الله يبارك فيك و الف شكر علي كل حاجة :-)
عرض للطباعة
ايه رايك متروح انت التوكيل وتجرب العربيه بنفسك وتعرف اد ايه الثبات فيها ان عارف انهم بيعملو تجربه قياده للسيارة
انا جربت العربية واشتريتها من شهرين والعربية ما شاء الله ثبات فوق فوق الهايل وباخد غرز وملفات على 180 والعربية مش بتقول لأ
وسحبها زى الفل مش بحس بسرعتها خالص بتسحب بسرعة جدا وانا عامل بالعربية دلوقتى 10000 كم وروحت التوكيل اكتر من مرة والناس زى الفل والتوكيل محترم للغاية واهتمامهم بالعربية وبالعميل هى ده اهم اولوياتهم وكمان الاتصال اللى بيتم للعميل بعد زيارة التوكيل من قبل خدمة العملاء وبيسألوا عن مدى رضائنا عن الخدمة والصيانة والمعاملة كلها حاجات خلتنى احب العربية اكتر
وعلى فكرة انا كان معايا لانسر سبورت 2008 قبلها لكن بعد ما جبت السوبارو 2012 بصراحة حاسس بفرق شاسع بينها وبين اللانسر ثبات خرافى لصالح السوبارو
وكذا عربية بى إم توقفنى عجباهم العربية اوى عشان فى الملفات مش بيعرفوا يحصلونى عشان مش بهدى خالص ده انا بدوس بنزين اكتر والعربية ماسكة نفسها خالص
توكل على الله واشترى العربية وربا يباركلك فيها
اهو ده كلام الناس اللى ركبت وشافت بنفسها على مدار سنين
وانا متفق معاك يا دكتور فى كل حرف قولته وفعلا السوبارو مش اى حد يقدرها ولا يعرف قيمتها الا اللى جربها زيها زى الفولفو بالظبط
وللاسف مالهاش سوق فى دول كتير زى نظام مصر كده وده اللى خوفنى من انى اجيب فورستر فى السعودية
تحياتى
يوسف (trivastal)
الفرق لصالح السوبارو بفضل نظام الدفع الرباعى المستمر symmetrical awd والموتور البوكسر ومركز ثقل السيارة المنخفض .. فالتوازن بيكون افضل فى الملفات
عكس البى ام دبليو دفع خلفى وهاتحس باوفر ستيرنج على سرعات عالية وملفات جامدة
المقارنة عاوزة اى بى ام ix دفع رباعى برضه ودى بتنزل فى اوروبا (حاجة تانية خالص)
السوبارو من افضل الياباني ...يمكن مش في التسارع ولكن بشكل عام.....الحمد لله شفت منه عربيتين لحد دلوقتي 2012 ههههههههههه
السلام عليكم
ان معايا سوبارو 2009 هاى لاين شاريها زيرو فى مارس 2009
بالنسبة للسيارة بسم الله ماشاء الله ثبات وامان على الطريق. والصيانة على اعلى مستوى فى فرع جسر السويس اللى انا بتعامل معاه
فى يوم السيارة بدات تقطع معايا وبعد نص كيلو وقفت وحلفت ماهى دايرة. وكان يوم جمعة. اتصلت بالمهندس بتاع مركز الصيانة قالى ابعتها المركز وانا هاشوفها.
والعطل كان فى حساس العادم وعلبة الكاتلست بسبب بنزين سيئ ومش نظيف. ودا حقيقى لاننى فولت من بنزينة فى الزقازيق قديمة شويتين. المهم الناس غيروا الكاتلست وفكوا حساس من عربية فى المعرض عشان ماكنش عندهم فى المخزن .
والى الان الحمد لله العربية زى الفل مع بنزين 92
المشكلة الاساسية بالنسبة ليا واللى مخلينى افكر اغير هى الارتفاع القليل للسيارة عن الارض,
وطبعا سعر اعادة البيع فى الدمار.
يعنى لا تحمل هم التوكيل ولا الصيانة ولا البنزين 95 انما فكر فى حتة الارتفاع عن الارض لو بتسافر على طرق فيها مطبات كتير زى طريق المنصورة اللى عقدنى فى السوبارو وربنا يوفقك ان شاء الله للخير
متشكر اوي يا جماعة علي مشاركاتكم :-)