الوسيط في جواز الصالونات

**Khaled Online** · 29-10-2012 02:38 AM

المشاركة الأصلية كتبت بواسطة Eng.M Mahran

او الطرفين ضايعين زى بعض و فى الحالة دى الموضوع هينجح برضه

ههههه

**essamcne** · 29-10-2012 03:06 AM

يا نهار أبيض أنا مش فاهم حاجة من الطلاسم دي هو فين الظابط.

**S O P H O S** · 29-10-2012 03:22 AM

متابع باهتمام ..

**khaled_legend** · 29-10-2012 06:17 AM

طالما لا يوجد توافق بين الطرفين فلا اتوقع اي نجاح

**Eng_Doaa** · 29-10-2012 10:22 AM

على فكرة أنت واخد فكرة غلط خالص .

كتير من الناس و انا زيهم مثلا مالناش علاقات اجتماعية واسعة غير فى إطار معين نظرا للوضع المعروف فى المجتمع حاليا و انشغال الناس فى الشغل أو فى اى حاجة تانية . و بالتالى مسألة الزواج نظرا لأنها مهمة و خطيرة و ماينفعش الولد يتزوج اول واحدة يشوفها و لا البنت كذلك لأنه أكيد هى أو هو ليهم طلبات محددة زى الاخلاق و الدين و المستوى الاجتماعى و العلمى كل ده مش بيتوافر بسهولة فزواج الصالونات من خلال معارف العائلات بيكون هو الضمانة و الحل و الطريق السليم على فكرة .

و ده اللى كان بيعمله الصحابة يعنى مثلا سيدنا عمر عرض بنته حفصة على سيدنا ابو بكر و على سيدنا رسول الله فتزوجها الرسول صلى الله عليه و سلم . فهل ده عيب ؟؟
أحنا اللى بنحب نغير فى المعايير و بنصعب الأمور على نفسنا .
و ربنا يوفق كل واحد نيته خير للى فيه خيرى الدنيا و الاخرة :)

**stoon** · 29-10-2012 06:04 PM

المشاركة الأصلية كتبت بواسطة amr.elsayed

بص نصيحة متجربة اى حد عايز الرجالة يتجننوا عليك ويبقوا عايزين يخطفوك لبناتهم واظب على الصلاة فى الجامع
وخاصتا صلاة الفجر والعشاء ... وعلى فكرة 99 % لو ربنا كرمك بتكون بنت محترمة جدا لان ابوها بيكون انسان متدين
كل يوم بيصلى معاك الفجر فى الجامع وبالتالى دى بتكون بوادر لطريقة تربية بنته
............
بالنسبالك انت كانسان متدين حتكون حلم لاى رجل عايز يطمئن على بنته خاصتا لو بقالك فترة بتوظب على صلاتك امامه ...
وجزئية مش اجتماعى دى اخر حاجة حيبصلها
..........
وانا كمان مش فاهم حاجة لحد دلوقتى

هاهاهاها
كبيرة دى ياباشا شوية الراجل دلوقتى هو اللى يجنن الرجالة علشان يخطبوه لبناتهم ههههههه انا اعرف ان الحريم هما اللى يتخطبوا عن طريق الجامع علشان حريم مع بعض واحدة تخطب البنت لابنها هههههه زمن غريب
وبعدين بتنصح الراجل انه يروح الجامع علشان الرجالة تخطبه يعنى ماينفعش يقضى فرض ربنا لوجه الله
وتنصحه بالبردين علشان يبق قدام الراجل انه مش من المنافقين والصلاة خفيفة على قلبه لا وكمان الشرط ان الفجر علشان يبق ملاحظ وملفت للنظر الراجل تقى
لا وايه البنت علشان ابوها بيصلى حاتبق 99% بتعرف ربنا يمكن ابو البت دى عامل زيك عايز الناس تقول عليه عم الحج التقى

اقول حاجة حسبى الله ونعمة الوكيل فى اللى بياخد الدين ستار لاهواءه الشخصية وكمان تدين تدان والخبيثين للخبيثات ونعمة لله ده نسب لايصح فيه خبث

ولصاحب الموضوع لو ناوى الجواز نية صح ربنا حايوقع فى طريقك بنت الحلال انا اخويا قابل مراته كانت بتودى اختها للدكتور اللى هو صاحبه صدفة والله والحمد لله نعمة الزوجة

**amr.elsayed** · 29-10-2012 06:48 PM

المشاركة الأصلية كتبت بواسطة stoon

هاهاهاها
كبيرة دى ياباشا شوية الراجل دلوقتى هو اللى يجنن الرجالة علشان يخطبوه لبناتهم ههههههه انا اعرف ان الحريم هما اللى يتخطبوا عن طريق الجامع علشان حريم مع بعض واحدة تخطب البنت لابنها هههههه زمن غريب
وبعدين بتنصح الراجل انه يروح الجامع علشان الرجالة تخطبه يعنى ماينفعش يقضى فرض ربنا لوجه الله
وتنصحه بالبردين علشان يبق قدام الراجل انه مش من المنافقين والصلاة خفيفة على قلبه لا وكمان الشرط ان الفجر علشان يبق ملاحظ وملفت للنظر الراجل تقى
لا وايه البنت علشان ابوها بيصلى حاتبق 99% بتعرف ربنا يمكن ابو البت دى عامل زيك عايز الناس تقول عليه عم الحج التقى

اقول حاجة حسبى الله ونعمة الوكيل فى اللى بياخد الدين ستار لاهواءه الشخصية وكمان تدين تدان والخبيثين للخبيثات ونعمة لله ده نسب لايصح فيه خبث

ولصاحب الموضوع لو ناوى الجواز نية صح ربنا حايوقع فى طريقك بنت الحلال انا اخويا قابل مراته كانت بتودى اختها للدكتور اللى هو صاحبه صدفة والله والحمد لله نعمة الزوجة

يا سيدى متشكر ليك على التريقة دى كلها على كلامى
و انا مقصدش ان يروح الجامع مخصوص علشان يتجوز لا انا قصدى مواظبته على الصلاة فى الجامع
حتفتح ليه سكة للصحبة الصالحة وبالتالى حيفتح ليه مجال من العلاقات الاجتماعية المحترمة
..........
كنت اتمنى من حضرتك رد افضل من كدة يكون فيه نصيحة ومايكنش فيه توبيخ وتريقة
يكون فيه دعاء بالخير مش تدعى علينا وتدعينا بالخبث و اخذ الدين ستار لاهوائنا
لكن يا فندم دى مش اهواء دة احنا بندور على العفاف وبنتكلم مع بعض والدنيا واقفة فى وشنا
فبننصح بعض اننا نتوجه لربنا وبيوت ربنا لاننا بنطلب ما حلله الله وليس الحرام
وبما ان حضرتك متدين كنت انتظر منك نصيحة او دعاء بدلا من الكلام القاسى دة
واذكر نفسى و حضرتك بالاية الكريمة
﴿ فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللّهِ إِنَّ اللّهَ يُحِبُّ الْمُتَوَكِّلِينَ﴾ (آل عمران: ١٥٩)

**aser_007** · 30-10-2012 01:38 AM

المشاركة الأصلية كتبت بواسطة amr.elsayed

انا بعد بحلقة نص ساعة فى المشاركة بدات افهم شوية
مثلا واحد مؤهلاته كويسة بس مش اجتماعى ومعندهوش علاقات وبالتالى كلم ناس علشان يشوفوله عروسة
لقى العرايس اللى بتجيله مش حلوين علشان كدة هم بيكلموا وسيط علشان هم نص نص .... وبالتالى الموضوع دة مش نافع مع الراجل ذات المؤهلات الكويسة
واللى هو فى نفس الوقت مش اجتماعى ... ساعتها يعمل ايه ؟؟؟ ويدور ازاى على عروسة ؟؟ والعكس بالنسبة للبنت ؟؟
.....
صح كدة ؟؟؟ قول صح الله يخليك

تمام كده يا عمرو وبالنسية كمان للطرفين