الموضوع: مطلوب رأيكم فى الصور دي....و خصوصاً محترفي و هواة التصوير

المشاركة الأصلية كتبت بواسطة msobhy

مع احترامى لحضرتك
لو الصور ديه هاتدخل بيها مسابقه للهواه - ان شاء الله ربنا هايكرمك
لو حضرتك هاتدخل مستبقه للمحترفين - اعتقد انك هاتقابل شوية مشاكل

هى المسابقة للهواة مش المحترفين


انا على قدى جدااااااااااااااا فى تصوير المنتجات - أو التصوير بشكل عام

تعقيبى على الصور – اللى ممكن حضرتك تستبعدها
2 - زى ما تكون الصور مهزوزه وملامح العربيه ضايعه

أنت معاك حق فى دى بس هي باينة فى نص العربية الخلفي........و ده عادي على الأقل بالنسبة للعدسة اللى معايا.......هى مش قادرة تعمل focus على العربية كلها.

6 – صوره جميله لكن فيه لامعه فى وسط العربيه وفى الاكصدام من تحت وأعتقد ديه هاتتحسب عليك فلاش غلط

اللمعة اللى الصاج دي من إضاءة المكان مش من الفلاش.........اللى من الفلاش هى اللى في نص الأكصدام من تحت.

10 – الصوره برضو زى الصوره رقم 2

نفس الإجابة

13 – الاخوه الافاضل شكروا فى الصوره ديه – لكن اكيد حضرتك عارف ان الصور اللى من بعيد بتكون لهدف متحرك بتكون سهله – ودايما الصوره اللى بتكون من قريب هيه اللى بتبقى صعبه جداااااااااااااااا

ده أكتر زوم كنت عارف أجيبه بصراحة لأنى كنت قاعد فى مدرج عالى....عدسة 70-300 و من غير ترايبود ( معلش كانت دعوة بقى مكنتش شاري تذاكر ) :))

سؤال لحضرتك – الصوره رقم 14 ملعوب فيها بالفوتوشوب ولا انا متهيألى لأنه باين قوى عند الاكصدام – والغريب انى شايف ان الخلفيه مش متغيره – لو انا فاهم صح اغلب المسابقات المحترمه
بترفض نهائى لعب الفوتوشوب – ياريت حضرتك توضح النقطه ديه

الشغل معمول بجوجل بيكاسا..........كله شغل بسيط و هما معندهمش مانع من التعديل على الصور.
هى المسابقة تبع موقع سيارات عالمي مش مسابقة تصوير بالمعنى الإحترافي.

حاجه تانية – الصور اللى هاتدخل بيها مسابقة – ماينفعش ترفعها على النت حتى لو بجوده ضعيفه – عايز ترفعها املئ الصوره بأسمك فى كل حته وطبعا تبقى watermark علشان الناس تقدر تقيم الصوره

ده أكيد يا باشا إن شاء الله.

شكراً يا باشا على النقد المفصل و على تعبك............بس أفهم من كده أن باقى الصور عاجباك و لا مش قوي برضه ؟

المشاركة الأصلية كتبت بواسطة a7med_pharma

معلش ياجميل
انت مصور العربيات دي فين؟

هههههه فى معرض دبي الدولي للسيارات 2011

مقولتليش رأيك أيه ؟

المشاركة الأصلية كتبت بواسطة mzeid

رأيي المتواضع

11 - 12 - 14 - 15 - 9

13 جميلة بس كان ممكن تكون احسن من كدة

و سؤال حضرتك بتستعمل عدسات ايه ؟

شكراً يا باشا

معظم الصور متصورة بعدسة كانون 18-55 و بعضها متصور بعدسة 70-300.....بس مفيش منهم فى الموضوع غير الصورة رقم 13.

المشاركة الأصلية كتبت بواسطة msobhy

والله حضرتك فى ديه انا مش هاقدر افيدك لأنى شغال فى ال it ومليش اى علاقه بالتصوير - لكن الناس اللى معايا لما كانت بتيجى صور كنت بقعد اتفرج معاهم واعرف مشاكل الصور
بالاضافه ان عندى صور بتاعت ناس محترفه كتير - لكن احتراما لشغلهم مش هاقدر ابعتها لحضرتك
ان شاء الله هاحاول (لكن مش أكيد) انى اعرض الصور بتاعتك على واحد محترف تصوير وهو اللى هايختار
وربنا يوفقك ان شاء الله

الله يكرمك يا باشا

أنا كمان شغال it بس بصور هواية مش أكتر.