طائرات مقاتلة تخترق حاجز الصوت فوق القاهرة اثناء تدريبات الدفاع الجوي

**moudy88** · 01-11-2012 04:00 AM

من مصدر شخصي ليا في القوات الجويه (والله على مااقول شهيد )

الموضوع كان تدريب للقوات الجويه مش للدفاع الجوي
وكان تدريب مفاجئ لاختبار جاهزية القوات الجويه في اسوء الظروف الساعه ال 5 فجرا ورابع ايام العيد وفي مناطق مأهوله بالسكان
باطلاق طائره مجهوله ...ولم يكونوا على علم بأنه تدريب

انا ساكن ي منطقة الحدائق ودي اكتر منطقه اتضررت في مصر كلها من الصوت
واتخضيت واتسرعت لاقصى درجه
لكن لما عرفت الموضوع كله ...حمدت ربنا ان عندنا جيش سهران علشان يحمينا

ساعة الحرب ...مش هنصحى مسروعين ...هنصحى متقطعين

اكيد مش عايزين يحصلنا زي اللي حصل للسودان...

ونشكر وزير دفاعنا اللي بيشرف بنفسه على التدريبات واللي تفرغ تماما للدفاع عن البلد ..عكس اللي قبله
واللي مش عاجبه وزير الدفاع علشان عمل تدريبات الفجر وصحانا

اتفرج على وزير دفاع السودان اللي بيبرر ضرب ميناء بورسودان انه الطياره كانت طافيه النور

**khaled_legend** · 01-11-2012 04:36 AM

المشاركة الأصلية كتبت بواسطة moudy88

اكيد مش عايزين يحصلنا زي اللي حصل للسودان... هو كان لازم يحصل موضوع ضرب السودان عشان الجيش يبدأ ياخد احتياطاته ؟ يعني لو مكنش ده حصل للسودان كان ايه موقف موضوع التدريب ده ؟

واللي مش عاجبه وزير الدفاع علشان عمل تدريبات الفجر وصحانا يا فندم انا قلب بنتي (سنتين) كان هيقف من الخضه و مبطلتش عياط طول اليوم و والدي اللي هو رجل عسكري اصلا اتخض برضه ... حرام بجد اللي حصل

اتفرج على وزير دفاع السودان اللي بيبرر ضرب ميناء بورسودان انه الطياره كانت طافيه النور الواحد لما بيشوف بلاوي الناس بتهون عليه بلوته

**mr_vampire** · 01-11-2012 02:19 PM

كلمة بس جت في بالي بعد ماقريت تعليقات الشباب... هل مطلوب من الجيش ليقوم بمناورات وتدريبات هامة انه يراعي ان في ناس نايمة وعيال هتصحي مفزوعة واننا في عيد وكدة مينفعش ومايصحش ....

هو لو قامت قوات معادية بالهجوم علينا هيراعو الكلام ده وهيقول نصبر شوية لحد مالعيال تصحي وتفطر ؟؟؟؟؟

ده تدريبات جيش ياسادة مش مسحراتية او شباب نازل يخمس ويشد بالعربيات فالناس صحيت مفزوعة....

**AhMeD EzZ** · 01-11-2012 03:21 PM

اصل احنا لو حصل علينا هجوم هنطلب من القوات المعادية يستنوا لما نصحي من النوم !

**م. حاتم السباعي** · 01-11-2012 08:22 PM

فعلا قمة التناقض
لو احد كارهي الاخوان و مرسي و السلفيين علق علي حكاية التدريب دي تجد قمة التحفز و الغليان حتي بعد ان اتضح ان الخبر صحيح و ان الموضوع كله الحمد لله طلع طيران داخلي للاستعداد و التدريب
و لو نفس هؤلاء الناس كانو في امريكا او اي دولة و وجدو انفسهم بدون سابق انذا بيتم ضرب انذار لاخلاء مبني سكني في عز الليل (( و اكتشفو بعد ان نزلو للشارع علي السلالم بدون اسانسير و من السلالم الخلفية )) و اكتشفو ان قوات الدفاع المدني في الحي بتدربهم علي كيفية الاستعداد لحالات مماثلة
او مدرسة بها اطفال صغار يضرب فيها الانذار ليعلموهم كيف يتجنبو التدافع لقالو عنهم (( شوف التحضر ))
ايه التناقض ده يا ناس الله يكرمكم ربنا مطلع علي ما بداخل القلوب ارحمونا بقي