سؤال في أسلوب تغيير مياه الردياتير في محطة بنزين

**A_H_M_A_D** · 31-10-2012 10:45 AM

انا روحت محطة موبيل ابن سندر عشان اغير مية الردياتير , العربية كان فيها ميه عاديه و كنت عايز احطلها مية تبريد موبيل

السؤال اللي عندي ان العامل هناك بعد ماخلص عمليه التنضيف وكل الميه القديمة نزلت بالصدا اللي كان موجود بعد حوالي 10 دقايق من توصيل الردياتير بجهاز التنضيف في دورة مفتوحة كانت الميه الداخله بتنزل تاني على الارض بعد ماتمر بدورة التبريد , في خلال المرحلة دي كان الموتور شغال

بعد كده وقف الموتور و نضف بالهواء عشان يزيل اي اثر للميه القديمة , وبعدين بدأ يحط من الميه الجديده الملونه , لكن و الموتور واقف ومش شغال , ولما سألته هو مش لازم يدور العربيه قالي لأ لأن الدورة جوه فاضيه , ومابدأش يدور تاني غير بعد ماالردياتير اتملى تماما هو والقربه , فدور و زود شوية ميه صغيرين لما كانت الميه بتنقص مع دوران الموتور

هل اللي عمله ده صح كده ؟ لأني أعرف ان الموتور لازم يفضل داير اثناء وضع الميه ؟ ولا كده ممكن يكون سببلي مشكله بجهله ؟

**mr_vampire** · 31-10-2012 11:38 AM

اعتقد انه كدة عمل الصح ان والعربية فاضية خالص مافيهاش مية مرضاش يدورها لان دورة التبريد فاضية فهتسخن ومش هتلاقي مية تبرد فيحصل مشكلة ... ودور العربية لما حط المية عشان دورة التبريد تشتغل ويزود بقي الناقص....

انا فعلا بفكر اعمل الحوار ده لان فعلا المية القديمة بتنزل بصدي كتير جدا ورواسب كتير ... الليلة ده اتكلفت كام يافندم بعد اذنك ؟؟؟؟؟؟؟؟

**A_H_M_A_D** · 31-10-2012 11:51 AM

المشاركة الأصلية كتبت بواسطة mr_vampire

اعتقد انه كدة عمل الصح ان والعربية فاضية خالص مافيهاش مية مرضاش يدورها لان دورة التبريد فاضية فهتسخن ومش هتلاقي مية تبرد فيحصل مشكلة ... ودور العربية لما حط المية عشان دورة التبريد تشتغل ويزود بقي الناقص....

انا فعلا بفكر اعمل الحوار ده لان فعلا المية القديمة بتنزل بصدي كتير جدا ورواسب كتير ... الليلة ده اتكلفت كام يافندم بعد اذنك ؟؟؟؟؟؟؟؟

تكلفة التنضيف 20 جنيه , وسعر جركل مياه تبريد موبيل 4 لتر 75 جنيه

بس انا قلقان من وضع الميه و هي بارده داخل المحرك و هو سخن من غير مايدوره , امال ليه احنا دايما لازم ندور الموتور قبل مانزود الميه

**Hussein_Ramdan** · 31-10-2012 11:54 AM

تمام هو دة الصح
بس سؤال للناس الى لسة بتحط مياة من الحنافية فى الردياتير لية يعنى
ماهو الى بيوفرو كل سنة مثلا خمسين جينة تمن جركن مياة خضرا موبيل انظف حاجة
بيدفع بعد كام سنة واضعاف تمن ردياتير جديد ؟؟

**A_H_M_A_D** · 31-10-2012 11:56 AM

المشاركة الأصلية كتبت بواسطة hussein_ramdan

تمام هو دة الصح
بس سؤال للناس الى لسة بتحط مياة من الحنافية فى الردياتير لية يعنى
ماهو الى بيوفرو كل سنة مثلا خمسين جينة تمن جركن مياة خضرا موبيل انظف حاجة
بيدفع بعد كام سنة واضعاف تمن ردياتير جديد ؟؟

الحقيقة انا كنت شاري العربيه مستعمله و فيها ميه عادية و مفكرتش اغيرها الا امبارح

**moumen_hs** · 31-10-2012 12:00 PM

هو كدة عمل الصح ببساطة أصلا العربية مش سخنة ولا حاجة هو بيشغل العربية لما بيكون حاطط فيها الخرطوم بالمياة للتنظيف علشان طرمبة المياة تشتغل وتدور المياة فى كل المواسير والعربية هنا بتكون بردة بعدين لما بيخلص بيزود عادى ( العربية بردة ) بيملى لما تاخد العربية وبعدين يشغل علشان المية تتسحب عن طريق الطرمبة وبعدين يزود حتى المقياس فدة الطبيعى مفيش قلقل وياريت حضرتك تحافظ على المياة الخضراء دائما لانها بتحافظ على دورة التبريد فعلا وتحياتى

**A_H_M_A_D** · 31-10-2012 12:17 PM

المشاركة الأصلية كتبت بواسطة moumen_hs

هو كدة عمل الصح ببساطة أصلا العربية مش سخنة ولا حاجة هو بيشغل العربية لما بيكون حاطط فيها الخرطوم بالمياة للتنظيف علشان طرمبة المياة تشتغل وتدور المياة فى كل المواسير والعربية هنا بتكون بردة بعدين لما بيخلص بيزود عادى ( العربية بردة ) بيملى لما تاخد العربية وبعدين يشغل علشان المية تتسحب عن طريق الطرمبة وبعدين يزود حتى المقياس فدة الطبيعى مفيش قلقل وياريت حضرتك تحافظ على المياة الخضراء دائما لانها بتحافظ على دورة التبريد فعلا وتحياتى

انا بصيت ساعتها على مؤشر الحراره لقيته قبل النص بشويه , يعني تقريبا كان على تلت القرايه , يعني لو النص 90 يبقى هو كان على 60 تقريبا

**khalid_adel** · 31-10-2012 12:25 PM

طب بالمره بقي احسن ميه خضرا ايه عشان اجبها ؟؟ وهل يمكن بعد ما احط ميه خضرا ابقي ازود بميه مقطره لما تنقص شويه ؟؟
انا فعلا عايز اعملها ضروري
ياريت ترشحولي افضل مكان اعملها فيه وشكرا

**A.Saad** · 31-10-2012 01:16 PM

المشاركة الأصلية كتبت بواسطة khalid_adel

طب بالمره بقي احسن ميه خضرا ايه عشان اجبها ؟؟ وهل يمكن بعد ما احط ميه خضرا ابقي ازود بميه مقطره لما تنقص شويه ؟؟
انا فعلا عايز اعملها ضروري
ياريت ترشحولي افضل مكان اعملها فيه وشكرا

الاول شوف موتورك عايز ايه

جليكول ايثلين ولا oat
لو الاول
هتلاقى فالفولين وموبيل

وبريستول بس قلقت لتكون مضروبة