مفصلات غطاء كبوت الماروتى

**.ahmed.youssef** · 30-10-2012 06:42 PM

السلام عليكم ورحمة الله وبركاته

سؤال لاخوانى مالكى الماروتى فى المنتدى

رزقت بسيارة ماروتى موديل 2007 مستعملة صاحبة السيارة قبل ماتنوى تبيعها كان غطاء الكبوت فتح منها واتطبق وكسر ليها زجاج السيارة المهم هى صلحت الغطاء ولما اشتريتها طول مانا ماشى بالعربية سامع خرفشه من غطا الكبوت دة غير انى بقفله كويس ولما بمشى شوية بيها قفل غطا الكبوت بيفتح لوحده طبعا مش بتوصل ان الغطا بيرفع لفوق ويتفتح على اخره بس لما القفل بيفتح بسمع صوت دربكة قدام من كتر اهتزازه روح لسمكرى وعرضت عليه الامر قالى هاتلى مفصلات لغطا الكبوت ونجرب روحت شارع دمشق عند اكرم حمدى وسألت على المفصلات لاقيتها بـ 190 جنية وقالى انها أصلية بصراحة استغليتها اوى وقولت اسأل اخوانى فى المنتدى هنا هل هلاقى المفصلات دى فى مكان تانى تكون ارخص شوية حتى لو مش اصلية وهتبقى بكام تقريبا وأسال عليها فين ؟

وجزاكم الله كل خير

**Amr Axel** · 30-10-2012 06:56 PM

الف مبروك العربية
مش عارف ايه اللي جاب المفصلات لقفل الكبوت جايز بس القفل محتاج يتظبط مش اكتر
ممكن تجرب تشوف سمكري غيره شوف هيقولك ايه

بخصوص شرء قطع الغيار اكرم حمدي معروف انه غالي شوية لكن حاجته نضيفة فعلا و تاخدها و انت مطمن و بيطلعلك فاتورة أصلية بختم المحل مش مجرد بيان زي محلات كتيير و اي حاجة هترجعله

في شارع احمد حلمي محل اسمه ميدو2 اليافطة لونها ابيض هتلاقي الحاجة رخيصة عندهم

فيه ليدرز في الدقي شارع ايران برده قطع غيار نضيفة و سمعت ان الاسعار معقولة

سوزوكي سنتر في التوفيقية فوق اسماك ابو غالي برده اسعاره نص نص و حاجات حاجات

و في انتظار تقرير من حضرتك تبلغنا عملت ايه في موضوع الكبوت :)

**Amr Axel** · 30-10-2012 08:19 PM

المشاركة الأصلية كتبت بواسطة .ahmed.youssef

الله يبارك فيك ياباشا برضة انا سألت السمكرى نفس السؤال اية علاقة المفصلات بقفل الغطا قام فتح الغطا ومسكه بايده وقعد يحركه يمين وشمال والغطا بيتحرك فى ايده بكل سهولة وقالى لما بتمشى بالعربية الغطا بيتحرك يمين وشمال لان المفصلات ضعيفة جدا فلما بيتحرك يمين وشمال القفل بيفك
طيب ياباشا لو أمكن ممكن تبعتلى رقم محل ميدو 2 فى رسالة
واشكرك على اهتمامك :)

جايز برده بس شوف واحد تاني يمكن يلاقي حل يوفر عليك
للأسف يا باشا معييش نمرتهم

**dr.hazem** · 31-10-2012 06:43 AM

في كاوتشه فوق كل فانوس (واحدة يمين وواحدة شمال) بتتلف بحيث تعلى وتوطى فيقفل الكبوت عليهم ويبقى مسنود وميلقش
مشكلتك غالبا اما انهم مش موجودين او واحدة منهم يعني
با اما انهم عايزين ظبط....
انسى المفصلات نهائي
كبوت الماروتي خفيف ويروح يمين وشمال لانه بيرتكز بقاعدة واحدة فده طبيعي....

تحياتي

Sent from my LT18i using Forum Runner

**lidosasa** · 01-11-2012 01:22 PM

المشاركة الأصلية كتبت بواسطة .ahmed.youssef

الله يبارك فيك ياباشا برضة انا سألت السمكرى نفس السؤال اية علاقة المفصلات بقفل الغطا قام فتح الغطا ومسكه بايده وقعد يحركه يمين وشمال والغطا بيتحرك فى ايده بكل سهولة وقالى لما بتمشى بالعربية الغطا بيتحرك يمين وشمال لان المفصلات ضعيفة جدا فلما بيتحرك يمين وشمال القفل بيفك
طيب ياباشا لو أمكن ممكن تبعتلى رقم محل ميدو 2 فى رسالة
واشكرك على اهتمامك :)

01111854123
ده رقم المحمول بتاع واحد إسمه إسلام وهو بيشتغل فى محل ميدو بس الحقيقة مش عارف ميدو ولا ميدو 2

**Amr Axel** · 01-11-2012 04:38 PM

هو اسلام اللي عند ميدو2 اما صاحب المحل اسمه رامي بس اوعي تقفش لو اتعاملت مع رامي لأن هو طريقته كده في المعاملة

-

الموضوع: مفصلات غطاء كبوت الماروتى

LinkBack

أدوات الموضوع

عرض

-

-

-

-

المواضيع المتشابهه

مفصلات Lambo

مفصلات بيبان لامبورجيني للبيع

مفصلات Lambo

مفصلات الابواب زي بتاعت الامبورجيني

الكلمات الدلالية لهذا الموضوع

المفضلات

المفضلات

ضوابط المشاركة