الموضوع: ماذا يقول الناس عن كورولا منذ نشئتها ( اه يامرارتي ) !

كورولا
ماذا يقولوا الناس عن تويوتا منذ ولا دتها الى الان
سنة ١٩٨٢

كان هناك جدل كبير عليها. والناس كانت بتبصلها نظرة العربية الصغيرة .... وملهاش لازمة .... وعربية بناتي وبتاعت عيال اكمن كان ساعتها في عربيات ضخمة امثال فورد وكبريس وفولفوا



طلعت تويوتا شكل تاني فيه نوع من الحداثة والصلابة
بس برضوا مسلميتش من الانتقاد من قبل الناس. .... لدرجة افتكر سنة ١٩٩٠ سمعت بوداني واحد بيقول مش حلوة الريجاتا اشيك منها وايطالي



@@@@@@@@@@@@@



نزلت تويوتا كورولا من ٩١ ل ٩٧ شكل تاني خالص. وكان ليا شرف اقتني وحده منهم xl
وكان اول كلمة اسمعها قبل كلمة الف مبروووك .... حرااااااام عليك حد يشتري كورولا دي قطع غيارها مووووووولعه دي صغيرة .... دي مش عارف ايه !!!
وعلى فكرة بقه الشكل القديم كان احلى .... ولمن سئلت ايه السبب الي يخلي الشكل القديم احلى قالك اصل الشكل ده بتاع ٩٢ جي بومبااااي كده. ولمن تركب. وتقعد ورى الدريكسيون. مبتبقاش شايف الاكصدام .... ههههههههه
طيب يا جماعة وانتوا عاوزين تشوفوا الاكصدام ليه .... دلوقتي وانتا ماشي في الشارع كل شوية بتبص على رجليك. حاجة غريبة وبعدين هوا ده التطووور. بتاع تويوتا. احساس الفخامة والشكل الانسيابي
لكن تقول لمين مقتنعين ان الشكل القديم احلى
ومنهم الي قال انها عواجيزي مش شبابي

@@@@@@@@@@@@@@

سنة ٩٨ نزلت تويوتا شكل جديد خالص
واكثر شبابية كورولا عيوووووون



ونزلتها علشان توكاب طموحات الشباب .... بس برضو مسلميتش من النقد الكل انتقادها ... والي قالك دي وحشة. والي يقلك شكلها مش استايل خالص. .... والي يقلك لا اللنسر الكريستاله احلى والي يقلك دي واطية على الارض والي يقلو ديقة والي يقول عيونها مش حلوة

فقامت تويوتا معدلة عيونها وخليتها بدل ماهيا بعين وحده خلتها باتين عين



وبرضو مسلميتش لان كتير قالو العيون كانت احلى من امو اربع عيون
وفي الي عاوز تويوتا ترجع كمان خمس ست سنين ورى ولسه بيحلف بالشكل بتاع ١٩٩٢



@@@@@@@@@@@@@@@

تويوتا زهقت وقالت انا هنزل بقة شكل جديد خالص وجيل جديد من كورولا



اسمع بقه تعليقات الناس .... ايه القررررف ده .... شكلها تقليد المرسيدس ...
العربية ديقة من جوا
مفيش احلى من عربيات بتاعت زمان كورولا ١٩٩٤ كانت اوسع منها
العربية غالية قووووي. وقطع غيارها نااااااااار
( ورغم ذلك حققت اعلى مبيعات في العالم )

@@@@@@@@@@@@

ناس كتير طالبت بالتغيررررر
فقامت تويوتا. غيرت فوانيسها





الشكل علق مع الناس قوووي. الناس حبيتوا بل تكاد تكون عشقتوا
ورغم ذلك طلعت ناس الي يقولك ديقه
والي يقلك فيها دبرياج
والي يقلك غالي جداً
والي يقلك مش ثابته



ورغم نجاح الموديل الا ان الناس كانت بتطالب بالتغير .... وافتكر فعلاً كزا مرة اسمعها من كزا واحد
هيا كورولا معندهاش غير الشكل ده كل سنة بقالنا ست سنين على نفس الشكل ويوم ماغيرو غيروا الفوانيس فقط والشبكة الي قدام

لاحظو. تيمت او شكل المرسيدس في عيون وتصميمات تويوتا







@@@@@@@@@@@@

ورغم النجاح الساحق للشكل ده الا ان الناس زهقت وعاوزة تغيرررر
فجت استاجابت تويوتا بناء على طلب الجماهير .... ونزلت جيل جديد من الكورولا

٢٠٠٨


والحقيقة كان يعاني من مشكلة ال mmt وكان جنوب افريقي
الناس بقت تترحم على موديل ٢٠٠٧ وحتى افتكر اياميها كانوا بيبيعوا موديلا ٢٠٠٧ استوك لاعلى سعر وزادت ١٥٠٠٠ جنية فوق تمنها الاصلي

@@@@@@@@@@@@@@

تمالكت تويوتا نفسها ونزلت موديل خالي من المشاكل



ورغم الانتشار الساحق واعلى مبيعات في دول العالم
الا تعالوا نشوف الناس بتقول عنها ايه
شكلها وحش
مش ثابته
تابلوها فقير
شكلها ووحش
الالماني احسن منها
الي مش عارف ايه فيها

@@@@@@@@@@@@@@@@@@@



المهم خلاصت الموضوع .... والرسالة الي عاوز اوصلها ... ان دايماً بلاحظ الناس يميلوا للشكل القديم وبيخافوا من الجديد وانا متاكد ان اول ماينزل موديل سنة ٢٠١٤ هتلاقي الناس تقول يااااااه فين ايام كورولا ٢٠١٢ فييييييين دي كانت اسسسسد. .... العربية دي متتعوضش ابداً ابداً .... والكلمة المشهورة بتاعت المصريين ( دي كانت غلطة وشركة تويوتا صنعتها غلطة كده وفلته من فلتات الزمان ) واذا كانت العربية بتتباع النهرددة ١٥٠ بكرة هتلاقيها بتتباع ب ١٦٠ وهيقولك لانها عربية متتعوضش

فسبحان الله من الناس لا بيعجبهم العجب ولا الصيام في رجب
وكانت دي مجرد رئية فنية ليا او ( مجرد راي شخصي فقط من واقع خبرتي )

@@@@@@@@@@@
وتحياتي