بنزين 80 منين ... وبكام

**szrateb** · 09-07-2008 10:12 AM

هذا الاسبوع قررت التحويل من بنزين 90 الى بنزين 80 للعربية 127 طبعا دوخت على مالقيت محطة فيها 80 وبعد مافولت لقيت العامل حاسب اللتر بحوالي 105 قرش:arghh:
هو ده الطبيعي في سعر كل المحطات ولا الراجل اشتغلني وما هي المحطات المتوفر فيها 80 بالسعر الرسمي

**mohamed2002** · 09-07-2008 12:32 PM

المفروض السعر 90 قرش للتر,معرفش موضوع 105 قرش دة

**Abdo_Eldesokey** · 09-07-2008 01:28 PM

إيه النصب ده ... أنا على طول بفول بـ 90 قرش

والحمد لله عندنا في المنصورة مفيش أكتر من الـ 80 ... ربنا يكون في عونكوا في القاهرة

**HeMa_LanCeR** · 09-07-2008 01:32 PM

هو 90 قرش والمفروض تصحي كويس للناس دي علشان هما حراميه من الدرجه الاولي
ولو قالك علشان مش موجود فا السعر غالي قوله طيب ومون وقوله هحاسبك ب 90 قرش واللي عندك اعمله وانا عايز الحكومه واعمل محضر رسمي زيي وماتسبش حقك

**mohamed2002** · 09-07-2008 02:19 PM

فعلا بالاضافة ان المفروض السعر بيطلع قدامك وهوة لو لقاك زعقت شوية حيخلصك علي طول لان انت ممكن تعملهم مشكلة كبيرةة

**szrateb** · 10-07-2008 09:52 AM

الامس رحت افول 80 لتاني مرة حوالي 20 محطة عندهم طلمبة 80 ولكن لا يوجد بنزين والمحطة الوحيدة التي بها 80 عليها طابور حوالي 50 عربية :arghh:
روحت البيت وقررت ارجع لل 90 تاني

**homme49** · 11-07-2008 01:43 AM

أحؤ أخبار ال 80 فى أهرام الجمعة 11 يوليو 2008 كالتالى

44412‏السنة 132-العدد2008يوليو11‏8 من رجب 1429 هـالجمعة

طوابير في محطات الوقود‏..‏
وزحام مروري بسبب بنزين‏80‏ ‏

القاهرة ـ عادل إبراهيم وسهام عبدالعال‏:

سيارات الاجرة تقف فى طابور انتظار للتزويد بنزيين 80 فى احدى المحطاتشهدت محطات البنزين زحاما شديدا وطوابير طويلة من السيارات‏,‏ وذلك بعد اختفاء بنزين‏80‏ بعدد كبير من المحطات خلال اليومين الماضيين‏,‏ وتسبب ذلك في حالة من الاختناق المروري لبعض الشوارع بالقاهرة الكبري والإسكندرية‏.‏

ورغم قيام الهيئة العامة للبترول بزيادة المطروح من بنزين‏80‏ علي محطات التموين للجمهور بنسبة‏17%,‏ إلا أن الشكاوي وطوابير السيارات ولا سيما سيارات الأجرة‏,‏ مازالت مستمرة‏,‏ خاصة في أوقات الليل‏.‏ وكشفت تحريات مباحث التموين عن تزايد الإقبال في الفترة الماضية علي بنزين‏80,‏ نتيجة خروج أعداد كبيرة من المواطنين إلي المصايف‏.‏

وفي الوقت نفسه‏,‏ تبين للهيئة العامة للبترول‏,‏ من خلال المتابعة الميدانية‏,‏ ظاهرة التلاعب في كميات البنزين‏80‏ وخلطه بـالبنزين‏90,‏ مما يؤثر في كفاءة السيارات‏,‏ وقد بدأت الهيئة في تكثيف حملات الرقابة علي محطات تموين السيارات‏,‏ وزيادة كميات البنزين‏80‏ بالمناطق التي شهدت اختناقات في توزيعه‏.