الــ Gps منين وبكام ؟؟؟؟؟؟؟؟؟

**MRBEBO** · 09-02-2009 09:03 AM

انا كنت عاوز اعرف جهاز GPS

اللي هو نظام الملاحة عن طريق الاقمار الصناعية ممكن الوحد يشتريه منين

وسعره وهل فيه خرايط لمصر

الحقيقة انا كنت اجهل النظام الرائع ده لغاية لما شفته وجربته

بصراحة رائع جدا واللي هيجربه استحالة يعرف يستغنى عنه

والسؤال التاني هل في عربيات في مصر بينزل فيها الجهاز ده بلت ان يعني بيكون جاي اصلا مع العربية

ياريت يا جماعة تفيدوني في الاسئلة دي

**MeSho_Evo** · 09-02-2009 10:32 AM

الجهاز مش موجود في مصر
عشان ممنوع انت ممكن تشتري من برة

والافضل انك تشتري موبايل نوكيا جديد n95 او n96
بس من برة مصر عشان اللي في مصر مفيهوش GPS
والـ GPS اللي في الـ N95
جميل وزي الفل وشغال كويس و نظام تحكمة زي اللي في الصورة واحسن كمان
زي كدا

وفي خرايط مصر
( القاهرة والاسكندرية فقط والطرق الدولية والصحراوية )
وممكن تركب لة برنامج google maps
وبيجيب خرايط كل مكان في مصر رؤية بالاقمار الصناعية زي google earth
واي استفسار تاني انا حاضر

**MRBEBO** · 09-02-2009 11:24 AM

اولا الف شكر ليك يا باشا

انا معايا N82 وفيه Gps

بس انا عاوز المخصص للعربية لثلاث اسباب

1- الشاشة الكبيرة والواضحة على عكس شاشة الموبيل اللي مش هتتشاف في الصبح

2- الـ Gps اللي موجود في الموبيل بيستهلك البطارية بشكل غبي جدا ... تخيل لما بشغله 3 ساعات والبطارية على اخرها بتفضى

3- نظام التحكم في الجهاز خصوصا اللي بيكون تاتش رائع ولا يقارن بالنظام اللي موجود في الموبيل ... اقصد بالتحكم السهولة والسرعة ووضوح التفاصيل ... الخ

**mony10** · 09-02-2009 01:41 PM

فعلاً Gps جميل جداً بس للأسف ممنوع في مصر وحتى لو جبته وركبته في عربيتك مش هتعرف تجيبله خرايط بس الحل دا واحد صحبي عامله في عربيته وكان منزل الموضوع دا في منتدى الرينو هو اشترى N95 من غير ضمان علشان يكون Gps شغال لو بضمان مش هيشتغل لأنه بيكون مقفول وطبعاً بتنزل عليه الخرايط بتاعت القاهره واسكندرية ودي موجوده بسهوله هو عنده في التابلوه علبه فاضيه تحت الكاسيت شالها وحط مكانها تليفزيون Lcd 7 بوصه بيتفتح الشاشه بتاعته وبتتقفل علشان لو كان داخل على لجنه لأنه ممنوع التليفون فيه فيديو آوت وصل الفيديو بتاع التليفون على التليفزيون ووصل الأوديو على الكاسيت بس لازم يكون فيه Aux وجاب شاحن عربيه علشان مشكلة البطاريه بعد التوصيل أي حاجه على شاشة الموبايل بتتعرض على التليفزيون حتى لو مكالمة تليفون أو بتدور في الأسماء باختصار التليفزيون عباره عن شاشه كبيره للموبايل والميزه التانيه لما بيحب يتكلم وهو سايق الصوت بيخرج من سماعات العربيه بس هو جايب حامل للتليفون وحطه على الزجاج الأمامي قريب شويه ليه علشان صوته لما يتكلم يتسمع بوضوح وكان جميل جداً وانا جربته فعلاً ممتع جداً وانت سايق

**PoweRPassioN** · 09-02-2009 02:12 PM

ممكن اعرف هو ممنوع ليه في مصر؟؟؟؟؟
يخرب بيت كدا

**HamadaMOMO** · 09-02-2009 02:55 PM

بجد الموضوع دا مهم انا شفت فى معرض القاهرة بتاع الصين الشهرين الى فاتو كانو بيبيعوه بس خرائط مصر مش علية
فياريت حد يدلنا على افضل نوع وتكون الخرائط كاملة

**blazer** · 09-02-2009 03:14 PM

الجهاز بقى لا غنى عنه بلذات ان فى مصر مفيش اى علامات ارشاديه ولا اى نيله
انا بتعذب لما ابقى رايح حته اول مره اروحها
هو الجهاز فى المعرض بتاع الصين اللى حضرتك بتقول عليه كانوا بيبيعوه بكام ؟؟

**HamadaMOMO** · 09-02-2009 09:40 PM

كان فى 3 انواع 400ج و 650ج و 1000ج كل واحد حسب امكانياتة

**copra2008** · 10-02-2009 09:28 PM

اشترى من برة احسن لو عندك فيزا كارت نت من موقع http://www.amazon.com مضمون ميه فى الميه وبيعملة تخفيضات جامده اوى الكاسيت ده بيونير جااامد وفى الاحدث منه برضوا بس مفيش فرق كبير

Pioneer AVIC-F700BT In-Dash Navigation Audio Receiver with CD Playback and Advanced Voice Controls

سعرة : Price: $399.95

ولو معندكش فيزا كارت ممكن تتصل بأراميكس وهما يشترهولك من الموقع ويبعتهولك بطرد لغاية باب بيتك اتصل بيهم وشوف عمولتهم كام

مش حتبقى كتير يعنى وطبعآ اراميكس العالمية مضمونه مليون فى الميه بتشحنلك اى حاجه فى اى حتة فى العالم انا اتعاملت معاها قبل كده

وده الموقع بتاعهم
http://aramex.com/

كلمهم من الساعه 10 الى 5 مساء

**MRBEBO** · 11-02-2009 04:21 AM

المشاركة الأصلية كتبت بواسطة copra2008

اشترى من برة احسن لو عندك فيزا كارت نت من موقع http://www.amazon.com مضمون ميه فى الميه وبيعملة تخفيضات جامده اوى الكاسيت ده بيونير جااامد وفى الاحدث منه برضوا بس مفيش فرق كبير

Pioneer AVIC-F700BT In-Dash Navigation Audio Receiver with CD Playback and Advanced Voice Controls

سعرة : Price: $399.95

ولو معندكش فيزا كارت ممكن تتصل بأراميكس وهما يشترهولك من الموقع ويبعتهولك بطرد لغاية باب بيتك اتصل بيهم وشوف عمولتهم كام

مش حتبقى كتير يعنى وطبعآ اراميكس العالمية مضمونه مليون فى الميه بتشحنلك اى حاجه فى اى حتة فى العالم انا اتعاملت معاها قبل كده

وده الموقع بتاعهم
http://aramex.com/

كلمهم من الساعه 10 الى 5 مساء

يا باشا ما المشكلة انه ممكن يتصادر في الجمارك لانه غير مصرح بيه . ومش معقول الواحد هيدفع حوالي 2000 جنيه مثلا ومش ضامن انها هتوصله ولا لا
بتهيئلي لو في حد بيجبهم هنا هيكون اضمن من مغامرة الجمارك دي.