مهاب باشا ، متشكر جدا علي مشاركاتك :-)
عرض للطباعة
مهاب باشا ده من ذوقك ياكبير
انا من خلال تعاملي مع التوكيل لمده 4 سنين اقدر اقولك ان ده افضل توكيل اتعاملت معاه في كل حاجه (انا جربت منصور واوماترا) وفي اوماترا بالذات كنت بقولهم ابوغالي اللي وراكو بشارع واحد بس فرق السما بالارض بينه وبينكو والله قولتهالم في وشهم كذا مره من كتر القرف معاهم
انا للاسف بيعت العربيه من 2010
اما ان العربيه ثابته ولا لا اقدر اقولك هاتها وامشي 160 وحاول تعومها او تاخد غرزه قطم ولو عومت ابقي اتكلم
انا مره اخدت غرزه حاره واحده قطم وفرق العربيتين قليل قوي وانا علي 200 :)
وطبعا الملفات كلها عادي براحتك كنت بطلع من بي ام في الملفات بس :) يعني ماجيبوش علي الطريق بس في الملف هو يهدي وانا زي مانا علي الدواسه :)
انا سقت بي ام 330 2010 عربيه طلقه طبعا بس والله ما استمتعت بثباتها ولا سواقتها وكنت متنشن علي عكس الامبريزا 2006 اللي كانت معايا
وده شعور شخصي
في الاول وفي الاخر كله نصيب وربنا يكتب اللي فيه الخير
علي العموم قبل ماتجيبها متنساش الاستخاره
وابقي حافظ علي صياناتك عندهم وحتي متغيرش زيت بره عشان لو لاقدر الله حصل حاجه محدش يقدر يقولك كلمه
انا عشان كنت بعمل كل الصيانات عندهم بصفه دوريه وحتي بعد ما الضمان خلص وحصل المشكله قالولي عشان انت عميل بتاعنا ومستمر معانا لازم نحافظ عليك ونكسبك وده الل حصل فعلا
و نعم بالله ما ندم من استخار ، ان شاء الله في كل الاحوال حادعيلك:-) و خير ان شاء الله و حكاية التوكيل دي انا اصلا باخاف اعمل حاجة برة التوكيل و بالذات بقي دي علشان معقدة عن الباقي شوية
الف شكر و ربنا يكرمك علي المعلومات اللطيفه و انا ابتديت استريح نفسيا اصلا من دلوقتي للعربية :-)
صلى صلاة الاستخارة و روح التوكيل شوف لو عندهم تيست درايف ليها او لو مفيش حتى اركب العربية فى المعرض و اقفل ابوابها عليك و تخيل انك جواها و شوف قاعد مستريح و مبسوط و دا اللى بتحلم بيه ولا لا ، لو خرجت من العربية سعيد و مبسوط مترددش انك تشتريها ، حضرتك بتشترى عربية لنفسك عشان تستمتع بيها و تستمتع بفلوسك اللى تعبت فيها ، مش هتجيب عربية عشان ترضى الناس بيها
اشتريها لو حتفضل معاك على الاقل 5 سنوات لانها عربية محترمة جدا و ثباتها رهيب و تعتبر افضل اليابانى حاليا
ربنا يكتبلك اللي فيه الخير
ومبروك مقدما