المشاركة الأصلية كتبت بواسطة y a r i s
في حكمة بتقول ( الرينو الله يعينوا )
وطول عمر الرينو يامحمد يا عادل ياحبيبي هههههه شركة خاسرة .... وكانت. شركة رينو مرة تتعجز على بيجو .... وكانت شركة بيجو بتعطف عليها وتساعدها لوجه الله ولانهم ولاد بلد وحدة .... ومرة شركة رينو تتعجز على شركة فولفوا ....
شركة خاسرة تمتلك جزء لا بأس به من أسهم نيسان و سامسونج و داتشيا !!
المهم لحد ماجيت شركة فولفوقالت لها اخلصي بقه احنا لحد ايمتى هنفضل نساعدك ما تعتمدي على نفسك .بقه مش عملالي نفسك عربية .... المهم فين وفين. ربنا كرمها ولقت شركة. نيسان تتعجز عليها وتتسند عليها علشان توقف .... ولولا الله. ثم شركة نيسان كان زمانهم قفلوا او قلبوا مصنع رينو مصنع حاجة ساقعة او مياه غازية فرنسية هههههههه
حبيبي يا محمد بهزر معاك .... بس انا مبهزرس ان شركة رينو شركة تعبانة من قديم الازل حتى لو كانت تصميمهم جميلة .... لاكن رينوا لاتتحمل الطقس الحار بتاتاً وعربية غير اعتمادية بالمرة بعكس تويوتا
معايا ميجان 2007 هنا..........ماشية 120 ألف كيلو متر
مفيش مشاكل إطلاقاً و لا الحر عاملها هلع و لا أي حاجة
عندك في فرنسا طالع قانون عمر العربية خمس سنوات ثم تعدم وتكهن لذلك شركة رينو مبتهتمش انها تنتج عربية للعمر بالزات انها شركة في الاساس مملوكة للدولة يعني شركة حكومية بعكس بيجو الي هيا قطاع خاص .... بعكس اليابان ،واليابانيين الي بيحب ينتجو سلعة معمرة .... ومين فينا مجربش تلفزيونات وفديوهات وغسلات ناشونال بتاعت اليابان ... انا لسه عندي فديدو ناشونال محتفظ بيه بقالوا عشرين سنة وشغال زي الفل بس معنديش شرايط ليه
هو موضوع القانون اللى فى فرنسا ده حضرتك جبته منين
الموضوع فى أوروبا كلها و على حد علمي هو مش قانون بقدر ما هو عرف.........و له أسباب مش معمول كده و خلاص.
أسبابه أن المصنعيات هنا غالية جداً جداً و لو فيه مشكلة فى العربية مش هتعرف تصلحها بنفسك.....ساعات و خصوصاً العربيات اللى قدمت شوية بيكون تكلفة إصلاحها = تكلفة شراء واحدة زيها ماشية بدون مشاكل....أو يمكن تقل شوية بسيطة
و بالتالي اللى بيحصل أن بدل ما تصلح العربية ب 1000 إسترلينى مثلاً......لأ تجيب زيها ماشية بدون أعطال ب 1500 و تبيع اللى معاك سكراب ب 300 أو 400
على فكرة........الأرقام أقرب للحقيقة منها للتهيؤات......أخويا كان عايش فى إنجلترا 3 سنين و اول ما راح أشترى باسات موديل 5 أو 6 سنين قبلها....2400 سى سى ب 1500 إسترليني
و أعرف واحد باع سيفيك ب 300 دولار في أمريكا علشان كانت محتاجة عمرة موتور هتكلفة ما يقرب من تمن واحدة تانية زيها.
اما يا راجل ياطيب تقول عن تويوتا عربية شعبية ... ااااااااه هيا فعلاً عربية شعبية ومحبووبة من جميع شعوب العالم برغم ارتافع ثمنها .... ويكفي ملاك تويوتا حجم مبيعات تويوتا في اوروبا وامريكا ذات نفسها .... يكفي ان تويوتا هي صانع العربيات رقم واحد في العالم .... لذلك هيا حلم لكتيرررررررر من شباب العالم انو يقتنيها
و أيه المشكلة أنها تكون شعبية ؟ هى دي شتومة ولا حاجة ؟؟؟؟ :)
دى تدل على أنها شركة ناجحة ( شوفت الروح الرياضية ؟ )
شعبيتها دي جت من حاجتين فى رأيي المتواضع
قلة الأعطال و أسعار قطع الغيار و وفرتها
فيه ناس كتير مش محتاجة من العربية أكتر من أنها توصلها من نقطة لنقطة.......أزاي أو فيها أيه مش فارقة معاها كتير.......ثابتة أو بتجري أو بطة برضه مش فارقة معاها كتير
تويوتا نجحت فى عمل عربيات قليلة الأعطال و أسعار قطع غيارها معقولة و مع الوقت و الأنتشار قطع الغيار التجارية أبتدت تنتشر و ترخص و بالتالي جذبت ناس أكتر أنها تشتريها.
بمرور السنين سعر إعادة البيع أتحسن و الموضوع ده بقى العادي من أى واحد عاوز عربية إعتمادية من الدرجة الأولى بيفكر يشتري تويوتا.......سواء جديد أو مستعمل.
بس مش بيفرق معاه حاجات تانية كتير ممكن تفرق مع غيره.
وتعاله يا محمد باشا مش انتا معاك ميجان ٢٠٠٧ تعاله نقيس كفائتها بكفائت عربية كورولا ١٦٠٠ موديل ٢٠٠٧
بلاش كده مش هما الاتنين. كانوا بيتباعوا زيروا بنفس السعر. تعاله بيع عربيتك النهرده شووف هتجيبلك كام وتعاله بيع عربية كورولا. ورشة وشوف هتجيب كام وعلى فكرة الكلام ده مش بس في مصر .... اسئل حتى باشمهندس احمد استشاري قسم رينو مش هو عايش في الامرات. اسئلوا عن الفرق بينهم في الامرات سعر التويوتا وسعر الرينو
معاك فى موضوع سعر إعادة البيع و ده وضحت أسبابه قبل كده
سعر إعادة البيع يخضع لقوانين العرض و الطلب الموجودة فى أى سوق.
ونفسي اعرف ايه الاداء المتواضع الي في تويوتا على الطريق عاوز افهم هل بتدوس بانزين. مبتستجيبش معاك
هل مفهاش نظم امااااان هل انت جربت تويوتا كورولا !!
انا ممكن أقولك متواضع ليه من وجهة نظري عن تجربة لكورولا 2010 قعدت معايا 3 شهور و 2012 قعدت معايا شهرين أو تلاتة و هتلاقي موضوع كنت عامله فى القسم هنا سنة 2010 عن العربية و ضفت فيه مشاركة عن ال 2012 لما كانت معايا........و غالباً وجهة نظري مش هتتفق معاك:
1- أحب و أنا سايق العربية و ماشي على 100 أو أكتر و عربية أو أتوبيس يعدي مني عربيتى متحدفش بسبب الهواء.
2- أحب أحس أنى مالك العربية مش العكس ( الثبات )
3- أحب العربية يبقى فيها وسائل أمان بقدر الإمكان.....و أسيب الباقي على الله ( 6 أيرباج فى الميجان مقابل 2 فى الكورولا على ما أذكر )
4- أحب ألاقى تصميم مريح نفسياً ليا......سواء داخلي أو خارجي........و سبحان الله عمرى ما حسيت الإحساس ده فى الكورولا
أكمل و لا كفاية ؟
هل فراملها سيئة !!!!!
مقارنة بفرامل الميجان......فرامل الميجان أحسن بشوية حلوين......و عاوز تعرف ليه بص على قطر الطنابير هنا و هنا.....و بص على الطنابير الخلفية هنا و هنا ( اعتقد كانت طنابير حلل فى الكورولا )
ده مش معناه أن الكورولا فراملها سيئة أو معقولة........لأ فراملها حلوة......و فرامل الميجان أحلى ( صيغة تفضيل)
هل تعلم ياسيدي ان في رينوا انتا بتدوس على دواسة البانزين وبتدوس فرامل مش كده. احنا في تيوتا كورولا بسم الله مشاء الله. والله اكبر بنحسس بطرف صباع رجلينا الكبير عدم اللمؤخزة
مش فاهم.....
هل قصدك أن مواتير الكورولا فايقة عن ميجان ؟
ماشي بس ده مش أكتر حاجة تهمني فى العربية.
ففين الاداء المتواضع. الدريكسيون مش انتا بتلف الدريكسيون بايدك ....
في الكورلا بتلف الدريكسيون. بصباعك او براحة ايدك
دركسيون الميجان أخف برضه بشوية كويسين............و دى حاجة عادية نظراً لأن الباور فى الميجان كهرباء و فى الكورولا هيدورليك
على فكرة بلف دركسيون الميجان بصباع واحد من أقصى اليمين لأقصى الشمال
التسارع من صفر لمية شوف التسارع في الفلورنس كام وفي الكورولا كام !
الكورولا تكسب ( روح رياضية تانى أهو ) :))
توفر قطع الغيار .... اقولك ايه كمان .... وبعدين ياباشا العربية الشعبية دي الي بتقول عنها تمنها ب ١٦٠ الف جنيييييييييييييييية
ده فى مصر بس يا باشا
فمش اي حد يقدر يركبها ومع ذلك بسم الله مشاء الله منتشرة .... وتحياتي ليك يا صديقي العزيز .