادر أعلق على اللى حصل ده !!!!!!!!!!!!!!!!!!!!!!!
فعلا شعب .....