الموضوع: Yaris wla City!!!!

انا اخترت السيتي

بناء على تجربة شخصية في سواقة العربيتين

ممكن يا استاذ لوءي توضح ليه اخترت السيتي من خلال تجربتك للعربيتين وشكرا لردك

انا بالتاكيد اختار ياريس بناء علي تجربه
و حقولك اقرا المواضيع القديمه فيها كتير
و حقولك روح اركب العربيتين و شوف فرق التقفيل اللي لصالح الياريس
و بلد المنشا اللي لصالح الياريس
و سعر اعاده البيع لصالح الياريس
و قطع الغيار لصالح الياريس
و بعدين احكم انهي احسن

السيتى افضل من حيث التقفيل و صاجها احسن

المشاركة الأصلية كتبت بواسطة RiVo0

انا حكمت من زمان يا حازم بيه وقريت كل المواضيع القديمة وعارف انك مش بتقول كدة عشان عربيتك انما في ناس كتير بتفضل السيتي فكنت عايز اعرف السبب ووجهة النظر بردو ومرسيه لردك يا جميل

حرجع تاني و اقول كلاممي علشان خاطرك يا ريفو باشا رغم ان اسمك بيفكرني بالصداع و الريفو ههههههه(بهزر معاك ما تزعلش)
لما جيت اشتري كنت بقارن بين مش اقل من 10 عربيات في نفس الفئه السعريه و منهم السيتي
طبعا الياريس ازاحت كل دول و حقولك الاسباب.
1.الشكل الجميل جدا و العصبي و من قدام ما تعرفش اذا كانت بتضحك و لا بتعيط بجد بتفكرني بالموناليزا !!!!!! و انا اعترف ان دي اوي مره تويوتا تنزل شكل احسن من الهوندا و اللي بيقولك ان تصميم الياريس عجيب ف دا لان دي خطوط الموضه الجديده اللي حتنزل في السيتي اللي تصميمها عتيق دي و شكلها عجوز.
2.توافر قطع الغيار داخل و خارج التوكيل و جديد اصلي و ياباني و تايواني و صيني يعني باي مبلغ حتصلحها غير توافر قطع الغيار الاستعمال
3.نفس موتور الكورولا من 2001 ل 2007 و الكل بيشهد بكفائه الموتور دا وعن تجربه لمسافه 140 الف كيلو في كورولا و 60 الف في ياريس اخري لقيت انه موتور حكايه فعلا و لعلمك انا قليل لما عربيه ياباني تخش دماغي .
4.الموتور بيديلك كمان ان قطع الغيار بتاعه نفسها الكورولا المنتشره و عليه حتلاقي قطع غيار في اي مكان و اسعار معقوله.
5.استهلاك بنزين تحفه 250 الي 280 كيلو في الصفيحه و مع التكييف في بعض الاحيان!!!!!!!
6.امكانيه الصيانه خارج التوكيل لوجود ناس بتفهم فيها كتتيييير و مافيهاش لخبطه كتير بعكس الهوندا اللي لازم توكيل
7.سعر اعاده البيع قطعا لصالح الياريس حيقولك لا اصلها مش كورولا برضه معلش اسمها تويوتا و الناس بتجري عليها و لو مكنش كده مكنتش زادت 5 الاف جنيه في 6 شهور من يوم ما جبتها .يعني بالقطع اجدع من السيتي اللي اختها الكبيره اللي بتتقارن بالكورولا مش بتحافظ علي سعر بيع.
8.التقفيل الياباني لصالح التويوتا .حيقولك السيتي متقفله في مصانع هوندا في تايلاند حقولهم معلش بس برضه التقفيل الياباني اكيد انضف ما تقنعنيش ان عربيه حتخرج من مصنع غير المصنع الام بكفائه العربيبه اللي خارجه من المصنع الام.
ارجو ان كلامي ميكونش تقيل بس حبيت اعرفك و الحمد لله محدش جاب عربيه ياريس و اشتكي منها

المشاركة الأصلية كتبت بواسطة mohameduoser

السيتى افضل من حيث التقفيل و صاجها احسن

انصح حضرتك انك تنزل لاقرب معرض تشوف خامات الياريس عامله ازاي و تقفيلها و خصوصا الصالون و قارنها بخامات السيتي بدون تحيز.
اما بالنسبه للصاج فبصراحه مش عارف حضرتك حكمت عليه باي مقياس ان صاج السيتي احسن:)

مقدرش ازعل منك يا كازم قصدي يا حازم بيه وكلامك كله مزيكا خصوصا شكلها العجوز دي وزي مقلتلك انا راءي محدده من زمان بس بردو يمكن حد يفدنا برأيو