الموضوع: ارجو مساعدتة فى مشكلة المياة فى a15

المشاركة الأصلية كتبت بواسطة ahmedebian77

الف شكر على الاستجابة بس الخرطوم الى حضرتك بتقول عليه متسلك و سليم
و انا لما رحت للميكانيكى بتاعى قلى لازم الترموستات تتلغى و انا فعلا دوريت عليها و لا لم اجدها فاضطريت لالغائها و الجمد لله القربة بطلت تجيب مياه بس السؤال دلو قتى هل الغاء الترموستات يعمل مشكلة و لا عادى و الافضل اركبها تانى ولا مش مهم
كمان انل لما شغلت التكييف بعد ما شيلت الترموستات لقبت عداد الحرارة بينزل فهل ده طبيعى
شكرا

لا يا أستاذ احمد اللى بيتسد مش الخرطوم الفتحة الضيقة اللى ف غطا الترموستات... عموما انت لما شيلت الترموستات لغيت عمل الفتحة دى فى عمل توازن للضغط من امام الترموستات وخلفه والغاء الترموستات ليس له تأثير سيئ على الموتور يعنى مش مهم انا لاغية من سنة تقريبا ومفيش مشكلة والحمد لله بس مية الحنفية اللى بتستعملها هى اللى ليها تأثير سيئ على كفائة التبريد مستقبلا من تكوّن الصدأ والاملاح... والحرارة بتنزل ده طبيعى علشان المروحتين بيشتغلو على السرعة العالية لما تشغل التكييف.

المشاركة الأصلية كتبت بواسطة ahmedebian77

الف شكرا على الاستجابة السريعة
بس ليه لما كانت الترموستات موجودة و اشغل التكييف الحرارة مش كانت بتنزل؟
كمان انا عايز اركبها تانى فايه راى حضرتك؟
و اشتريها منين؟

لما كان الترموستات موجودة كانت بتنظم درجة حرارة دائرة التبريد كلها على درجة موحدة ولما لغيتها حضرتك ف عادى انها تطلع وتنزل وما تقلقش مفيش مشكلة من الغائها.... ولو عايز تركبها تانى ركبها بعد تنظيفها لانها ما بتتلفش لانها تعمل بخواص المعادن وخواص المعادن ما بتتغيرش والعيب اللى كان عندك مش منها بس نظف غطاء الترموستات جيدا وخاصة الفتحات الضيقة اللى بتعمل توازن ف الديرة وهو ده العيب اللى كان عندك بس انت ما أخدش بالك من اللى شرحتهولك ف المشاركات السابقة.

المشاركة الأصلية كتبت بواسطة ahmedebian77

لا يا استاذ احمد انا كنت منظف الفتحة الصغيلاة عند بتاع الردايدتير قبل كده بس المشكلة كانت لسه موجودة يعنى كده لو انا نظفتها و ركبنها تانى حتشتغل.؟

بتاع الردياتير والميكانيكى ما يفهمش ف الكلام التخين اللى احنا بنقوله دة.. ده كلام هندسى علمى بحت... الفتحة دى بتتنضف وتتسلك لما تمسك غطا الترموستات ف ايدك وتنفخ فيها وتدخل فيها سلكه... مش بتاع الردياتيرات يقولك سلكت وتصدقة.. والدليل لما لغيت الترموستات ما بقاش فية امام الترموستات وخلفه العربية اشتغلت كويس... أحسن لك ما تركبوش طالما مش ح تحط مية خضرا وح تستعمل مية الحنفية لانها ح تتسد تانى من الصدأ وح ترجع المشكلة تانى ومتصدقش كل اللى يقوله الميكانيكى وبتاع الردياتير.. الشغل يكون امامك وتحت إشرافك ما تسيبش العربية وتمشى.. وتعمل اللى ف دماغك انت مش اللى هو يقوله ولا ايه الفايدة لما تسألنا وتعمل اللى ف دماغ الميكانيكى.

المشاركة الأصلية كتبت بواسطة ahmedebian77

دلوقت انا عايز اركبه تانى و احط مياه خضراء لانى سمعت انا استهلاك البنزين بيزيد فى الشتاء عند عدم وجود الترموستات الكلام ده صح؟
بس مش عارف اركبه فين لانى مش عايز اروح للميكانيكى ده تاى اروح اركبه فى التوكيل؟

لالالالالالالالالالالا ما تروحش التوكيل!!!!!.
ولو عايز تحط مية خضراء لازم تغسل الدايرة الاول من الصداء
ومن ناحية تركيبة سهل جدا دول 3 مسامير والخراطيم انا عملته بايدى تحت البيت ف الشارع هو بيركب ف القطعة الالومونيوم اللى بـ 3 مسامير وفيه كلبس علية على الله ما يكونش الميكانيكى رماه وجوان ح تعمله عند بتاع الجوانات.
شغل مش ح تاخد نص ساعة والعربية باردة.