اخيرا جبت e30 >> ندخل في التزبيط بقى + شكر خاص للاستاذ شريف

**bedos** · 31-10-2012 05:09 AM

السلام عليكم ورحمة الله وبركاته
انا بقالي اكتر من حوالي سنه تقريباً وانا بدخل على المنتدي هنا
وقصتي طولت شويا
انا في البدايه فكرت اني اجيب e36 وفعلا دورت وكنت هجيب واحده ستوك 1600 بس
وقعدت فترة ابيع في عربيتي دايو لانوس ومحصلش نصيب وسافرت ولما رجعت بعتها قريب جدا
وقولت اجيب e30 احسن وازبطها على مزاجي احسن من e36 عاديه
والحمد لله بعد طول انتظار النهارده دفعت عربون اول عربيه وهنزل اخلص ورقها بكرا إن شاء الله
وشكر خاص للاستاذ شريف خاصه انه هو اللي دلني على العربيه
الف الف شكر ومعلش تعبته معايا اليومين اللي فاتوا
---------------------

المهم انا دلوقتي عاوز اول ما اجيب العربيه ازبطها
انا حاطط ميزانيه في حدود 6000 - 8000 جنيه
اعتقد ان عفشه وماتور مش هيبقوا محتاجين مصاريف
طقم صوت موجود عندي - ديفيل راكب في العربيه - فلتر رياضي راكب برده
انا عاوز اخد رايكم في شوية حاجات ابدأ بايه واعمل ايه

-تغيير الفوانيس والاكصدامات لـ m40 ولا اعمل فايبر والتكلفه كام
-اللعب او عمل فتحات في الرفرفين اللي قدام والكبوت
-الدوكو والرش المحترم يعمل كام ؟؟ وهل تغيير لون العربيه الخارجي ينزل جامد في سعر بيعها بعد كدا
- فتحه السقف عاديه هل ممكن اخليها كهربا
- الكارونه 6 سلندر عاديه لو خليتها لوك هل هتفرق وهل دا مهم ولا لا
- الطبلون عادي ايه الفرق بينه وبين الـ ام وهل يستاهل انه يتغير؟؟
- الجنوط 15 BBS هل تنصحوني اغيرها ولا لا واغيرها لمقاس كام ولو بعتها هتعمل كام ؟؟
- قطع الغيار لو احتجت رفرف او فرش باب ارخص في القاهره او بور سعيد خاصة ان بور سعيد اقرب بس مش كتير يعني ؟؟

معلش انا تاعبك معايا جدا جدا جدا وعاوزكم تساعدوني وانا هصور العربيه اول ما اجيبها وهعمل تقرير كامل عن كل التعديلات اللي هعملها ان شاء الله خطوه بخطوه وان شاء الله هتعلم وافيد اللي بعدي ان شاء الله

وشكر خاص للاستاذ شريف على مجهوده معانا

اخوكم د/محمد بدوي

**S O P H O S** · 31-10-2012 05:24 AM

الف مبروك يا باشا
ربنا يباركلك فيها ..

**icon** · 31-10-2012 05:27 AM

الف مبروك مقدما .. وادعيلي ربنا يرزقني بيها علشان بدور بقالي كتير علي حاجة نظيفة

ومتنساش التقرير والصور

**bedos** · 31-10-2012 05:31 AM

المشاركة الأصلية كتبت بواسطة S O P H O S

الف مبروك يا باشا
ربنا يباركلك فيها ..

الله يبارك فيك يارب تسلملي

شكرا على المرور

المشاركة الأصلية كتبت بواسطة icon

الف مبروك مقدما .. وادعيلي ربنا يرزقني بيها علشان بدور بقالي كتير علي حاجة نظيفة

ومتنساش التقرير والصور

الله يبارك فيك يارب يارب يرزقك بواحده نضيفه على مزاجك
ان شاء الله باذن الله انا ناوي ابدء في حوار التزبيط دا على السريع علشان الفلوس متتصرفش في حاجه تانيه اي حد يقدر يساعد باي فكرة يكون تمام التمام

وفيه سوؤال اضافي كمان يعني ايه فانوس m40 بقطيعيته ؟؟
والرينجاات تتعمل فين وبكام ؟؟
ولو عاوز اعمل الفانوس الخلفي ليد هينفع وهيكلف كام كا فكره جديده ؟؟

**AHMED_DINAMO** · 31-10-2012 05:37 AM

مبرووووووووووووووووووك يا باشا عقبال ما تخلص تظبيطها ان شاء الله

**yousflee** · 31-10-2012 09:59 AM

الف مبروك يا باشا و يارب تظبط العربية بالشكل الى يرضيك بالنسبة لموضوع الفوانيس الخلفية افتكر ممكن تعملها لدات عند
.......
و ربنا يوفقك

الادارة

**golfawyzz** · 31-10-2012 02:39 PM

المشاركة الأصلية كتبت بواسطة sheko_2000eg

التزبيط :
ركز معايا و انا هحليهالك اجمد e30 في مصر
بس الاول تاحد العربية و بعد كده هعد معاك و نعمل كروكي بالحجات اللي عايزة تتغير و متقلقش حاجتها رحيصة يعني مثلا باب كامل بالازاز الكهرباء بالمكنة بتعت الازاز هيعمل 150ج
فا اطمن المهم انك اولا تحلص العربية و بعد كده ندحل في التزبيط
و اوعي تشكرني لاننا هنا احوات و انا تحت امرك .

الابواب دى بتاعت ال m40
بالباكيتات وكده ؟؟

**golfawyzz** · 31-10-2012 02:41 PM

المشاركة الأصلية كتبت بواسطة yousflee

الف مبروك يا باشا و يارب تظبط العربية بالشكل الى يرضيك بالنسبة لموضوع الفوانيس الخلفية افتكر ممكن تعملها لدات عند
.....
و ربنا يوفقك

**bedos** · 31-10-2012 03:36 PM

المشاركة الأصلية كتبت بواسطة ahmed_dinamo

مبرووووووووووووووووووك يا باشا عقبال ما تخلص تظبيطها ان شاء الله

الله يبارك فيك يارب وان شاء الله نصور كل حاجة والكل يستفيد شكرا عل المرور

المشاركة الأصلية كتبت بواسطة sheko_2000eg

التزبيط :
ركز معايا و انا هحليهالك اجمد e30 في مصر
بس الاول تاحد العربية و بعد كده هعد معاك و نعمل كروكي بالحجات اللي عايزة تتغير و متقلقش حاجتها رحيصة يعني مثلا باب كامل بالازاز الكهرباء بالمكنة بتعت الازاز هيعمل 150ج
فا اطمن المهم انك اولا تحلص العربية و بعد كده ندحل في التزبيط
و اوعي تشكرني لاننا هنا احوات و انا تحت امرك .

تسلم يارب ودا العشم والله
وان شاء الله الورق هيخلص بكرا وهكلم حضرتك

المشاركة الأصلية كتبت بواسطة yousflee

الف مبروك يا باشا و يارب تظبط العربية بالشكل الى يرضيك بالنسبة لموضوع الفوانيس الخلفية افتكر ممكن تعملها لدات عند
.....
و ربنا يوفقك

الله يبارك فيك يارب وتسلملي
هو مامادو شغال فيها ؟؟ او عنده محل انا هتواصل معاه وربنا يسهل

شكراَ

-

الموضوع: اخيرا جبت e30 >> ندخل في التزبيط بقى + شكر خاص للاستاذ شريف

LinkBack

أدوات الموضوع

عرض

-

-

المواضيع المتشابهه

ساعدوني ياشبااب التزبيط

تجربة للاستاذ شريف مع سيارة الاسبيرانزا شوفو قال ايه

الكلمات الدلالية لهذا الموضوع

المفضلات

المفضلات

ضوابط المشاركة