سؤال للناس اللي عملت فرش الكراسي جلد

**تامر.محمد** · 30-10-2012 09:33 AM

هل بعد ما عملت الفرش جلد فضلت الكراسي بنفس مستوى الراحة بتاع القماش ؟ ولا الراحة قلت ؟

هل كنت قبل كده بتعمل مشوار 10 كيلو مثلا و ما تحسش ان ضهرك مكسر و بقيت بعد كده نفس الشيء بالظبط ؟ ولا الوضع اختلف و بقيت تتعب ؟

باختصار , هل الكراسي بقت قعدتها انشف ؟

**amr_8800** · 30-10-2012 12:01 PM

لا يا باشا القعده هي هي مفيش فرق
هو الفرق الوحيد اني بقيت عكس بتوع الموتيسيكلات عشان هما بيلبسو شتوي طول السنه عشان الهواء
وانا بشغل التكييف طول السنه عشان الحر (بنزل من العربيه ضهري كله ميه)

**amdd** · 30-10-2012 12:46 PM

بص يا سيدى الجلد كويس وجميل وبيستحمل البهدله عن الفرش العادى لو انت عندك بهدله كتير يعنى لو فى اطفال ممكن يغرقوا الفرش عصير او لبن او بيدوسوا على الفرش بأرجلهم او زى حالاتى بروح البحر كتير وخايف من المياه المالحة والرمله والطينه فى الشتا والميه يبقى خليها جلد احسن الاهم من الكراسى ارضية العربية نفسها تكون كمان جلد طرى
اما لو حاجة من الحاجات دى مش عندك يبقى خليك فى الفرش احسن
اه ...نسيت اقول ان الجلد فى الحر بيلسع وبيخلى العربية نار بس ممكن تجيب فرشه خفيفه تخليها على الكراسى والكنبه تخفف الحرارة

**falcon191** · 30-10-2012 07:39 PM

الجلد فعلاً مهم جداً لو فيه أطفال....بيحصل حاجات من العيال عندي في العربية ممكن كان يجيلي انهيار عصبي لو كان الفرش قماش

**hugan** · 30-10-2012 07:48 PM

المشاركة الأصلية كتبت بواسطة falcon191

الجلد فعلاً مهم جداً لو فيه أطفال....بيحصل حاجات من العيال عندي في العربية ممكن كان يجيلي انهيار عصبي لو كان الفرش قماش

ماينفعش العربيه تكون اي حاجه تانيه غير الجلد
الاولاد ماشاء الله بيعملو كل حاجه في العربيه
ناقص ياخدو دوش وليفه وصابونه وتبقي تمام

**Ayman-Ahmed** · 30-10-2012 11:54 PM

بعد حوالى 3 سنين من تركيب الفرش الجلد :

-القعدة بقت اريح من القماش لان الجلد مشدود على عكس القماش.

- فى الصيف ودرجة الحرارة المرتفعة بحس بلسعة اول ما اقعد وبعد كدة بتروح مع التكييف او بعد تهوية العربية.

-النضافة بقت اسهل بكتير وفعلا لو فى اطفال هتحس براحة كتيرة وتبقى عاوز تقلهم براحتكم خالص. :)

-الارضية الجلد مهمة برضه ليك وللاطفال .

-الكسوة الجلد محبتهاش مع انها ارخص بكتير من التفصيل ولكن التفصيل بيعيش ومبيبوظش الكرسى.

-الخلاصة بالنسبة لى : الجلد اريح كتير من القماش.